¹ Zungo peyesila, Paulo eita ophunzila ndipo pavuli pobalimbikisa, ebalaila noyambapo kuloba mu Masedoniya. ² Pepitamo mu mizinda izi nakulabila mau anyinji ya cilimbikiso kwa beve, ewela ku Gilisi. ³ Pavuli po nkhala miyezi itatau kwamene, bemuukila Ayuda penzokonzekela kuyambapo kuluta ku Asiliya, esintha maganizo nowelela kupitila ku Masedoniya. ⁴ Bemupelekejya mpakana kuyofika ku Asiliya penze Sopater mwana wa Pyrrhus waku Beriya; Aristarchus na Secundus onse ofumila ku okhulupilila aku Atesolonika; Gaius waku Debe; Timoni; Tychicus na Trophimus ofumila ku Siliya. ⁵ Koma aya madoda ezesogolapo ndipo enzotiyembekeza ku Troas. ⁶ Teyenda na bwato kufuma ku Afilipi pavuli pa masiku ya buledi uliye cotipisha, ndipo pa masiku faifi tefika kwa beve ku Troas. Uku tenkhalako masiku seveni. ⁷ Siku loyamba la sabata, petenze tesonkhana pamozi kuti tinyeme buledi, Paulo elabila nao okhulupilila. enzo funikila kuyambapo ulendo mumawa mwake, ndiye enzongolabila mpakana pakati pa usiku. ⁸ Mwenze nyale zinyinji mu cipinda ca pa lulu mwetenzokumanilana tonse. ⁹ Pa windo penze nkhala musaza muyakine zina lake Eutychus, ndipo enzelele mutulo. Lomba Paulo penze tola nthawi akali kulabila, uyu musaza, ali mutulo, epona pansi kuckela pa cipinda ca pa nambala fili pa lulu, emunyamula wakufwa. ¹⁰ Koma Paulo eseluka pansi, na kuzotambalala pa yeve momukumbatila. ndipo eciti, "Musakhumudwe soti, pakuti ni wamoyo." ¹¹ Ndipo ewelela soti pa lulu nakunyema buledi nakulya. Pavuli polabila nao kwa nthawi itali mpakana kumatanda kucha eluta. ¹² Bemuleta soti musaza wamoyo ndipo becimvwa bwino ngako. ¹³ Seo teluta pasogolo pa Paulo noluta na bwato ku Assos, kwetenze kuti akakwelele Paulo. Ici ndiye cenzofuna yeve kuti cicitike, cifukwa enzofuna kuti ayende ulenda wa pa mutunda. ¹⁴ Petipeza ku Assos, temunyamula mu bwato nakuya ku Mitylene. ¹⁵ Ndipo teyenda na bwato kufuma apo mpakana tefika mumawa mwake pamalo yolangana na cisumbu ca Chios. Siku yokonkhapo tefika pa cisumbu ca Samos, ndipo siku yokonkhapo soti tefika ku muzinda wa Miletus. ¹⁶ Pakuti Paulo enzofuna kuti tipitilile kwa Aifenso, kuti asataye soti nthawi mu Asia; pakuti enzoutukila kuti akapezeke ku Yerusalemu pa nthawi ya Pasika, ngati nicotheka kwa yeve kucita teto. ¹⁷ Kufumila ku Miletus etuma madoda kuluta ku Aifenso kuyomuitila akulu ba mpingo. ¹⁸ Pebewela kwa yeve, eciti kwa beve, "Mweo mwabenekazi muziba, kufumila poyamba penedyaka kwendo langu mu Asia, mwenenzo nkhalila namwe nthawi zonse. ¹⁹ Nenzotumikila Mulungu na maganizo yozicepesa ndipo na misozi, na mazunzo yenicitikila kamba ka kuukila kwa Ayuda. ²⁰ Muziba kuti niliye bise kwa mweo ciliconse cofunikila ku nenela pa mweo ndipo na kukuphunzisani pamutete ndipo namuma ng'anda pa ng'anda, ²¹ kucitila umboni ku onse Ayuda na Giliki pa Kulapa kwa Mulungu na cikhulupililo mwa Ambuye wasu Yesu. ²² Lomba onani, nikuya ku Yerusalemu, mosogololewa na Mzimu, kosaziba caticikacitike kwa neo kula, ²³ koma cabe pakuti Mzimu Utuba unipasa umboni kuti mumuzinda ulionse vingwe na mazunzo vuniyembekeza. ²⁴ Koma nuona lini moyo wangu kunkhala wa mtengo ukulene, malinga ngati ningasilijye lubilo langu na utumiki wenelandila kufumila kwa Ambuye Yesu, kupeleka umboni wa uthenga wa cisomo ca Mulungu. ²⁵ Lomba onani, nuziba kuti mweo monse benenzo yenda namwe pozunguluka kulalikila Ufumu, nkhope yangu simuzakayionapo soti. ²⁶ Mwa ici nupeleka umboni kwa mweo lelo, kuti niliye mulandu pa magazi ya munthu aliyense. ²⁷ Pakuti niliye bise vokamba pa conse cifuno ca Mulungu. ²⁸ Mwa ici nkhalani chelu pa moyo wanu, na pa nkosa zamene Mzimu Utuba wakuyikani kuti munkhale oyang'anila. Nkhalani chelu pa ubusa wa mpingo wa Mulungu wegula na magazi bake. ²⁹ Nuziba kuti nika luta vimbalangondo volusa vikuza pakati panu ndipo siviza leka nkosa zanu. ³⁰ Nuziba kuti kufumila ngankhale pakati panu madoda bayakine bakuzosokoneza coonadi kuti ophunzila akonkhe beve. ³¹ Ndiyekuti citani umalonda. kumbukilani kuti kwa zaka zitatu niliye leke kuujya aliyense wa mweo na misozi usiku na muzuba. ³² Lomba nukuikani mwa Mulungu na ku mau ya cisomo cake, cukwanisha kukukujyani na kukupasani cokolo canu pakati pa ao esukiwa. ³³ Niliye londe munthu siliva kapena golide, kapena covwala. ³⁴ Mweo mweka muziba kuti aya manja yenzozipezela zofuna zangu na za benenze nao. ³⁵ Mu vinthu vonse nemupani cisanso mumunga thandizile ofoka paku sebenza, ndipo naku kumbukila mau ya Ambuye Yesu yelabila yeka kuti: 'Nikodalisika ngako kupasa kuposa kulandila.'" ³⁶ Pavuli polabila munjila iyi, egwada pansi no pemphela nao onse. ³⁷ Kwenze kulila ngako ndipo bemukumbatila naku mufyofyontha. ³⁸ Baliyekondwele maka-maka cifukwa cakuti elabila, kuti nkhope yake bakayionepo lini soti. Ndipo bemupelekejya kuyokwela bwato.