¹ Lomba kwenze lidoda liyake mu zimda wa Kaisareya, wozibika kuti Keneliyo, kentuliyo wa kagulu kozibika mu Itali. ² Enze lidoda lozipeleka, oyopa Mulungu na banja lake lonse, enzepasa mathandizo ku banthu anyinji, ndipo enzopemphela kwa Mulungu mosalekezya. ³ Ili pafupi kukwana naini koloko, eona mosakaikila mensomphenya a mungelo ndipo wa Mulungu akuza kwake. Mungelo eingeti, koneliyo. ⁴ Koneliyo elangishishya mungelo ndipo enzeyopa ngako no nena kuti, ni cinji, Ababa? Mungelo emuuzya kuti, Mapemphelo bako na mathandizo vakwela nga ni copeleka ca cikumbukilo pa menso pa Mulungu. ⁵ Lomba tumizyani madoda ku mzinda wa Yopa kuti akawele na lidoda zina lake Simoni otumiwa Petulo. ⁶ Onkhala nganda ya Simoni wokonza vikumba, wamene nganda yake ili mumbali mwa nyanja. ⁷ Pamene peecoka mugelo wamene enzomukambisha, Koneliyo eita banchito bake ,na musilikali ezipeleka pa bala enzomutumikila. ⁸ Koneliyo ebauzya zonse zecitika no batuma alute ku Yopa. ⁹ Lomba pa siku lokonkhapo ikaliye kwana nthawi ya sikisi koloko, akali pa ulwendo wao ali pafupi na mzinda, Petulo ekwela pa lulu pa nganda kuyopemphela. ¹⁰ Pamene apo ecimvwa njala ndipo enzofuna kamthu kakuti aliye, koma opika akali kupika cakulya, epasiwa mesomphenya. ¹¹ Ndipo eona kululu kwavulika ndipo coikamo cuseluka, cinthu monga ni cinyala cuseluka kuza pa calo, kuselushiwa mosebenzeshya mbali zake folo. ¹² Mwa ici mwenze nyama zonse za mendo folo na vinthu vokalamba pa calo na nyoni za mumulengalenga. ¹³ Ndipo liwu lemulabizya eve; panama , Petulo, paya na kulya. ¹⁴ Koma Petulo eciti, Teto yai, Ambuye, pakuti neo nikaliye lyapo cili conse coifiwa na cosasukiwa. ¹⁵ Koma liu lewela soti kacibili kwake, cowasuka Mulungu, weousaciite coifiwa. ¹⁶ Ici cecitika katatu, ndipo coikamo cetolewa kuwelela mumulengalenga. ¹⁷ Lomba Petulo akali osokonezeka ngako na tanthauzo la mensomphenya beciona, onani, madoda etumiwa na Koneliyo befika pa mulyango, pavuli pokonsha njila yao kuya ku nganda. ¹⁸ Beita nokonsha ngati Simoni, enzoitiwa soti kuti Petulo, enzonkhala apo. ¹⁹ Petulo akali kuganizila za mensomphenya, muzimu emuuzya eve, Onani, madoda atatu ofuna weo. ²⁰ Panama ndipo useluke na wakuya nao. usawayawaye kuya nao ndaba ni neo nabatuma. ²¹ Petulo eseluka nakuya ku madoda nakulabila, Ni neo ula umufunafuna Nanga ni cinji camwawelela? ²² Beve eciti, kentuliya woitiwa Koneliyo, munthu olungama ndipo umozi oyopa Mulungu, ndipoomulabilila zabwino chalo conse ca Ayuda, epasiwa uthenga wofuma kwa Mulungu mwamungelo mutuba na kuuzyiwa kuti atume bakuzokutolani kuya ku nganda kwake, kuti akamvwe uthenga kufuma kwa mweo. ²³ Apo Petulo ebaita kuti balobe na kunkhala naye. Mu mawa mwake mokonkhapo eima na kuya nao, ndipo anekwao ayakine aku Yopa emupelekezya eve. ²⁴ Pasiku lonkonkhapo befika ku kaesaliya.Koneliyo enzo balindilila beve, eita ba banja bake na ayake apamutima. ²⁵ Cecitika kuti pamene peloba Petulo, Koneliyo ekumana naye na kuwa pansi ku mendo kwake kuti amupembeze eve. ²⁶ Koma Petulo emuthandiza kupanama, nonena, 'Panama', Neo nane nine munthu. ²⁷ Akali kulabila naye Petulo, eve eloba mukati nopeza banthu banyinji osonkhana pamozi. ²⁸ Enena nao ' mweo mweka muziba kuti nicosavomekezyaka kuti munthu mu Yuda aziphalikzye kwa olo kuyotandala na mutundu uyake. Koma Mulungu wanionesha neo kuti sinufunika kuita munthu aliyense oifiwa olo osasukiwa. ²⁹ Lo ndaba neo newela cosasushapo, pamwewela kuzonitola neo. Neo nukhonsha ndaba ninji mwewela kuzonitola. ³⁰ Koneliyo enena kuti, ''masiku folo apita pa nthawi yamene ino, neo nezopemphela pa awala ya naini mu nganda mwangu, ndipo onani, lidoda lepanama pasogolo panga ali na vovwala vonganimila. ³¹ Elabila kuti, ''koneliyo mapemhelo bako Mulungu wabamvwa na kupasa kwako kwakumbusha Mulungu za weo. ³² Tuma munthu ku yopa na kuziitila lidoda zina laka simoni oitiwa petulo. Eve ankhala ku nganda ya simoni okonza vikumba, mumbali mwa nyanja. ³³ Pa nthawi imozi netum awela kuzokuitani. nimwe ba cifundo pakuti mwawela. Lomba ndipo, seo tonse tili pano pa menso pa Mulungu kuti timvwe vonsa veekulamulilani mweo Ambuya kuti mukalabile. ³⁴ Ndipo petulo evula pakamwa paka nonena, ''cendi,naona kuti Mulungu aliye sankhu. ³⁵ m'malo mwake, mu vyala vonse ali onse oyopa eve na kucita ncthito zolungama ni wavomele zyewa kwa eve. ³⁶ Muziba uthenga wetunizya ku banthu baku Israeli, pamane pememeza uthenga wabbino wa mtendele kupitila mwa Yesu kustu,wamene ni Ambuye wa onse. ³⁷ Mweo mwdeka muziba zocitika zonse zecitika,zecitikika mu yudeya yonse, Kuyambilamu Galileya,pavuli pa ubatizo wememeza Yohane, ³⁸ zocitika zokhuza Yesu waku Nazaleti,Mulugu mwecimuzozela na muzimu utuba na mphamvu.Eve epita pita kucita zabwino no polesha onse enze amengika na mdelekezi,pakuti Mulunga enze naye. ³⁹ Nise mboni za vinthu vonse vecita Yesu monse mu calo ca ayuda na mu yelusalemu. Emupaya eve mwa kumupanyika pa ,muti, ⁴⁰ Koma Mulungu emuusha pa siku la citatu no pangisha kuti akaonekele, ⁴¹ Osati na banthu onse, koma mboni zesankhiwa kale na Mulungu mwa seo tecilya na kumwa naye pavuli peuka kwa akufwa. ⁴² Etilamulila seo kuti timemeze ku banthu na kucitila umboni kuti uyu ndiye wamene esankhiwa na Mulungu kuti akhankhale oweluza wa amoyo na bakufwa. ⁴³ Ni kwa eve kobocitila umboni aneneli onse, kwakuti onse amukhulupilila eve akalandile khululukiwa kwa macimo kupitila mu zina lake. ⁴⁴ Petulo akalulabila ivi vinthu muzimu utuba ewila pa onse enzomvelela uthenga wake. ⁴⁵ Banthu benze mu gulu la odulidwa okhulupilila onse ewela na Petulo edadwa, kamba ka mphaso ya mzimu utuba wetiliwa na pa akunja kumo. ⁴⁶ Pakuti ebamvwa aba akunja olabila vitundu viyake na kumukweza Mulungu. ⁴⁷ Ndipo Petulo eyankha, Ko pali munthu angaleshe manzi kuti aba banthu balandila mzimu utuba monga seo? ⁴⁸ Ndipo elamula kuti atiziwe mu zina la Yesu kristu. ndipo emusenga kuti ankhale nao kwa masiku anyinji.