¹ Lomba zolinga ku zosonkha banthu atuba a Mulungu: Monga mweneujyila mipingo yaku Galatiya, namwe mucite cimozi mozi. ² Pa siku loyamba la sondo, aliyense wa mweo okoika kanthu pa mbali nokasunga monga mwakupeza kwake. Citani ici kuti pasankhale zosonkha neo nikawela. ³ Neo nikafika nikalembe makalata kwa aliyense wamwavomelejya yobazibisha naku batuma kuti balute ku Yerusalemu na mphaso zanu. ⁴ Ngati nikafunike kuti nane nilute, baka lute nane. ⁵ Koma nikawele uko pavuli popitila ku Masedoniya. Ndaba nuzela ku Masedoniya. ⁶ Payakine nikankhale namwe mwina mpaka mumalanga, kuti mukanithandize paulendo wangu, kuli konse kuningalute. ⁷ Pakuti sunufuna kuti nikakuoneni pa ulwendo wongopitilako tyala. Ndaba nufunishisha kuti nikankhale namwe mwaka nthawi, ngati Ambuye onivemelejya. ⁸ Koma nikankhale ku Efeso mpaka nthawi ya Pentekoste, ⁹ pakuti ciseko cikulu canisegukila neo, ndipo nakuti kuli adani osusha anyinji. ¹⁰ Lomba Timoti akawela, muonesheshe kuti kwa mweo ocitalini wowa, ndaba otumikila nchito ya Ambuye, munga munucitila neo. ¹¹ Osalola aliyense kuti amupepule. Muyavyeni pa ulendo wake mu mtendele, kuti awele kwa neo. Pakuti numulindila kuti awele pamozi na anekwasu. ¹² Lomba za Apolo mnekwasu, nemukulumijya kuti akakuyendeleni pamozi na anekwasu. Koma cenze lini mukufuna kwake kuti angawele lomba. Mwa ici, akawele nthawi ikakwana. ¹³ Nkhalani chelu, mupaname nji mu cikhulupililo, mukocita ngati madoda, nkhalani olimba. ¹⁴ Lekani vonse vumucita vicitike mu cikondi. ¹⁵ Muziba banja ya Stefanasi, kuti niye cipaso coyamba ca Akaya nakuti beve bazipatula pakutumikila banthu atuba a Mulungu. Lomba nukulimbikishani, anekwasu, ¹⁶ kuti muzicepeshe ku banthu oteti na ku munthu aliyense otanthindiza pa nchito naku sebenza nase. ¹⁷ Nukondwela kuwela kwa Stefanasi na Fortunato, na Akaiko. Niye baloba pamalo yanu. ¹⁸ Ndaba basisimula mzimu wangu na yanu. Mwa ici, zindikilani banthu oteti. ¹⁹ Mipingo yaku Asiya yupeleka moni. Akwila na Prisila amupani moni mwa Ambuye, na mupingo uli mu ng'anda mwao. ²⁰ Anekwasu onse omupani moni. Pasanani moni na kufyofyonthana kutuba. ²¹ Neo, Paulo, nulemba ici na kwanja kwangu. ²² Ngati muyakine sokonda Ambuye, atembeleleke. Ambuye wasu, welani! ²³ Cisomo ca Ambuye Yesu cibe namweo. ²⁴ Cikondi cangu cibe namwe monse mwa Kristu Yesu.