⁹ Koafa naharegny zany Jesôsy, dia sondriagna taminazy Izy, aveo nitodiky tamin'ny reo vahoaka zay nagnaraka Azy dia nagnanjao: "Koragniky aminareo, fao na dia tagny Israely aby tsy nahitako finoagna hotra zao." ¹⁰ Koafa nimpôdy tagny an-tragno reo zay nirahigny, dia nahita fao salama tsara lehy mpanompo. ¹¹ Tafaran'ny zany, dia nandaiha tagny amin'ny tanàgna atao hoe Naina Jesôsy, ary niaraka tamin'ny reo mpianany ndraiky reo vahoaka maro. ¹² Raha narikitry ny varavaran'ny tanagna Izy, tô nisy lalahy araiky afa maty nindesigny niboaka, zanaka lahy taokan'ny nininy (zay mpitondra taigna), aveo vahoaka maro avy amin'ny tanàgna no niaraka taminazy. ¹³ Koafa nahita azy ny Tompo, dia naforaigny tantairaka azy kay nagnanjao taminazy: "Aza mitomoagny.'' ¹⁴ Avakeo niakatra Izy ary nikasiky lehy vata zay nitondran-jare lehy razagna, ary nijanogno reo nitondra zany. Nivaolagna Izy nagnanjao: "Oa tôvolahy, hoizy Zaho aminao, miaraigny.'' ¹⁵ Dia niarigny lehy maty kay nanomboko nivaolagna, aveo Jesôsy nanôlotro azy tamin'ny nininy. ¹⁶ Nandresy azy jiaby ny hamboriagna, kay nanôhy nidaira Zagnahary hatragny zareo, nivaolagna nagnanjao: "Mpagnazary lehibe no natsangagna aketo amintsika" Ary Zagnahary nitsinjo ny ôlognoanazy." ¹⁷ Tô vava mahakasiky Jesôsy tô dia niparitaka nagnairagna Jodia ndraiky reo faritry magnodidigny jiaby. ²¹ Ary tamin'ny zany fotoagna zany dia nampahivagna ôlogno maro tamin'ny aretigny ndraiky fahoriagna aveo fangirifiriagna avy amin'ny reo fagnahy ratsy Izy, aveo ôlogno gila maro no nampahitagna. ²² Jesôsy namaly kay nivaolagna tamin-jareo nagnanjao: "Koafa avy nandaiha tamin'ny lalanareo areo, tatero amin'ny Jaona zay hitanareo ndraiky regninareo. Nahita ny gila, nandaiha ny malemy, nadio ny boka, naharegny ny maregnigny, nitsanga-ko velogno ny maty, aveo nitoriagna vava maharavo ny ôlogno agnantin'ny tsy fahampiagna. ²³ Sambatra ny ôlogno zay tsy mijanogno mino Zaho nohon'ny atako." ²⁴ Aveo koafa lôsogno reo irak'i Jaona, dia nanomboko nivaolagna tamin'ny vahoaka Jesôsy ny mahakasik'i Jaona nagnanjao: "Hizaha ino no niboahanareo tagny antany maty? Vôlotara nihôzongozôniny rivotro moa? ²⁵ Fao hizaha ino no niboahanareo tagny? Lalahy misikigny lamba tsara moa? Zahavo, reo zay misikigny lamba lafo vidy ndraiky reo miaigny amin'ny fiainagna tsara dia ao amin'ny lapan'ny mpanjaka. ²⁶ Fao hizaha ino no niboahanareo tagny? Mpagnazary moa? Ia, hoizy Zaho aminareo, aveo mihoatra lavitry noho ny mpagnazary. ³³ Fao Jaona mpagnano Batisa tonga tsy nihinagna môfo aveo tsy nigiaka divay, dia hoizy areo: 'Misy masantôko izy.' ³⁴ Ny Zanak'Ôlogno tonga nihinagna ndraiky nigiaka, dia hoizy areo: 'Zahavo, fao tainda-kanigny ndraiky mpigiaka Izy, namany reo mpamôry haitra ndraiky mpanota!" ³⁵ Fao ny fahindriagna dia voamarigny amin'ny zanany jiaby." ³⁶ Aveo ny araiky tamin'ny reo Fariseo nagnasa Jesosy hinagna miaraka aminazy. Koafa avy niditry tao an-tragnon'lehy Fariseo Jesôsy, dia nipaitraka hihinagna teo amin'ny latabatra. ³⁷ Tô, nisy vaiavy tao antanagna zay mpanota. Avakeo koafa nahatsikaritry izy fao nantotry teo amin'ny latabatra tao antragnon'ny lehy Fariseo Izy, dia nitondra tavoara alabastra feno mainaka mangitry izy. ³⁸ Aveo raha nitsangagna tafarany teo narikitry hongony izy, dia nitomoagny, kay nanomboko nandaiha ny hongony tamin'ny ranomasony, kay nifafany tamin'ny vôlon-daohany reo sady nagnôroko hongony aveo nagnôsotro reo tamin'ny mainaka mangitry. ³⁹ Koafa nahita zany lehy Fariseo nagnasa Jesôsy, dia nieritreritry, nivaolagna nagnanjao: "Raha mpagnazary tô lalahy tô, dia tôkony ho hainy hoe karazagna vaiavy magnankôry io mikitikitiky Azy io, fao mpanota io." ⁴⁰ Jesôsy namaly kay nivaolagna taminazy nagnanjao: "Simona, misy raha ho volagniky aminao." Hoizy: "Volagno zany, Mpagnanatra ô!" ⁴¹ Jesôsy nivaolagna: "Nisy mpagnampindram-baola nanagna mpitraosa aroa lahy. Ny araiky tôkony handoa diman-jato denaria, ny araiky dimam-pôlo. ⁴² Koafa tsy afaka nagnaifa zany taminazy zareo, dia samy nambailany izy roa lahy. Noho zany, zôvy amin'izy aroa lahy no ho taigna ho tia Azy?" ⁴³ Simona namaly Azy kay nivaolagna: "Diniho fao lehy namoizany fôntry." Dia hoizy Jesôsy taminazy: "Marigny ny fitsaranao." ⁴⁶ Tsy nisaoranao diloilo ny laohanaha, fao izy nagnôsotro hongotro tamin'ny mainaka mangitry. ⁴⁷ Noho zany dia mivaolagna aminao Zaho, fao reo fahotagnanazy, zay maro, dia voavaila—satria izy gaida fitiavagna. Fao zay navôtotro hely, dia tia hely."