¹ Tamin'ny zany andro zany, nisy ôlogno sasany teo nivaolagna taminazy mahakasiky reo Galiliana zay ny linjareo no nafangarony Pilato tamin'ny sôrogno manaokagna. ² Namaly Jesôsy avakeo nivaolagna taminjareo: "Areo moa mieritreritry fao reo Galiliana reo dia mpanota mihoatra noho reo Galiliana hafa jiaby satria nijaly hotra zany? ³ Tsia, Zaho mivaolagna areo. Fao raha misy tsy mibaibaka areo, areo jiaby dia hofoaty hotra zany. ⁴ Na regny ôlogno valo ambiny fôlo tao Siloama zay nilavoan'ny tilikambo kay nahafaty zareo, mihevitry moa areo fao taigna mpanota ratsy mihoatra noho reo lalahy hafa tao Jerosalema regny? ⁵ Tsia, hoy Zaho. Fao areo raha tsy mibaibaika, areo jiaby faogna koa dia hofoaty." ⁶ Jesôsy nagnano zao fagnohoaragna zao: "Nisy ôlogno nanagna kakazon'ny aviavy araiky navoly amin'ny tanim-boaloboka aveo tonga aveo nizaha voankakazo taminazy naifa tsy nahita na ino na ino. ⁷ Lehy lalahy dia nivaolagna tamin'ny mpagnano vilogno: 'Tô, tonga teto zaho nandritra ny telo tagno avakeo niaizaka nitady voa tamin'ny toy kakazo aviavy toy naifa tsy nahita velively. Tapaho io. Nagnino io no ambaila mandratra ny tany.' ⁸ Namaly lehy mpagnano vilogno kay nivaolagna: 'Ambilao eo io alaoha amin'ny toy tagno toy mandra-pangadiako magnodidigny azy ndraiky hagnanaovako zeziky aminazy. ⁹ Raha mamoa izy amin'ny tagno maraka, tsara; fao raha tsy zany, dia vonoy izy!" ¹² Koafa nahita azy Jesôsy, dia nagnantso azy kay nivaolagna: "Ravehivavy, afaka amin'ny fahalimiagnanao anao." ¹³ Napaitrany taminazy ny tagnany, avakeo niaraka tamin'ny zay dia nitraka lehy vaiavy aveo nihoby Zagnahary. ¹⁴ Fao ny mpanapaka ny Synagoga dia vingitry noho ny fagnasitragnagna natan'i Jesôsy tamin'ny Sabata. Noho zany dia namaly lehy mpanapaka aveo nivaolagna tamin'ny vahoaka: "Misy enigny ny andro tôkony iasagna. Tongava kay mahivagna, fao ndraiky tsy amin'ny andro Sabata." ¹⁵ Ny Tompo namaly azy kay nivaolagna nagnanjao: "Mpiatsaravelatsihy! Moa tsy samy mamaha ny boriky na aombiny ao amin'ny valany areo kay mitondra zany higiaka rano amin'ny Sabata? ¹⁶ Avakeo hotra zany koa toy zanaka vaiavin'i Abrahama, zay voafatotr'i Satana nandritry ny valo ambin'ny fôlo tagno toy, tsy tôkony mbô hivahagna moa ny fehiny amin'ny andro Sabata?" ¹⁸ Avakeo Jesôsy nivaolagna nagnanjao: "Haotrany manankôry ny fanjakan-Jagnahary, avakeo haotrany ino no afaka agnohoarako zany?" ¹⁹ Zany dia haotran'ny voatsinapy zay nalaigny ndraiky nafafin'ny lalahy araiky tambilogno, kay nanjary kakazo gaida araiky, aveo ny vôron'ny Langitry dia nagnamboatra tragnony tamin'ny reo ratsany." ²⁰ Mbôla nivaolagna faogna koa Izy nagnanjao: "Ino afaka hampitoviako fanjakan-Jagnahary? ²¹ Zany dia hotrany masirasira zay nalain'ny vaiavy araiky kay nafangarony tamin'ny koba intelon'ny fagniraignagna mandra-piparitahany agnatin'ny koba jiaby." ³¹ Tafarahelin'ny zany, nisy Fariseo sasany havy aveo nivaolagna taminazy nagnanjao: "Mandihiana lahaoso ny aketo satria Heroda dia te-hamono Anao." ³² Jesôsy nivaolagna: "Mandihiana avakeo volagno zany amboahaolo zany: 'Tô, zaho mandroaka masantôko ndraiky magnano fagnasitragnagna niany aveo amaraigny, aveo amin'ny andro fahatelo dia ho takako ny tanjoko.' ³³ Na ino na ino miboaka, zava-dehibe aminaha ny manôhy zeo, amaraigny, ndraiky ny andro magnaraka, satria tsy azo kehigny ny famonoagna mpagnazary lavitry Jerosalema. ³⁴ "Oa Jerosalema, Jerosalema, zay mamono mpagnazary ndraiky manopy vato reo zay nirahigny tagny aminareo. Impiry zaho nagniry hamôry ny zanakareo hotra ny akôho vavy mamôry zanany ambany haimbany, naifa tsy nagniry zany areo. ³⁵ Tô, nilahaosagna tragnonareo. Zaho mivaolagna aminareo, tsy ho hitanareo Zaho ambara-pivolagnagna hoe: "Sambatra zay avy amin'ny agnaragna Tompo."'