¹ Nagneky ny fahafataisany i Saoly. Kay nanomboko tamin'io andro io ny fagninjaihagna gaida hanohairagna ny fiangonagna zay tao Jerosalema; areo reo mpino jiaby dia niparitaka nagnairagna reo faritry Jodia ndraiky Samaria, hafan'ny reo apostoly. ² Reo lalahy matahotro Zagnahary dia nandevigny i Stefana ary nagnano hira fisaonagna azy. ³ Fao Saoly nandratra tatôbe ny fiangonagna; nitety tragno izy aveo nalaka reo lalahy ndraiky reo vaiavy, ary nandaifa zareo tagny an-tragno mahizigny. ⁴ Fao reo mpino zay niparitaka dia nandaiha nitory ny vaolagna. ⁵ Filipo dia nijôtso tagny amin'ny tanàgna gaidan'ny Samaria aveo nitory i Kristy tamin-jareo. ⁶ Koafa naharegny ndraiky nahita reo famantaragna zay nitsabon'i Filipo ny vahoaka maro, dia nifantoko tsara tamin'ny zay nivolagniny zareo. ⁷ Reo fagnahy maloto dia niboaka tamin'ny reo maro zay nidirany, nangaiky mafy, avakeo maro tamin'ny reo malemy ndraiky misy antsa no nahivagna. ⁸ Noho zany dia nisy haravoagna gaida tao an-tanambe. ⁹ Fao nisy lalahy araiky nantsôvigny hoe Simona tao an-tanambe, zay voh nalaky aveo nisaoma aôdy; mazagna nampivariagna reo vahoakan'ny Samaria izy, koafa mivaolagna fao izy dia ôlogno manan-kaja. ¹⁰ Reo Samaritana jiaby, manomboko amin'ny taigna hely zisiky amin'ny lehy taigna gaida, dia nitandregny tsara azy; aveo hoizy zare: "Io lalahy io lehy fahefan-Jagnahary zay antsôvigny hoe Gaida." ¹¹ Zareo nitandregny azy, satria izy nampivariagna zareo afa nandritry ny fotoagna haila tamin'ny reo aôdiny. ²⁰ Fo hoizy Petera taminazy: "Ho levogno miaraka aminao ny vaolafôtsinao, satria anao nieritreritry hahazo fagnomaizan-Jagnaghary amin'ny alalan'ny vaola. ²¹ Anao dia tsy managna anjara na ampahany amin'ny zany raha zany, satria ny fônao tsy marigny amin-Jagnahary. ²² Noho zany mibaibaha amin'ny faharatsiagna, ary mivavaha amin'ny Tompo, tsaha mbô mety hamaila ny fagnirian'ny fônao Izy. ²³ Fao zaho mahita fao anao voapoizin'ny lôlom-pô ndraiky voafehin'ny fahotagna anao." ²⁴ Simona namaly aveo nivaolagna nagnanjao: "Mivavaha amin'ny Tompo hoanaha, mbô tsy hisy havoa zaho reo zay nivolagninao." ²⁵ Koafa nitsangagna antomoa ndraiky nagnambara ny vaolagna ny Tompo zareo, dia nimpôdy tagny Jerosalema i Petera ndraiky Jaona, nitory vava maharavo tamin'ny reo tanàgna maro ao Samaritana. ²⁶ Ary nisy anjelin'ny Tompo nikoragna tamin'i Filipo sady nivaolagna nagnanjao: "Mitsangàna aveo mamdihana magnatsimon'ny lalagna mijôtso avy akagny Jerosalema magnagny Gaza. ²⁷ ("Io lalagna io dia akagny an-tanimaty.) Dia nitsangagna izy ary nandaiha. Tô, nisy lalahy avy akagny Etopia, tandapan'ny Kanadasy, mpanjaka vavin'ny reo Etiopiana. Izy no niandraikitry ny hariagnany jiaby. Tonga tagny Jerosalema izy mbô hidaira. ²⁸ Ary nôdy izy kay nipaitraka teo amin'ny kalesiny, aveo namaky ny vaolagna Isaia mpagnazary. ²⁹ Ary lehy fagnahy nivaolagna tamin'i Filipo: "Mandihiana ary aza miala lavitry io kalesy io." ³⁰ Kay nilomoay nagnatogno azy izy, aveo naharegny azy namaky teny tao amin'ny Isaia mpagnazary aveo nivaolagna nagnanjao: "Azonao moa io vakina io?" ³¹ Nivaolagna lehy Etompiana nagnanjao: "Akôry no hahaizako, raha tsisy ôlogno mitari-dalagna zaho?" Niangavy Filipo izy mbô hagnatogno kalesy aveo hantotry hiaraka aminazy. ³² Ary ny an-dalantsaoratra masigny zay nivakin'lehy Etopiana dia nagnanjao: "Nindesinao ho vonogny karaha ondry izy, aveo tôrotro zank'ondry möa eo agnatraihan'ny mpagnety azy, noho zany tsy nisaoka-bava izy. ³³ Fao tamin'ny fagnalam-baraka azy dia nalagna taminazy ny rariny. Zôvy no afaka hamaritry tatôbe reo tamingany? Nohon'ny aigny nalagna teto an-tany." ³⁴ Noho zany dia nagnontany lehy tandapa Filipo, nagnanjao: "Miangavigny aminao zaho, zôvy no koragnin'io mpagnazary io, ny haigniny faogna moa sa ôlon-kafa?" ³⁵ Nanomboko nivaolagna Filipo, avakeo nanomboko tamin'ny zany saoratra masigny zany no nitoriany ny vava maharavo mahakasiky Jesôsy taminazy.