¹ Tonga tagny Derbe ndraiky Lystra faogna koa Paoly, avakeo tô, teo lehy mpianatra araiky antsôvigny hoe Timoty, zanaka lalahin'ny vaiavy Jiosy zay nino; Grika ny iadany. ² Izy dia tsara laza tamin'ny reo rahalahiny zay tagny Lystra aveo Ikonioma. ³ Tian'i Paoly hira-dia aminazy izy; dia nalainy izy avakeo niforàny noho reo Jiosy zay teo amin'ny reo toairagna reo, satria hain'ny izy jiaby fao Grika iadany. ⁴ Raha nandaiha namakivaky reo tanàgna maro zareo, dia nanôlotro toromariky hoan'ny reo mpino mbô hankatô ny fampianaragna, zay nisoroatin'ny Apostoly ndraiky ny sojabe tao Jerosalema. ⁵ Kay nahay natanjaka tamin'ny finoagna ny fiangonagna aveo nitômbo isa isan'andro. ⁶ Nandaiha namakivaky faritry ny Frygia ndraiky Galatia Paoly ndraiky namany, satria niraran'ny Fagnahy Masigny zareo hagnambara ny vaolagna akagny amin'ny faritry Asia. ⁷ Koafa niditry narikitry Mysia, dia te-handaiha akagny Bitynia zareo, naifa nisakanan'ny Fagnahin'i Jesôsy zareo. ⁸ Kay nandalo tamin'i Mysia, dia nandaiha nijôtso tagny amin'ny tanàgnan'i Troasy zareo. ⁹ Nahita fahitagna Paoly tamin'ny aligny: lalahy araiky Makedoniana nitsangagna teo, nagnantso azy aveo nivaolagna nagnanjao: "Avia atoy Makedonia ary avaoty zahay." ¹⁰ Koafa avy nahita ny fahitagna Paoly, dia nandaiha akagny Makedonia samby teo zahay, nahatsapa fao Zagnahary no nagnantso zahay mbô hitory ny vava maharavo amin-jareo. ¹¹ Nangantso noho zany avy akagny Troasy, dia nandaiha mahitsy hoagny Samatrakia zahay, avakeo nandaiha Neapolia zahay ny andro magnaraka. ¹² Avy teo dia nandaiha nagnagny Filipy zahay, zay agnisan'ny tanàgna Makedonia, zay tanàgna bahery manan-danja akao amin'ny faritry ndraiky ny zana-tany Romanina, ary nidôko tao amin'ny zany tanàgna zany nandritra ny andro maro zahay. ¹³ Tamin'ny andron'ny Sabata dia nandaiha tagny ambailan'ny tamiagna narikitry renirano zahay, zay nieritreretinay fao misy toairam-pivavahagna. Nipaitraka zahay aveo nikoragna tamin'ny reo vaiavy zay niaraka homby teo. ¹⁴ Nisy vaiavy araiky atao hoe Lydia, mpivarotro lamba vôlomparasy avy akagny amin'ny tanàgnan'i Tyatria, zay nanompo Zagnahary, nitandregny zahay. Nanaokatra ny fôny ny Tompo hitandrigny ny vaolagna zay nivolagnin'i Paoly. ¹⁵ Koafa vita batisa izy ndraiky fianakaviagnany, dia nampirisiky zahay izy, nivaolagna nagnanjao: "Raha nitsara zaho ho mahatoky amin'ny Tompo areo dia midira ary midôha ao antragno." Ary nandresy lahatra zahay izy. ¹⁹ Koafa hitany reo tompony fao lôsogno lehy fanantenagna ny amin'ny tômbony ho nihinjareo, dia nisambôrin-jareo Paoly ndraiky Silasy ary nitaritigny zareo andaiha bazary teo agnatraihan'ny reo manam-pahefagna. ²⁰ Koafa nitondra zare teo agnatraihan'ny reo mpitsara zareo, dia nivaolagna nagnanjao: "Magnakorotagna tanàgnantsika reto lalahy reto. Jiosy zareo. ²¹ Magnambara fombo zay tsy ara-dalàgna hoan'ny Romanina ny magneky na mampihatra azy zareo." ²⁵ Nagnodidigny misasak'aligny dia nivavaka Paoly ndraiky Silasy ary nihira fideragna Zagnahary, avakeo reo gadra hafa dia nitandregny zareo. ²⁶ Tampoko teo nisy horohorontany gaida, kay nampihôzonkôzogno fôtotro ny fonja; aveo nisaokatra samby teo ny vavaravaragna jiaby, ary nivaha ny tadin'ôlogno jiaby. ²⁷ Taitry tamin'ny tôromas ny mpiambigny tragno mahizigny aveo nahita reo varavaran'ny fonja nisaokatra; nagnaboaka mesony izy kay tsôko hamo taigna, satria nieritreretiny fao nilaifa reo gadra. ²⁸ Fao nagnantso tamin'ny feo mafy Paoly, nagnanjao: "Aza mandratra haigninao, satria ato jiaby zahay jiaby." ²⁹ Nampagnantso jiro lehy mpiambigny tragno mahizigny aveo niditry malaky tagnatiny, nangôrohôro noho ny hamboriagna, niondriky teo agnatraihan'i Paoly ndraiky Silasy, ³⁰ ary ninday zareo niboaka aveo nivaolagna nagnanjao: "Tompoko, ino no tsy maintsy tsaboky biaka voavonjy? ³¹ Hoizy zareo nagnanjao: "Minoa Tompo Jesôsy, dia ho voavonjy anao, ana ndraiky ny fianakaviagnanao." ³² Nitory ny vaolagna Tompo taminjareo, niaraka tamin'ny ôlogno jiaby tan-tragnony. ³³ Avakeo nandray zare tamin'ny aligny tamin'ny fotoagna igny faogna lehy mpiambigny fonja, aveo nanasa bain-jareo, ary izy ndraiky reo jiaby tao amin'ny tragnony araiky jiaby dia nitsabogny batisa samby teo. ³⁴ Avakeo nivaolagna nakatra tao antragnony Paoly ndraiky Silasy aveo nagnamia hanigny teo agnatraihan-jareo izy, dia niravo tatô be izy niaraka tamin-jareo zay tantragnony, fao afa nino Zagnahary izy. ³⁵ Ary koafa maraindraigny ny andro, dia nagnandaifa vaolagna tamin-jareo mpiambigny reo mpitsara, nivaolagna nagnanjao: "Ambilao handaiha reo lalahy reo." ³⁶ Nitatitry zany vaolagna zany tamin'i Paoly lehy mpiambigny, nivaolagna nagnanjao: "Nampitondra vaolagna taminaha reo mpitsara mbô hagnambaila areo handaiha: noho zany zeo miboaha, avakeo mandihiana am-piadanagna."