³ Ary koafa hitany fao naharavo reo Jiosy zany, dia nagnano zay hanambaoragna Petera koa izy. Zany dia nandritry ny andron'ny môfo tsisy masimasigny. ⁴ Koafa avy nisambôrigny izy, dia natany tagny an-gadra izy ave nanendry miaramila aifafatra toko hiambigny azy, nikasa hinday azy eo amin'ny ôlogno afaran'ny Paska izy. ⁵ Noho zany dia nitanagna tan-gadra Petera, fao ny vavaka dia nitsabony reo zay tao ampiangonagna taigna mafy tamin-Jagnahary aminazy. ⁶ Ny aligny alaohan'ny hindaisan'i Heroda azy hitsaraigny, Petera nandry teo agnailagnailan'ny miaramila aroa, voatady tamin'ny tady aroa, raha mbôla nijanogno niambigny fonja ny mpiambigny telo alaohan'ny tamiagna. ⁷ Tô, nisy anjelin'ny Tompo niboaka tampoko teo nariny azy, avakeo nisy hazavagna nangilangilatra tao agnatin'ny hefitry fonja. Namboko Petera teo amin'ny ilany izy avakeo nagnonjogno azy kay nagnanjao: "Mitsangàna malaky," ary reo tadinazy niala tamin'ny tagnany. ⁸ Ny anjely nivaolagna taminazy nagnanjao: "Anaovy lamba ny haigninao avakeo atôvy kiraronao." Dia natan'i Petera araka zany. Ny anjely nivaolagna taminazy nagnanjao: "Atôvy ny akanjona ambailany ary magnaraha zaho." ⁹ Dia nagnaraka lehy anjely Petera ary niboaka. Tsy hainy fao reo zay nitsabon'ny anjely dia taigna izy. Nihevitry izy fao nahita fahitagna. ¹⁰ Koafa avy nadalo teo amin'ny mpiambigny voalaohany ndraiky faharoa zareo, dia tonga teo amin'ny tamiagna vy zay mitondra mankagny amin'ny tanàgna; nisaokatra hoazy tamin-jareo zany. Niboaka zareo aveo nijôtso tamin'ny lalagna araiky, ary lehy anjely niala azy sambite. ¹³ Koafa nagnonkogno tam-baravaragna izy, nisy mpanompo vaiavy araiky antsôvigny hoe Roda tonga namaly. ¹⁴ Koafa hainy ny feon'i Petera, tamin-Karavoagna dia tsy nahavita nanaokatra tamiagna izy; fao ndraiky, nandaiha nihazakazaka nandaiha an-tragno izy, nikoragniny fao Petera nitsangagna antamiagna. ¹⁵ Dia nivaolagna taminazy zareo fao: "Laifaka anao." Fao nihizingizigny izy fao zany no izy. Nivaolagna zareo: "Ny anjeliny zany." ¹⁶ Fao Petera nanôhy nagnonkogno, aveo koafa nisokoafin-jareo tamiagna, dia nahita azy zareo aveo gaga. ¹⁷ Petera nagnetsiky tagnany taminjareo mbô hangigny, aveo nivolagniny tamin-jareo ny fomba nindaisan'ny Tompo azy niboaka fonja. Hoizy izy: "Volagno akagny amin'i Jakoba ndraiky reo rahalahy zany raha zany." Dia niala izy ary nandaiha tagny tamin'ny toairagna hafa. ²⁰ Ary Heroda vingitry mafy tamin'ny vahoakan'i Tyra ndraiky Sidona. Niara-nagnagny aminazy zareo. Nandresy lahatra Blasto zareo, lehy mpagnampin'ny mpanjaka, mbô hagnampy zareo. Dia nangataka fihavanagna zareo, satria ny tanàgnan-jareo dia mandray ny hanigny avy amin'ny mpanjakan'ny tanàgna. ²¹ Tamin'ny andro voatôndro Heroda dia nampiankajo ny haigniny ankanjony mpanjaka aveo nidôko teo amin'ny dabilao fiandrianana; nikabary tamin-jareo izy. ²² Nangaiky ny vahoaka: "Zany dia feon-jagnahary, fao tsy nihin'ôlogno!" ²³ Samby teo nisy anjelin'ny Tompo namely azy; satria tsy magnamia vogninahitry Zagnahary izy; nihoan'ny hankagna izy dia maty.