¹ Ary reo apostoly ndraiky reo rahalahy zay tagny Jodia naharegny fao reo Jentilisa faogna koa nalaka Vaolagna Zagnahary. ² Koafa nakatra tagny Jerosalema Petera, reo zay tao amin'ny antokony reo voafora dia nanakagna azy; ³ hoizy zareo: "Anao nikambagna niaraka tamin'ny reo lalahy tsy voafora sady nihinagna niaraka taminjareo!" ⁴ Fao Petera nanomboko nagnazava ny raha nisy taminjareo tamin'ny antsipiriany; hoizy izy nagnanjao: ⁵ "Nivavaka tagny amin'ny tanàgnan'ny Jopa zaho, aveo nahita fahitagna ny amin'ny fisin-draha araiky zay nijôtso, karaha lamba gaida nahidigny avy akagny an-dangitry tamin'ny reo zôrony aifatra zaho. Nijôtso taminaha zany. ⁶ Niatriky zany zaho avakeo nandinindiniky mahakasiky zany. Nahita reo biby manan-kongotro aifatra ny tany, reo biby dia, reo biby mandady, ary reo vôrogno egny amin'ny langitry zaho. ¹⁵ Raha voh nanomboko nivaolagna taminjareo zaho, ny Fagnahy Masigny tonga taminajareo, karaha ny nijotsoany taminay tagny am-boalaohany. ¹⁶ Tsaroako ny vaolagna Tompo, ny nivolagniny nagnanjao: "Jaona nitsabo batisa tamin'ny rano tatô be; fao areo mila tsabogny batisa ao amin'ny Fagnahy Masigny." ²² Reo vava mahakasiky zareo dia tonga tegny an-tsôfignin'ny fiangonagna tao Jerosalema, ary zareo nagniraka Barnabasy zisiky Antioka. ²³ Koafa tonga izy kay nahita fagnomaizan-Jagnahary, dia ravoravo izy; ary izy nampahery azy jiaby mbô hibidôko miaraka amin'ny Tompo amin'ny fônjareo jiaby. ²⁴ Satria izy lalahy tsara salakady feno Fagnahy Masigny ndraiky finoagna, ary ôlogno maro no nisôsoko hoan'ny Tompo. ²⁵ Dia nandaiha nagnagny Tarsosy i Barnabasy mbô hizaha Saoly. ²⁶ Koafa hitany izy dia nindesiny tagny Antioka. Aveo nandritra ny herintaogno piky zareo niara-nivôry tamin'ny fiangonagna aveo nampianatra ôlogno maro. Reo mpianatra dia nantsôvigny hoe kristiana tao Antioka. ²⁷ Ary tamin'ny zany dia nisy mpagnazary maromaro nijôtso avy tagny Jerosalema nagnagny Antioka. ²⁸ Araiky taminjareo, i Agabo no agnantsaovagna azy, nitsangagna ary notoroin'ny Fagnahy fao hoisy silagno gaida hisy magnairantany. Nisy zany tamin'ny andron'i Klaodio ²⁹ Noho zany, reo mpianatra, araka ny fahafahan'ny tsiaraikiaraiky aby, dia nanapa-kevitry ny hagnandaifa fagnampiagna hoan'ny reo rahalahy tagny Jodia. ³⁰ Nagnano zany zareo; Nagnandaifa vaola hoan'ny reo sojabe zareo tamin'ny tanagnan'i Barnabasy ndraiky Saoly.