¹ Zahay dia naharegny hafatra fao misy fijangajangagna eo aminareo, karazagna fitondran-taigna tsy magnaiva zay tsy azo atao aby eo amin'ny reo Jentilisa. Ny hafatra, dia hoe misy araiky aminareo miaraka mandry amin'ny vadiny iadany. ² Areo dia taigna miavogno! Fao tsy tôkony alahelo moa areo? Ny araiky zay nagnano zany dia tsy maintsy alàgna eto aminareo. ³ Fao na dia tsy akeo ara-batagna zaho fao mbôla akeo ara-pagnahy, dia afa nitsara lehy araiky zay nagnano zany, hotra ny hoe teo zaho. ⁴ Koafa miara-mivôry amin'ny agnaran'i Jesôsy Tompontsika areo, avakeo ny fagnahinaha dia eo koa amin'ny ngôvon'ny Jesôsy Tompontsika, dia afa nitsara io ôlogno zaho. ⁵ Natako zany mbô hanoloragna zany lalahy zany ho nihin'ny satana ho famotaihagna ny nôfo, mbô ho voavonjy ny fagnahinazy amin'ny andron'ny Tompo. ⁶ Tsy tsara ny poairapoairanare! Tsy hainareo moa fa ny lalivay hely dia magnaova môfo jiaby? ⁷ Diovy haigninareo amin'ny lalivay talaoha mbô ho tonga môfo vava areo, kay mbô hanjary môfo tsisy lalivay. Fao Kristy, lehy Zanak'ondrintsika tami'ny Paska, dia natao sôrogno. ⁸ Noho zany dia aoka atsika hankalaza firavoravoagna, tsy amin'ny lalivay talaoha, lehy lalivain'ny fitondran-taigna ratsy ndraiky faharatsiagna. Fao ndraiky, aoka atsika hankalaza amin'ny môfo tsisy lalivain'ny fahadiovam-pô ndraiky fahamarinagna. ⁹ Zaho dia nanaoratra aminareo tao amin'ny taratasy naha mbô tsy hiarahanareo miasa amin'ny reo ôlogno mpijangajanga. ¹⁰ Kanaifa ny tiako volagnigny dia tsy ny ôlogno mpijangajanga jiaby eto magnairan-tany, na reo tsy mahonon-taigna, na reo mpangalatra, na reo mpanompo sampy, satria mbô hialagna amin-jareo dia mila miala amin'izao tontolo zao areo. ¹¹ Naifa zeo zaho manaoratra aminareo mbô tsy hiaraka hiasa miaraka amin'ny zôvy na zôvy zay antsôvigny hoe rahalahy naifa miaigny ao anatin'ny fijangajangagna, na izay tsy mahonon-taigna, na manompo sampy, na mpivalaogna ratsy, na mpimamo, na mpangalatra. Aza mihinagna hanigny miaraka amin'ôlogno hotra zany. ¹² Fao ino no idirako amin'ny fitsaragna reo zay akagny ambailany fiangonagna? Mifanohitry amin'ny zany, areo moa tsy tôkony hitsara reo zay ao agnatin'ny fiangonagna? ¹³ Fao Zagnahary dia mitsara reo zay agny ambailany. "Alao akeo amimasonareo ny ôlon-dratsy."