¹ Na dia ata hoe mivolagna amin'ny fivolagnan'ny reo ôlogno ndraiky reo anjely aby zaho. Fao raha tsy managna fitiavagna, dia tonga vy magneno na kipantsona mikarantsam-peo zaho. ² Na dia atao hoe managna fagnomaizan'ny faminaniagna ary mahay reo misitery ndraiky fahaizagna jiaby aby zaho, ary managna finoagna jiaby afahagna mamindra reo tanety. Fao raha tsy manam-pitiavagna, dia tsinotsinona zaho. ³ Na dia ata ho magamia zay jiaby anagnako hamahagna ny mijaly aby zaho, ary manôlotro haigniky ho roagna. Fa raha tsy manam-pitiavagna, dia tsy mahazo na ino na ino zaho. [Fagnamarihagna: Ny ULB ndraiky ny UDB dia samby managna dikan-teny maro, mivaky karaha zao: "Hamiako mbô ho roagna ny haigniky." Ny dikan-teny sasany ndraiky dia mivaky magnanjao: "Hamiako ny haigniky mbô ho raiharaihako."] ⁴ Ny fitiavana mahari-pô sady tsara fagnahy. Ny fitiavagna tsy mitsiriritra na miraiharaiha. Tsy miavogno na ⁵ magnano zay tsy mahamendriky. Tsy tia taigna. Tsy maora vingitry, na mitanisa fahadisoagna. ⁶ Tsy miravo amin'ny tsy fahamarignagna. Fao, miravo amin'ny fahamarignagna. ⁷ Ny fitiavagna mandefitry ny raha jiaby, mino raha jiaby, matoky raha jiaby, aveo miaritry raha jiaby. ⁸ Tsy ho tapitry bariky dintany ny fitiavagna. Raha misy faminaniagna, dia ho levogno reo. Raha misy fivolagnagna amin'ny vaolagna tsy hay, hijanogno reo. Raha misy fahaizagna, dia ho levogno zany. ⁹ Fao atsika dia mahay amin'ny ampahany ary maminagny amin'ny ampahany. ¹⁰ Fao koafa tonga lehy taigna lafatra, dia ho levogno zay tsy tantairaka. ¹¹ Tamin'ny mbôla zaza zaho, nivaolagna tôrotro ny zaza, nieritreritry taokagna zaza, nisaigny karaha ny zaza. Koafa gaida zaho, dia nambailako ny fahazazagna. ¹² Fao zeo atsika dia mahita tsy mivantagna amin'ny fitaratra, fao rahatrizay dia hifagnatri-tava. Zeo zaho dia mahay amin'ny ampahany, fao aveo zaho dia hahay tantairaka karaha ny nahay zaho tantairaka. ¹³ Fao avaizo dia reto telo reto no mitoaitra: ny finoagna, ny fanantenagna, avakeo fitiavagna. Fao ny fitiavagna ny taigna gaida aminjareo.