¹ Tiako ho hainareo, rahalahy, fao reo iadantsika dia tao ambanin'ny zavogno jiaby aveo namakivaky ranomasigny. ² Ny jiaby dia natao batisa ho amin'i Mosesy tao amin'ny zavogno ndraiky tao amin'ny ranomasigny, ³ aveo ny jiaby dia samy nihinagna hanim-pagnahy mitôvy. ⁴ Ny jiaby dia nigiaka tamin'ny vatolampim-pagnahy zay nagnaraka zareo, dia Kristy zany vatolampy zany. ⁵ Fao Zagnahary dia tsy nankasitraka tsara ny ankamaroan-jareo, aveo ny fatin-jareo dia naparitaka tagny antany maty. ⁶ Zeo regny raha regny dia aohatra amintsika, mbô tsy hagniriantsika raha ratsy ny nilainjareo. ⁷ Aza manompo sampy, hotra zareo. Zany dia araka zay voasaoratra magnanjao: "Reo ôlogno nibidôko mbô hihinagna ndraiky higiaka, avakeo nitsangagna mbô hiala." ⁸ Aoka atsika tsy hijangajanga, hotra ny natan'ny maro tamin-jareo. Tagnatiny andro araiky, dia ôlogno telo arivo sy roa aligny no maty nohon'ny zany. ⁹ Aoka faogna koa atsika tsy hitsapa Kristy, hotra ny natan'ny maro tamin-jareo kay naripaka reo bibilava. ¹⁰ Aza mimonimonigny faogna koa, hotra ny natan'ny maro taminjareo ka naringan'ny anjelin'ny fahafataisagna. ¹¹ Ary regny raha regny no niboaka taminjareo mbô ho aohatra amintsika. Nisoroatagna mbô ho fampianaragna atsika ziregny—ho amintsika zay niavian'ny fara-andro. ¹² Noho zany aoka zay mieritreritry ny haignany ho afa mijoro mitandrigny tsara mbô tsy ho lavo. ¹³ Tsisy fakampagnahy nahatakatra areo zay tsy iraisan'ny ôlombelogno jiaby. Fao naifa, Zagnahary dia mahatoky. Tsy hagnambaila areo ho alaim-pagnahy mihoatra zay zakanareo Izy. Miaraka amin'ny fakampagnahy dia hagnamia areo ny làlagna hitsoahagna faogna koa Izy, mbô hafahanareo miaritry zany. ¹⁴ Noho zany, tiako, milifasa lavitry ny fanompon-tsampy. ¹⁵ Mivaolagna aminareo hotra ny ôlogno manantsaigny zaho, mbô hafahanareo mitsara zay volagniky. ¹⁶ Ny kapoakan'ny fisaoragna zay isaoran-tsika, moa zany tsy fiombonagna amin'ny lin'ny Kristy? Ny môfo zay vakintsika, moa zany tsy fiombonagna amin'ny haignin'i Kristy? ¹⁷ Satria araiky faogna ny môfo, atsika zay maro dia haigny araiky. Atsika jiaby dia malaka amin'ny môfo araiky faogna. ¹⁸ Zahavo reo vahoakan'Israely: moa reo zay mihinagna reo fagnatitry tsy mpandray anjara akeo amin'ny alitara? ¹⁹ Ino ary no koragnintsika ? Hoe tsisy dikany moa zany ny sampy? Sa ny hanigny zay natao fagnatitry tamin'ny sampy no tsisy dikany? ²⁰ Fao mivaolagna mahakasiky raha zay tsabony reo Jentilisa mpanompo sampy fagnatitry zaho, fao amian-jareo reo masantôko regny raha regny fao tsy amin-Jagnahary. Tsy tiako areo ho mpiombogno amin'ny masantôko! ²¹ Tsy afaka migiaka ny kapoakan'ny Tompo ndraiky kapoakan'ny masantôko areo. Tsy afaka miombogno amin'ny latabatra ny Tompo ndraiky latabatra reo masantôko areo. ²² Sa magnano zay mahasaro-piaro ny Tompo moa atsika? Mafy noho Izy moa atsika? ²³ "Ny raha jiaby dia ara-dàlagna," fao tsy ny raha jiaby no mahatsara. "Ny raha jiaby dia ara-dàlagna," fao tsy raha jiaby no mampandroso ny ôlogno. ²⁴ Tsisy tôkony hitady ny tômbontsoany manaokagna. Fao ndraiky, ny tsiaraikiaraiky dia tôkony hitady ny tômbontsoan'ny namany. ²⁵ Afaka mihinagna zay jiaby avidy egny an-tsaina areo, fao aza magnotany ny fieritrairatagna. ²⁶ Fao ''nihin'ny Tompo ny tany, zay jiaby misy akeo aminazy." ²⁷ Raha misy tsy mpino manasa areo hihinagna, kay magniry ny handaiha areo, dia hoano zay jiaby mipaitraka eo ankilanao kay aza mametraka fagnintaniagna ny eo amin'ny fieritreraitagna. ²⁸ Fao raha misy mivaolagna magnanjao: "Tô hanigny tô dia avy amin'ny fagnatitry ny mpanompo sampy," dia aza mihinagna zany. Zany dia nihin'ny lehy nagnambara areo, ndraiky ho nihin'ny fieritreraitagna. [Fagnamarihagna: Ny dikan-teny talaoha sasany dia magnampy magnanjao: "Fao ny tany ndraiky raha jiaby ao aminazy dia nihin'ny Tompo." Fao ny dikan-teny taigna tsara dia tsisy zany.] ²⁹ Tsy mivaolagna zaho magnanjao ny fieritreraitagna manaokagna, fao ny fieritreraitan'ny ôlon-kafa. Nagnino ny fahafahako no tôkony ho tsarain'ny fieritreraitan'ny hafa? ³⁰ Raha malaka anjara amin'ny hanigny am-pankasitrahagna zaho, nagnino no tevitevaigny amin'ny zay nagnamaizako fisaoragna? ³¹ Noho zany, na mihinagna na migiaka areo, na ino na ino tsabonareo, dia atôvy ho voninahitry Zagnahary jiaby. ³² Aza magnamia fanafintohinagna ny Jiosy na ny Grika, na ny fiangonan-jagnahary. ³³ Miaizaka ny haharavo ny ôlogno jiaby amin'ny raha jiaby zaho. Tsy mitady tombontsoako zaho, fao nihin'ny maro. Ataoko zany mbô ho voavonjy zareo.