¹ Aviô izikoa fa baka nampianatra irô mpianatranany aroe ambin'ny folo Jesosy, niala aviô tiô Izy hampianatra ndraiky hitory agny amin'ny tananan'drô. ² Aviô izikoa regnin'i Jaona tagny amin'ny prison ny momba irô asan'i Kristy, kay nandaifa hafatra tamin'ny alalan'ndrô mpianatranany izy, ³ kay nivolagna izy nagnano hoe: "Anao mba olo araiky Zay hoavy, sa tôkony nitady hafa zahay?" ⁴ Jesosy namaly aviô nivolagna irô nagnano hoe: "Mandihàna aviô ambaraamin''i Jaona zaka hitanarô ndraiky regninarô." ⁵ Mahazo fahitagna irô jamba, mandaiha irô malemy, diovigny irô boka, maregny indraiky irô maregniny, atsangan-ko velôgno irô olo maty, aviô agnambaragna irô vaovao mahafaly ny masikiny. ⁶ Sambatra zay tsy tafitohina noho ny aminaka." ⁷ Izikoa fa nandaiha tamin'ny lalagna irô lelahy aby iô, nanomboko nagnambara ny momban'i Jaona tamin'ndrô vahoaka Jesosy nagnano hoe: "Hizaha ino mba anarô niboahanarô tagny agnefatra__volotara tsofin'ny tsiko? ⁸ Kanaifa hizaha ino mba niboahanarô lelahy magnano fisikiny lafo vidy? Igny fa, irô za magnano fisikiny lafo vidy mipaitraka agny amin'ny tragnon'drô mpanjaka. ⁹ Kanaifa hizaha inô mba antony niboahanarô mpaminany? Eka, mivolagna aminarô zaha, aviô mihoatra lavitry noho ny mpaminany. ¹⁰ Izy araiky avoasaoratra magnano hoe: "Zahava, magniraka ny irakanaka zaha talohan'ny tavanarô, zay hagnamia ny làlagnanarô aloha narô.' ¹¹ Ambarako marigny aminarô, fa amin'drô zay nitirahan'ny viavy tsisy maventy noho i Jaona mpagnano batisa. Kanaifa olo tegna tsy manan-danja amin'ny fanjakan'ny lanitra maventy noho izy. ¹² Nanomboko tamin'ny andron'i Jaona mpagnano batisa kay ziska amin'ny zio, kay miaritry herisetrany fanjakan'ny lagnitry, aviô irô olo mahery setra mangala irô an-keriny. ¹³ Fa iro mpaminany jiaby ndraiky lalàgna efa naminany ziska amin'ny Jaona; ¹⁴ aviô izikoa sitrakanarô agneky izegny, Izy i Elia araiky ho avy. ¹⁵ Zay manan-tsofigny ho andesigny mitandregny, aoka izy hitandregny. ¹⁶ Amin'ino mba tokony hampitahako ity taranaka ity? Izegny karaha tsaiky misaoma agny amin'ny tsaina, zay mipaitraka ndraiky mifampikaikikaiky ¹⁷ kay mivolagna magnano hoe: 'Nilaifa sodina anarô zahay, fa tsy nitsindraka anarô. Nagnano hira fisaoragna zahay, fa tsy nitomagny anarô.' ¹⁸ Fa i Jaona tsy navy directy nihinagna mofo na higiaka divay, kay nambaran'ndrô hoe: 'Managna demony izy.' ¹⁹ Zanak'olôgno navy directy hihinanagna ndraiky higiaka kay nambaran'ndro hoe: 'Zahava lelahy tendan-kanigny io salakady izy mamolava, naman'ndrô mpamory haitra ndraiky irô mpanota!' Fa fahendregna voamarigny tamin'ndrô asany." ²⁰ Abaka Aviô Jesosy nanomboka nivolagna mare tamin'dro tanàgna zay nagnanaovany ny ankamaroan'ny asany mahagaga, satria tsy nibaibaka irô. ²¹ "Loza hoanarô, Korazina! Loza hoanarô, Betsaida! Izikoa natao tagny Tyra ndraiky Sidona irô asa mahagaga zay natao teto aminarô, aifa ela nibaibaka tamin'ny lamba fisaonagna ndraiky lavenona irô. ²² Kanaifa ho moramora bebekokoa amin'ny Tyra ndraiky Sidona amin'ny andron'ny fitsaragna mihoatra nohon'ny anarô. ²³ Anarô Kapernaomy, mihevitra mba anarô fo hasandratra agny an-dagnitry? Tsia, ho entigny hidigny agny amin'ny heloko anaro. Satria izkoa tagny Sodoma natao irô asa mahagaga zay natao teto aminarô, mbola ho tavela izegny mandrak'iniany ty. ²⁴ Kanaifa mivolagna aminarô Zaha fa ho mora bebekokoa hoan'ny tanin'i Sodoma ny andron'ny fitsaragna nohon'ny aminarô." ²⁵ Tamin'ny fotoagna izegny Jesosy nagnambara nagnano hoe: "Midera anarô Zaha, Baba, Tompon'ny lagnitry ndraiky tany, satria Anao nagnasitriky irô zaka aby io tamin'ny olo hendry ndraiky mahalala, aviô nagnambara irô tamin'ndrô zay tsy nahalala, aviô karaha irô tsaiky hely. ²⁶ Eka, baba, satria izegny nahafinaritra tiô imasonao. ²⁷ Zaka jiaby nankinigny taminaka avy amin'ny Babako; aviô tsary nisy nahay Zanaka afa tsy Baba, aviô tsary nisy nahay babany afa-tsy Zanaka, ndraiky zay fidian'ny Zanaka hagnambaragny Izy. ²⁸ Mandihàna aty aminaka, anaro jiaby zay miasa ndraiky mitôndra mavesatra, amiako fitsaharagna anarô. ²⁹ Andaisa ny ziogako aviô mianara aminaka, fa malemy fagnahy ndraiky magnetry tegna am-po Zaho, hahita fitsaragna hoan'drô fagnahinarô anarô. ³⁰ Fa mora ny ziogako aviô mahivagna ny entako."