¹ Ary ny mikasiky anarô, maty tagnatin'ny fahadisoagnanarô ndraiky fahotagnanarô anarô. ² tamin-drô fahadisoagna aby igny no niaignanarô taloha araka ny fomban'izao tontolo izao. Niaigny araka ny mpanapaka irô fahefagna agny amin'ny rivotra anarô, i fagnahy araiky miasa ao aminarô zanaky ny tsy fankasitragna. ³ Niaigny tamin-drô olo aby iregny fo atsika taloha, nagnatanteraka irô raha ratsy jiaby ilain'ny vatagnatsika ndraiky saignitsika. Efa voahary ho zanaka ny heloko, karaha ny zanak'olombelogno fo atsika. ⁴ Kanefa manan-karena famidragna fô Zagnahary nohon'ny fitivagna maventy nitiavany atsika . ⁵ Tamintsika mbala maty tagnatin'ny fahadisoagna, zegny nivilôminy niaraka tamin'ny Kristy tamin'ny fahadisoagna no nagnavotany anarô. ⁶ Niaraka natsangan'ny Zagnahary atsika, sady niaraka napetrakany tan-dagnitry ao amin'ny Kristy Jesosy, ⁷ baika afahany magnaboaka atsika amin'ny fotoagna ho avy ny avitesan'ny fanagnam-pahasoavagnany izay tsy voa-fetra naboakany amin'ny hatsaram-pagnahinanay amintsika ao amin'i Kristy Jesosy. ⁸ Fa tamin'ny fahasambaragna no nagnavotagna anarô tamin'ny alalan'ny finoagna, ary tsy baka aminarô izegny, fa fagnomezan-dRagnahary. ⁹ Tsy baka amin'ny asa ny fahasambaragna baika tsisy hipoerapoera. ¹⁰ Fa asan-dRagnahary atsika, noforôgniny tamin'i Kristy Jesosy baika hagnano asa izay fandaharan-dRagnahary efa ela ho antsika, baika handianatsika amin-drô. ¹¹ Dikany zegy aleva honogno fa Jentilisa tamin'ny nôfotro anarô taloha. Anarô zegny kahigna ho: "Tsy voafora" eo amin'ny nôfotro izay nataon'ny tagnan'olombelogno. ¹² Fôtony mbala tafisaraka tamin'i Kristy anarô tamin'ny fotoagna zegny. Mpivahiny anarô tamin'ny vahoakan'Israhely. Ary vahiny tamin'ny fagnikehagna fampagnantenagna anarô. Mbala tsisy fagnantenagna ny amin'ny ho avy anarô. Tsy niaraka tamin'ny Zagnahary anarô teto amin'izao tontolo izao. ¹³ Fa zioty, aminy kristy Jesosy anarô taloha izay lavitry Zagnahary zegny nampagnantôgniny tamin'ny lio ny Kristy. ¹⁴ Fôtony Izy no fiavanagnantsika. Izy no nahatonga ny aroe ho araiky. Tamin'ny nôfotronany no nandrongatany ny riba nampisarasaraka atsika. ¹⁵ Izany hoe zegny, nifoagnany ny lalàgnan'ny didy ndraiky fitsipiky baika hagnanovany olom-baovao araiky Aminany ao, sady mba agnanaovagna fampiavanagna. ¹⁶ Kristy zegny mampihavagna ny vahoaka aroe tonta ho vatagna araiky amin'ny Zagnahary amin'ny alalan'ny hazofijaliagna, kai mamono ny fanoheragna. ¹⁷ Fa navy Jesosy ary nitory fihavanagna ho anarô izay lavitry sady fihavanagna hoan-drô izay marikitry. ¹⁸ Fa amin'ny alalan'i Jesosy no hanagnantsika aroe tonta fifandraisagna amin'ny Fagnahy araiky amin'ny Baba. ¹⁹ Dikany zegny, tsy vahiny draiky mpivahiny eky anarô Jentilisa zioty. Fa kara nahay mpiray firenena miaraka amin-drô izay olo-masignin-dRagnahary anarô sady agnisan'ny ankohonagna ny Zagnahary. ²⁰ Efa naôrigny tamin'ny fôtotrin'ny fanoheran-drô apostoly ndraiky irô mpaminany anarô, ary Kristy Jesosy foeky ane no vato fehizoro. ²¹ Aminany ao no hokambanan'ny fanoheragna jiaby ary hanomboany karaha ny tempoly amin'ny Tompo ao. ²² Aminany ao fo hananganagna anarô miaraka hoa fipitrahagna ho an-dRagnahary amin'ny Fagnahy.