¹ Karakoma yimio eni iyapo anama, kateko aama apu-urena emma ite one-urane, abayapa akonagoma kerawate maniye. ² Matetupa itouma akona umma mayaro, nunamuma tero. Yabima mae Itogo-ka nunamuma tiyo. ³ Poroma tena matema nunamuma timati-katao, Itogo-ni wataama wiyopa ota itu-wainana. Itu-ni akona mateta mono mayai matae. Minaikake kemaa aanabi tika-rae. ⁴ Kema nunamuma tima-tikaro, minunamu-koma kema akona mate mono mayai mayanune. ⁵ Awepa maiya ini-naukaqa mono aima tima-yimero weni kateko kanaraqa. ⁶ Abo emmo tinona wata-goma watigoni yapi katekoi umma winata abo itama ate-inoe. Abo emma itai-aimo onaiya kayteki umma tima yimiyo. ⁷ Titikus mate-tataqa tima-tagena ketie. Wemma kateko tibaq-awa, akona mayai nare. Abo Itu-ni mayai iyapo-nama matema itaro. ⁸ Kemma, wemaa tiya-karaune kerawato-nopa urena kerowati tima kakima, maama akona inno. ⁹ Kema, Onitimusima kerawati akona tiba-awama tiya-kaunana kerawa-nopa winiye. Noi-tataa mabao pai-tataqa tima-timune. ¹⁰ Aristakusima aana naupaq maena anoma kateko enai-kare tima tikaiye. Kema Makimaa Banabasini anaugoma tune,wema kerawato nopa winara timuqa marakaro. ¹¹ Abo Itu-ma Justusima ayaraiye, nayumo yumo karaiya kayuka keti-nae kewareta abo Itogo-ni mayai maya-nunatae. ¹² Abo Iparasimi kateko yupae tiraiye, wetegara mora keti tiwaqawae, abo Itu-ni mayai nare wema akona-umma kerawati nunamuma timatikaro. Kerawati tima-kakiko Itogo-ka akona ino-tiraiye. ¹³ Kema, wema aonauna kerawakaq akona-umma mayaima kemayaiya,abo Raotisia kara Ireraporisi, wayukabi mayai kemayaiye. ¹⁴ Rukuma ano tota naqa wetaba anoma una-nare. Temasite wakae tima yikae. ¹⁵ Kema Rotesia wayukara, Nipa wayukama wagae tima-tikaune. ¹⁶ Mami wanama yorautueqa, abo Rotesiaqa mono naupa yorauma itaro, abo Rotesia wayuka yimi-yata keyaroutia, yerawaqo timuna aubama kerowaqa ko-mama yorautoro. ¹⁷ Akipatima tima-mikaiye. Ano karakoni maayai kemaye emma yapima akona uwo-tirae. ¹⁸ Mami namanaima kema tune Poroma, abo kema aana naupa maeqa, mami-naima tune. kema imaaq tiwi-katikera nunamuma keteqo. Itogo-ni aru-tatakoma kerowate maino.