² Na raha misy olo mikasiky ze raha fa voatokan'Agnahary ho maloto, na gny fatiny bibidia maloto zay na gny fatiny biby fiteza ze fa maty , nma biby mandaly, na dra sy nihevisy gny hikasiky anizay avo gny olo, dra maloto vo hory izy. ³ Na raha mihasy gny fahalotoanigny olo raiky, na ino na ino zay fahalotoa zay, dra raha sy mahafatasy anizay izy, dra ho hory izy fa gny mahay gny momba anizay . ⁴ Na raha misy olo miania fatrasy amy sogniny hanao rasy, na hanao gny soa, na ino na ino ianignany zay lelahy zay fatrasy amy fianiana, na dra sy mahafatasy anizay avo izy, fa gny mahay gny momba zay izy , dra ho hory , amin'ereo aby reo. ⁵ Raha ory amin'izay aby zay gny olo raiky, dra sy maisy magneky ze heloky aby nataony izy. ⁶ Dra ao izy hinday fagnatisy noho gny heloky amin'i Yaveh noho gny fahota ze fa vitany, biuby vavy raiky avy amy agn'ondry vo osiny, na zanakagn'ondry na osy, ho agny fagnatisy noho gny ota , dra gny mpisoro dra hanao fagnavota ho anazy mahakasiky gny fahotany. ⁷ Raha ohasy sy mahavita mivily zanakagn'ondry izy , dra mahazo minday domoina ro na voromailala vantony ro ho an'i Yaveh izy ho fagnatisy noho gny heloky noho gny fahotany,raiky ho agny fagnatisy noho gny ota dra raiky hafa ho fagnatisy oroa. ⁸ Ao izy hinday reo agny amy mpisoro, zay hanolosy raiky aloha ho agny fagnatisy noho gny ota -hahola gny lohan'ereo izy nefa sy hangalaky anizay tateraky amy vatany. ⁹ Laha teo dra hamafy ampahany amy liony fagnatisy noho gny ota eo amy taliaviny gny alitara izy, dra handraraky gny sisanigny lio eo amy ambaniny gny alitara izy.Zay gny fagnatisy noho gny ota. ¹⁰ Magnaraky anizay dra ao izy hanolosy gny voro faharo ho fagnatisy oroa, araky gny voafarisy tao amin'ereo torolala, dra hanao fagnavota ho anazy noho gny ota ze fa vitany gny mpisoro, ka dra ho voavela gny helokiny gny olo. ¹¹ Kanefa raha ohasy sy mahatakasy demoina ro na voromailala ro izy , ho soro noho gny fahotany dra ao izy hinday ampahafon'efaha amy koba soa lisa ho agny fagnatisy noho gny ota izy sy hagnisy dililo na litin-kazo magnisy aminizay , satria fagnatisy noho gny ota zay. ¹² Ao izy hinday anizay agny amy mpisoro, dra hangalaky raiky tagna aminizay gny mpisoro ho fagnati-pihavana dra laha teo hagnoro zay eo amy alitara , eo an-tampon'ereo fagnatisy natao tamy afo ho an'i Yaveh ,Zay gny fagnatisy noho gny ota. ¹³ Hanao fagnoregna ho an'izay fahota vitanigny olo gny mpisoro, dra ho voavela zay olo zay.Reo sisa aby amy fagnatisy dra ho bagny mpisoro , manahaky gny fagnatisy vihiny.''' ¹⁴ Dra nizaka tamin'i Yaveh , nanao ho: ¹⁵ ''Raha misy olo mandika didy vo manota reo raha ze an'i yaveh, saiky nanao anizay sy sitrampo zay , dra ao izy hinday fny fagnatiny noho gny heloky ho an'i Yaveh.Zay fagnatisy zay dra sy maisy agn'ondry lahy sy misy handrany aby amin'ereo agn'ondry vo osy;gny laza zay dra ao ho tombana amy sekely volofoasy -gny sekelinigny fitoera masy-ho fagnatisy noho gny heloky. ¹⁶ Ao izy hanao zay mahafapo an'i Yaveh noho zay rasy fa vitany mifandray amy masy, dra ao izy hagnampy raiky ampahadimy aminizay dra hagnome ze ho agny mpisoro .Dra hanao fagnoregna ho anazy amy agn'ondrokahigny fagnatisy noho gny heloky gny mpisoro, ka dra ho voavela zay olo zay. ¹⁷ Raha misy olo manota vo manao ze raha fa nodidin'i Yaveh sy ho atao, na dra sy nahafatasy anizay avo izy , dra bo hory izy ka sy maisy hitarazo gny hahoriany . ¹⁸ Ao izy hinday agn'ondry lahy raiky sy misy handrany aby amin'ereo agn'ondry vo osy, zay tandrify gny viliny , ho fagnatisy noho gny hahoriany ho agny mpisoro.Laha teo dra hanao fagnoregna ho anazy mahakasiky gny fahota ze vitany gny mpisoro, aminizay sy nahafatarany , ka dra ho voavela izy . ¹⁹ Zay gny fagnatisy noho gny hahoriany , dra hory vatany izy eo anatrehan'i Yaveh.''