¹ Niresaky tamin'i Yaveh, nanao ho: ² ''Baikoy gny olon'Israely ba hinday dililo sy miharo vita tamy oliva ho anao ba ampiasa amy fanilo, ba hirehisy mandrakariva gny jiro. ³ Arona dra sy maisy mamela gny jiro hirehisy avo ao ambaliky lamba fanakona eo anatrehany didim-paneke ao amy tragno-lay fihaogna, manomboky gny hariva mandra-paray gny andro.Ho lalana maharisy hatramy taranakin'ereo vahoakindrareo zay. ⁴ Gny mpisorombe dra sy maisy mitandry gny jiro hirehisy avo eo anatrehan'i Yaveh, reo jiro amy fipetrara-jiro volamena sy misy fangarony. ⁵ Ao ianao hangalaky koba matify dra hagnendy mofo ro ambiny folo amin'izay.Sy maisy misy ro ampahafolony efaha isaky gny mofo. ⁶ Laha teo ianao dra hizara anizay ho andala ro, enina amy andala raiky, eo agnabony latabasy vita tamy volamena sy miharo. ⁷ Ao ianao hametraky litin-kazo magnisy malio isak'ereo andala mofo ho fagnati-pahasiarova.Io litin-kazo magnisy io dra ho oroa ho an'i Yaveh. ⁸ Isaky gny Sabata gny mpisoro abo dra sy maisy mametraky mandrakariva gny mofo eo anatrehan'i Yaveh ho agny olon"israely, ba ho famatara gny faneke sy manam-pahataperany. ⁹ Io fagnatisy io dra ho an'i Arona vo reo zanadahiny ,dra hohan'ereo eo amy toera zay masy zay, satria ampahany aby tamin'ereo fagnatisy natao tamy afo ho an'i Yaveh zay.'' ¹⁰ Dra nisy zanakapelany Israelita raiky, zay Egyptiana gny rany, nandeha teo amy vahoakin'Israely.Io zanadahiny ampela Israelita io dra nialy tamy Israelita raiky tao amy toby. ¹¹ Nizaka rasy gny agnaran'i Yaveh vo nagnozo an'Agnahary io zanadahiny gny ampela Israelita io , ka nandesiny vahoaky teo amin'i Mosesy izy.Sebomita gny agnarany reniny ,zanakapelan'i Dibry, laha tamy fokon'i Dana. ¹² Nitan'ereo tao am-ponja izy mandra-pagnambaran'i Yaveh Izy vatany gny sitrapony amin'ereo. ¹³ Dra nizaka tamin'i Mosesy Yaveh, nanao ho: ¹⁴ ''Alao gny lelahy zay nagnozo an'Agnahary tao ambaliny toby.Zay aby mahare anazy dra sy maisy mametraky gny tagnan'ereo eo amy lohany, dra ao gny fiangona raiky manotolo hitora-bato anazy. ¹⁵ Ao ianao hagnavaza amy olon'Israely dra hizaka ho:''Zay aby magnozo gny Zagnahariny dra sy maisy mizaka gny helony. ¹⁶ Izy zay mizaka rasy gny agnaran'i Yaveh dra sy maisy ho vono tokoa.Sy maisy hitora-bato anazy vatany .Sy maisy hitora-bato anazy vatany gny fiangona manotolo, na vahiny izy na tera-tany Israely.Raha misy olo mizaka rasy gny agnaran'i Yaveh , dra sy maisy vono izy. ¹⁷ Raha misy olo mamono olo hafa , dra azo antoky fa sy maisy ho vono izy. ¹⁸ Raha misy olo mamono gny bibiny olo raiky hafa, dra sy maisy manohisy anizay izy,ay solon'ay. ¹⁹ Raha misy olo mandrasy gny mpiara-mony aminazy, dra sy maisy atao aminazy zay nataony tamy mpiara-mony aminazy: ²⁰ Fahatapaha solony fahatapaha, maso solony maso, nify solony nify.Satria nandrasy olo izy, dra sy maisy atao aminazy koa zay. ²¹ Zay aby mamono biby raiky dra sy maisy manohisy zay, dra azy aby mamono olo dra sy maisy vono. ²² Ao ianao hana lalana mitovy ho agny vahiny vo gny tera-tany Israelita , fa Zaho gny Yaveh Zagnaharinao.''' ²³ Koa niresaky tamy olon'Israely i Mosesy . dra nandesiny olo niboaky tao ambaliky toby gny lelahy , gny nagnozo an'i Yaveh.Nitorahin'ereo tamy vato izy.Reo vahoakin'Israely dra nanao arak'izay nandidin'i Yaveh an'i Mosesy.