¹ Hoy Yaveh tamin'i Mosesy, nanao ho: ² ''Miresaha amin'i Arona vo reo zanadahiny, zakao izy reo ba hitandry reo raha masin'ereo zanak'Israely, fa voatoka ho anahy reo.Ao sy hanimbazimba gny Agnarako masy izy reo.Zaho gny Yaveh. ³ Zakao anazy reo ho:'Raha misy amin'ereo taranakindrareo amy fara aman-dimbindrareo magneky reo raha masy zay fa voatoka gny zanak'Israely ho an'i Yaveh, kanefa maloto izy, dra ao ho fognoriko eo anatrehako zay olo zay:Zaho gny Yaveh. ⁴ Sy misy amin'ereo taranak'i Arona ze mana areti-kolisy mifindra, na arety mikoria amy liony sy an-kizano laha tamy vatany, ka afaky hihina gny soro natao ho an'i Yaveh ambara-pahalio anazy.Zay aby mikasiky gny raha maloto na mifamdray amy maty, na amy fifandraisa amy lelahy zay mandeha sirinay sy an-kizano , ⁵ na reo aby mihasy gny biby mikisaky aby zay mampaloto anazy, na gny olo ze mampaloto anazy, na karaza loto ino zay na ino- ⁶ ka gny mpisoro zay mihasy gny raha maloto aby dra haloto mandra-pahariva gny andro.Ao sy hihina gny amin'ereo raha masy aby izy, raha sy fa nampandro gny vatany tamy rano. ⁷ Fa gny militiky gny masoandro dra halio izy.Tafarany filitehany gny masoandro izy gny afaky hihina amin'ereo raha masy, satria sakafony reo. ⁸ Ao izy sy hihina reo raha hitany maty na nivonony bibidia, zay handotoany gny vatany.Zaho gny Yaveh. ⁹ Ao gny mpisoro hagnaraky reo fampianarako , fandrao ho ory amy ota izy reo ka ho maty amy fanimbazimbana anahy.Zaho gny Yaveh zay nagnamasy reo. ¹⁰ Sy misy olo ambaliky gny fianakaviany mpisoro, isan'izay gny vahinigny mpisoro na reo mpanompony mpikarama, afaky hihina gny raha-masy aby. ¹¹ Saiky raha mivily andevo amy volany manoka gny mpisoro, zay andevo zay dra afaky hihina amin'ereo raha zay voatoka ho an'i Yaveh.Gny fikambanany fianakaviany mpisoro vo reo andevo teraky tao antragnony ,izy reo avo koa dra afaky hihina reo raha reo miaraky aminazy. ¹² Raha gny zanakapelany mpisoro gny manambaly olo zay sy mpisoro, dra sy afaky gny hihina amin'ereo azara fagnatisy masy izy. ¹³ Fa raha mpinday vata gny zanakapeny mpisoro, na nisara-baly, dra raha sy mana-zanaky izy, ka mihery mitoesy amy tragnon-drany manahaky gny tamy fahazazany, dra afaky misy olo zay sy ao agnatiny fianakaviany mpisoro afaky hihina amy sakafo gny mpisoro. ¹⁴ Raha misy olo mihina sy asitra-po gny sakafo masy, dra ao izy hanohisy anizay amy mpisoro;ao izy hagnampy raiky ampahadimin'izay dra hagnery anizay agny amy mpisoro. ¹⁵ Ao gny zanak'Israely sy hametaveta gny raha masy ze fa nasandrasy agnabony vo natolosy ho an'i Yaveh, ¹⁶ dra sy hampinday gny vatan'ereo gny fahota ze magnameloky anazy reo amy fihinana gny sakafo masy, fa Zaho gny Yaveh ze magnamasy reo.''' ¹⁷ Hoy i Yaveh tamin'i Mosesy, nanao ho: ¹⁸ ''Miresaha amin'i Arona vo reo zanadahiny, dra amin'ereo zanak"israely aby.Zakao anazy reo ho:'Gny Israelita aby, na vahiny mitoesy ao Israely, fa gny manolosy soro izy reo-na hagnatateraky voady zay, na fagnatisy asitra-po, na hatolosin'ereo amin'i Yaveh gny fagnatisy oroa, ¹⁹ raha ho ankasitrahany zay, dra ao izy reo hanolosy biby fiteza lahy sy misy handrany, agn'odry , na osy. ²⁰ Nefa ao iandrareo sy hanolosy zay mana-handrany. Sy hankasitraky anizay eo amindrareo zaho. ²¹ Zay aby manolosy fagnati-pihavana laha tamy agn'ondry na gny agn'ondry ho an'i yaveh ba hagnatateraha voady, na fagnatisy asitra-po, dra sy tokony ho kilemaina zay ba ho ankasitraha.Ao sy hisy biby manan-kandra. ²² Ao sy hanolosy biby poaky, sembana. na kilemaina , na ze misy faha boka , marary , na ferena iandrareo.Ao sy hanolosy reo amin'i Yaveh ho soro laha tamy afo eo amy alitara iandrareo. ²³ Afaky manolosy agn'omby raiky na zanakagn'ondry ze sampona na masaiky na fagnatisy asitra-po zay dra sy ho ankasitraha ho agny voady. ²⁴ Ka manolosy biby zay fa voatorotoro, momoky, triasy, na vosisy ho an'i Yaveh.Ka manao zay ao amy tanindrareo. ²⁵ Ao iandrareo sy hanolosy gny mofo gny Zagnaharindreo laha tamy tana gny vahiny.Reo biby reo dra sampona dra ma nan-kandrany , sy ho ankasitraha ho andrareo reo.''' ²⁶ Niresaky tamin'i Mosesy Yaveh dra nanao ho: ²⁷ ''Fa gny teraky gny agn'omby na gny agn'ondry na gny osy, dra sy maisy mizano hafitoa miaraky amy reniny zay.Dra manomboky amy andro fahavalo, dra azo ankasitraha ho fagnatisy natao amy afo ho an'i Yaveh zay. ²⁸ Ka mamono agn'omby vavy na agn'ondry vavy miaraky amy zanany, ao agnatiny raiky andro. ²⁹ Fa gny manao soro fagnati-pisaora ho an'i Yaveh iandrareo, dra ao hanao soro zay amy fomba azo eke. ³⁰ Ao hohany amy andro zay nanova soro anazy zay.Ao sy hisy angandrareo ho tra-maray zay.Zaho gny Yaveh. ³¹ Koa ao hitandry gny didiko vo hagnatateraky reo iandrareo.Zaho gny Yaveh. ³² Ao sy hagnamavo gny Agnarako masy iandrareo .Ao ho eke ho masy amy alalany zanak'Israely zaho.Zaho gny Yavehzay nagnamasy andrareo, ³³ zay ninday andrareo niboaky laha tagny Egypta ba ho Zagnaharindreo:Zaho gny Yaveh.''