¹ Raha misy minday fagnatisy tegnany ho an'i Yaveh , dra ao ho koba soa lisa gny fagnatiny, dra handraraky dilil eo aminizay vo hametraky litin-kazo magnisy eo amin'ereo. ² Hinday gny fagnatisy eo amin'ereo mpisoro zanak'i Arona izy , dra hangalaky koba soa lisa eranigny tana miaraky amy dililo vo litin-kazo magnisy eo amin'izay gny mpisoro.Dra hagnoro gny fagnatisy eo amy alitara ho fagnati-pahasiarova gny mpisoro.Hampiboaky hagnisy malefaky hi an'i Yaveh zay;ho fagnatisy natao tamy afo ho anazy. ³ Zay tavela aby amin'ereo fagnatisy hohany dra ho an'i Arona vo reo zanadainy.Masy vatany aby amin'ereo fagnatisy ho an'i Yaveh natao tamy afo an'i Yaveh zay. ⁴ Raha manolosy fagnatisy tegnany sy misy lalivay zay nandro tamy lafory ianao,dra ao ho mofo malemy vita tamy koba soa lisa miharo dililo zay, na mofo fatrasy sy misy lalivay , zay voahososy dililo. ⁵ Raha nandraho tamy lasitra amy koba soa lisa sy misy lalivay zay miharo dililo zay. ⁶ Hozarandrareo zay dra handrarahanao dililo eo aminazy.Zay gny fagnatisy oroa. ⁷ Raha nandraho tamy lasitra gny fagnatisy tegnany anao, dra ao atao amy koba soa lisa vo dililo zay. ⁸ Ao hinday fagnatisy vihiny natao tamin'ereo raha reo ho an'i Yaveh ianao, dra zay dra hatolosy eo amy mpisoro, zay hinday anizay eo amy alitara. ⁹ Laha teo dra hangalaky sasany amy fagnatisy vihiny ho fagnati-pahasiarova gny mpisoro, dra hagnoro anizay eo amy alitara izy.Ho fagnatisy natao tamy afo zay, dra hahavy hagnisy ankasitraha ho an'i yaveh. ¹⁰ Zay sisany gny fagnatisy hohany dra ho an'i Arona vo reo zanadahiny.Masy dra masy aby amy fagnatisy atao amy afo ho an'i Yaveh zay. ¹¹ Sy hisy fagnatisy tegnany ho atolonao ho an'i Yaveh ka hisy lalivay, satria sy tokony hagnoro masirasira , na tately , ho fagnatisy natao tamy afo ho an'i Yaveh ianao. ¹² Hanolosy reo fagnatisy voloham-bokasy ho an'i Yaveh ianao, saiky sy hampiasa hamoaha hagnisy malefaky eo amy alitara reo. ¹³ Ao hagnome siro gny kirairaiky amy fagnatisy tegnany amy sira ianao.Ao sy ho alignonao mihisy amy fagnatisy tegnany gny sirany gny fanekan'Agnaharinao.Manolora sira amin'ereo fagnatisinao aby. ¹⁴ Raha manolosy fagnatisy tegnany amy voloham-bakasy ho an'i Yaveh ianao, dra manolora tegnany torotoro ho sakafo laha tteo. ¹⁵ Dra ao hagnisy dililo vo litin-kazo magnisy tegnany . ¹⁶ Dra hagnoro gny tegnany voalisa vo dililo dra litin-kazo magnisy ho fagnati-pahasiariva gny mpisoro.Zay gny fagnatisy natao tamy afo an'i Yaveh.