¹ Yaveh nizaka tamin'i Mosesy, nanao ho: ² ''Izao gny ho lalana ho an'ny boka amigny andro fagnaliova anazy. Sy maisy andesy agny amigny pisoro izy. ³ Hiboaky gny toby pisoro dra hitalia ilay olo ba hahafatara azo sitragny ilay areti-kolisy. ⁴ Avy eo dra hibaiko ilay pisoro fa ilay hodiovina dra sy maisy minday voro velo ro sady malio, hazo sedera, foly jaky, dra hysopa. ⁵ Hikomandy anazy ba hamono gny ray amin'ireo voro eo amigny rano nala tamigny rano mandeha izay ao agnaty tavy tanimanga ilay pisoro. ⁶ Hangalaky voro velo vo ilay hazo sedera, dra ilay foly jaky vo ilay hysopa avo eo gny pisoro, dra hapisoboky ireo raha ireo, mbamin'ilay voro velo, ao amigny ran'ilay voro izay nivono tao amin'ilay rano nala tamigny rano mandeha. ⁷ Avy eo dra hafafin'ilay pisoro im-pito amin'ilay olo holiovy amigny arety izay rano izay, dra avy eo hizaka anazy ho malio ilay pisoro. Avy eo dra hagnafaky ilay voro velo ho agny amigny saha malalaky ilay pisoro ⁸ Gny olo voalio dra hanasa gny fiakazoany, hagnarasy gny volony aby, dra hampandro gny vatany ao agnatiny rano, dra halio izy.Tarafan'izay dra sy maisy hilisy ao amy toby izy, kanefa hizano eo ambaliky gny lainy mandrisy gny hafitoa. ⁹ Amy andro fahafito dra sy maisy magnarasy gny volon-dohany aby izy, dra magnarasy gny volom-bavany vo gny volo-masony avo koa.Sy maisy magnarasy gny volony aby izy, dra sy maisy manasa gny ankazony vo mampandro gny vatany ao agnatiny rano;dra halio izy. ¹⁰ Amy andro fahavalo dra sy maisy hangalaky zanakagn'ondry lahy sy misy handrany ro izy, zanakagn'ondry vavy raiky heritao sy misy handrany, vo koba soa lisa telo ampahafolony efaha voaharo amy dililo ho fagnatisy hohany, dra dililo raiky loga. ¹¹ Gny mpisoro zay malio anazy dra hampisanga gny olo holiovy, miaraky amin'ereo raha reo, eo anoloan'i Yaveh amy filira mangnao amy tragno lay fihaogna. ¹² Hangalaky raiky amin'ereo zanakagn'odry lahy ka hanoloasy anizay ho fagnatisy noho gny helony, miaraky amy logan-dililo gny mpisoro;haraviravy reo ho fagnatisy haraviravy eo anatrehan'i Yaveh izy. ¹³ Sy maisy hamono gny agn'ondry lahy eo amy toera ze famonoan'ereo fagnatisy noho gny ota vo fagnatisy oroa izy, ao amy farisy gny tabernakely, fa agny mpisoro gny fagnatisy noho gny ota, manahaky anizay koa gny fagnatisy noho gny heloky , satria zay gny masy indrindra. ¹⁴ Hangalaky amy lio gny fagnatisy noho gny heloky ka hametraky anizay eo antendro-sofiny havanany gny olo zay holiovy , eo amy ankihiben-tagnany havana,dra amy ankihiben-tombony havana gny mpisoro. ¹⁵ Dra hangalaky dililo laha tamy loga gny mpisoro ka handraraky anizay eo amy fela-tagnany havia, ¹⁶ dra hagnasoboky gny rasa-tagnany havana ao agnatiny dililo eo amy tagnany havia, dra hamafy impito laha tamy dililo amy rasa-tagnany eo anoloan'i Yaveh. ¹⁷ Dra hagnososy gny sisany dililo teo amy tagnany eo amy lohany gny safiny havana gny olo holiovy , gny ankihiben-tagnany an-kavana, dra gny ankihiben-tombony an-kavana gny mpisoro.Sy maisy mametraky anizay dililo zay eo agnabonigny lio laha tamy fagnatisy noho gny heloky izy. ¹⁸ Dra gny amin'ereo tavelany dililo zay eo antagnany gny mpisoro, dra hagnososy anizay eo amy lohany gny olo holiovy izy, dra gny mpisoro dra hanao fagnavota ho anazy eo anatrehan'i Yaveh. ¹⁹ Laha teo dra hanolosy gny fagnatisy noho gny ota vo hanao fagnavota ho anazy ze ho liovy noho gny fahalotoany gny mpisoro, dra tafaran'izay dra hamono gny fagnatisy oroa izy. ²⁰ Dra laha teo dra hanolosy gny fagnatisy oroa vo fagnatisy hohany eo agnabony alitara gny mpisoro. Hanao fagnavota ho agny olo gny mpisoro, dra halio izy . ²¹ Kanefa , raha mizaly vo sy mahatakasy reo soro reo gny olo, dra tokony hangalaky zanakagn'ondry lahy raiky ho fagnatisy noho gny heloky ba haraviravy izy, ba hanova fagnavota ho agny vatany, vo koba soa lisa raiky ampahafolony efaha voaharo dililo ho fagnatisy hohany, dra dililo raiky loga, ²² miaraky amy domoina ro na zana-boromailala ro,araky zay tratrany ;voro raiky ho fagnatisy noho gny ota dra gny hafa ho fagnatisy oroa. ²³ Amy andro fahavalo dra sy maisy minday reo ho agny fagnaliova anazy eo amy mpisoro i9zy, eo amy filira mangao amy tragno lay fihaogna, eo anatrehan'i Yaveh. ²⁴ Hangalaky gny zanakagn'ondry ho fagnatisy gny mpisoro, dra halany miaraky amin'izay gny menak'oliva raiky longa, dra hanandrasy anizay agnabony ho fanrhoa anazy reo amin'i Yaveh izy. ²⁵ Hamono gny zanakagn'ondry ho agny fagnatisy noho gny heloky izy , dra hangalaky amy liony fagnatisy noho gny heloky ka hagnisy anizay eo amy ammpoto-sofiny havany ho liovy, eo amy ankihiben-tagnany ankavana , dra eo amy ankihiben-tambony ankavana. ²⁶ Laha teo dra handraky amy dililo eo ampaletagnany ankavia gny mpisoro, ²⁷ dra hamafy impito amy rasa-tagnany ankavabna amy dililo ze eo amy tagnany ankavia eo anatrehan'i Yaveh izy. ²⁸ Dra hagnisy amy dililo zay eo amy tagnany gny tendro-sofiny ankavana gny holiovy gny mpisoro, gny ankihiben-tagnany havana, vo gny ankihiben-tombony havana, eo amy farisy nasiany gny liony fagnatisy noho gny heloky avo. ²⁹ Hasiany gny ambiny dililo zeeo am,y tagnany gny lohany holiovy, ba hanova fagnavota ho anazy eo anatrehan'i Yaveh. ³⁰ Sy maisy manolosy raiky amin'ereo domoina na reo zana-boromailala, araky ze takany izy- ³¹ raiky ho agny fagnatisy noho gny ota dra raiky hafa ho fagnatisy oroa, miaraky amy fagnatisy ho tegnany.Laha teo dra hanao fagnavota ho agny ho liovy eo anatrehan'i Yaveh gny mpisoro. ³² Zay gny lalana ho agny olo zay misy aretin-kolisy mifindra, zay sy mahatakasy gny fagnatisy mahazasy ho agny fagnaliova anazy.'' ³³ Nizaka tamin'i Mosesy vo tamin'i Arona i Yaveh, nanao ho: ³⁴ ''Raha avy amy tany Kanana ze nomeko ho fanagnandrareo , dra raha magnisy maty fosy zay mibarakay ao amy tragno ao amy tany ze fanagnandrareo zaho, ³⁵ dra sy maisy avy dra mampizaka gny moisoro ze tompany gny tragno .Ao izy hanao ho:''Tahoky misy raha manahaky gny maty fosy ao antragnoko.' ³⁶ Laha teo dra handidy anazy reo gny mpisoro ba handravan'ereo gny tragno mialoha gny hilirany ao hagneteny gny fisiany maty fosy, ba sy hisy na ino na ino ho voaloto ao amy tragno.Tafaran'izay dra sy maisy hilisy ao ba hagnety gny tragno gny mpisoro. ³⁷ Sy maisy magnety gny maty fosy izy raha amy rindrinigny tragno zay, dra hagnety raha manopo meso na manopy mena gny filetiny eo amy rindrinigny tragno. ³⁸ Raha misy fosy gny tragno, dra hiboaky gny mpisoro ka hagnily gny vatrangara gny tragno mandrisy gny hafitoana. ³⁹ Dra hihery draiky gny mpisoro amy andro fahafito ka hagnety anizay ba hamantasy raha nibarakay amy rindrinigny tragno gny maty fosy. ⁴⁰ Raha zay, dra hibaiko gny amy hagnalan'ereo gny vato ze nahitany gny maty fosy gny moisoro ka hanoraky reo agny amy toera maloto ambaliky gny tana. ⁴¹ Tiany ho kihisa gny rindry iaby ao antragno, dra sy maisy harian'ereo agny ambaliky gny tana reo kikiny zay mamindra dra hariany agny amy toera maloto zay. ⁴² Sy maisy mangalaky vato hafa izy reo dra mametraky reo amy toeren'ereo vato zay nalany, dra sy maisy mampiasa tanimanga vaovao izy reo ba handalora gny tragno. ⁴³ Raha mihery draiky gny maty fosy ka mamariparisy ao amy tragno ze vo avy nisy vato nala vo rindry vo avy nikikisa dra avy nahery nolalora, ⁴⁴ dra sy maisy milisy ao gny mpisoro ka magnety gny tragno ba hagnety raha nibarakay ao amy tragno gny maty fosy.Raha zay, dra maty fosy mampili-doza zay, dra gny tragno dra maloto. ⁴⁵ Sy maisy arobaky gny tragno .Reo vato, hazo, dra reo lalosy aby ao agny tragno dra sy maisy andesy haria agny amy toera maloto agny ambaliky tana. ⁴⁶ Ankoasin'izay, na iza na iza milisy ao amy tragno mandrisy gny fotoa hikatognany dra haloto mandra-pahariva gny andro. ⁴⁷ Zay nandry tao agny tragno dra sy maisy manasa reo fiankazoany , dra zay nihina tao amy tragno dra sy maisy manasa reo fiankazoany. ⁴⁸ Raha milisy ao amy tragno gny mpisoroka magnety anizay ba hahafatara raha fa nibarakay manera gny tragno gny maty fosy tafarany nandalora gny tragno , dra raha niala gny maty fosy, dra hagnambara izy fa malio gny tragno. ⁴⁹ Laha teo dra hangalaky voro ro, vo hazo sedera, vo foly jaky dra hysopa ba hagnaliova gny tragno gny mpisoro. ⁵⁰ Ho vonony eo amy rano nalany tamy rano mandeha ao agnatiny siny tanimanga gny raiky amin'ereo voro. ⁵¹ Hangalaky gny hazo sedera, gny hysopa,gny foly jaky, dra gny voro velo izy, ka hagnasoboky anizay ao amy liony voro nivono , ao agnatiny rano nalany tamy rano mandeha , dra hamafy anizay ampito ao amy tragno. ⁵² Hagnalio gny tragno amy liony gny voro vo gny rano nalany tegny amy rano mandeha izy, miaraky amy voro velo, gny hazo sedera, gny hysopa, dra gny foly jaky. ⁵³ Kanefa hagnenga gny voro velo hiboaky gny tana ho agny amy tany midadasiky izy.Amin'izay fomba zay gny sy maisy hanova fagnavota ho agny tragno, ka dra halio zay. ⁵⁴ Zay gny lalana ho an'ereo karazan'aretin-kolisy mifindra aby vo reo raha ze miteraky arety manahaky anizay, vo ho agny hilihily , ⁵⁵ gny amy maty fosy amy fiakazoany vo amy tragno, ⁵⁶ gny amy mamosy , gny amy manako-fery, dra gny amy mifarisy fosy magira , ⁵⁷ ba ahafatara raha misy amin'ereo raha reo gny maloto na malio, Zay gny lalana ho agny areti-kolisy mifindra vo gny maty fosy.''