¹ Dra namaly Joba ka nanao ho: ² " Endrey gny fagnapianao gny raiky zay sy manan-kery! Endrey gny namozenao gny sandry zay sy nana tazaky! ³ Endrey gny nanoroanao hevisy gny olo zay sy manam-pahendre vo gny nagnambaranao fahalala soa taminazy! ⁴ Tamin'gny fagnapian'ia gny nizakanao regny zaka regny? Fagnahin'ia gny niboaky boaky taminao? ⁵ Zary mangitikitiky gny maty, dra reo ze agny ambany rano vo reo aby ze mitoesy ao amin'izay. ⁶ Mifahasy eo agnatrehan'Agnahary gny Fiainan-sy hita; gny faharava mihisy gny sy misy famognosa aminazy. ⁷ Mamelasy gny lagnisy avaraxsy egny amin'gny toera babangoa Izy,sady mapihanto gny tany eo amin'gny sy misy. ⁸ Mapitambasy gny rano ao amin'gny rahony matevy Izy, fe sy mitriatry ao ambanun'izay gny raho. ⁹ Mamongo gny vola izy sady mapiely gny rahony eo amin'izay. ¹⁰ Nisikisy farisy boribory teo ambony rano ho farany eo amin'gny mazava vo gny ezy Izy. ¹¹ Mihesikesiky gny andrin'gny lagnisy sady taisy tamin'gny fizakany fatrasy. ¹² Napizano gny ranomasy tamin'gny heriny Izy; tamin'gny fahazavan-sainy gny napilavoany an-dRahaba. ¹³ Tamin'gny fofonainy gny napisavany gny lagnisy; gny tagnany gny nitomboky gny menara teo am-pilefasa. ¹⁴ Ingo, tapany amin'gny lalany avo zay; endrey gny haleminy gny bisiky resika boak'aminazy! Ia gny afa-mahatakasy gny kotroky gny heriny?"