¹ Nisy lelahy raiku tao amin'gny tanin'i Oza dra Joba gny agnarany; vo i Joba dra sy misy signy sady mahisy, zay natahosy an'Agnahary sady nifaly gny rasy. ² Izy dra nanan-zanaky lahy vo apela telo. ³ Izy dra nana agnondry fito arivo, rameva telo arivo, agnomby lahy vo vavy dimanzato, vo boriky dimanzato vo panopo maro be. Izy gny lelahy lahibe vatany tamin'ireo olo Tasignana aby. ⁴ Isaky gny andro voatendry ho an'gny zanadahiny, dra nanao firavoravoa tao an-pantsangeny izy. Ereo dra nagniraky ka nitoka reo anabaviny telo mbo hindray hihina vo hino amin'ereo. ⁵ No fa nifara gny firavoravoa, dra napitoka vo nagnamasy andreo i Joba. Nifoha marandraim-be izy dra nanao fagnatisy oroa ho an'ireo zanay kirairaiky aby, fa ho izy ho: " Mety fa nagnota na nagnozo an'Agnahary tam-pony tagny reo zanako." Nanao anizay avo i Joba. ⁶ Vo tamin 'izay andro zay dra avy niseho yeo agnatrehan'i Yaveh reo zanakAgnahary. DRa avy nindray tamin'ereo koa i Satana. ⁷ Ho Yaveh tamin'i Satana ho: " Boak'eza gny niavianiha?" Vo Satana namaly an'i Yaveh dra nanao ho: "Boaky niregniregny tegny ambonin-tany, nirerirery teo aminazy." ⁸ Ho Yaveh tamin'i Satana ho: "Fa nandiniky an'i Joba panopoko se hanao? Akory sy misy manahaky anazy eto ambonin'gny tany, lelahy sy misy siny sady mahisy, zay matahosy an'Agnahary sady mifaly gny rasy." ⁹ Boakeo Satana namaly an'i Yaveh dra nanao ho: " Matahosy an'Anahary amin'gny sy misy antony se i Joba? ¹⁰ Sy nasianao fefy se magnodidy anazy, magnodidy gny fasangeny, vo magnodidy ze anazy aby? Fa notahinao reo asan'gny tagnany, vo nitombo reo biby fitezany eto amin'gny tany. ¹¹ Fa amizao ahinziro gny tagnaniha dra sapao ze iaby anagnany, dra atio no sy magnoso aniha eo amin'gny tarehinao izy. ¹² Ho Yaveh tamin'i Satana ho: " Ingo, eo am-pelatagnaniha ze iaby hanagnany. Fa izy vatany avo gny ka kitikitihy gny tagnaniha." Dra niala teo agnatrehan'i Yaveh i Satana. ¹³ Dra ndraiky andro, nihina vo nino divay tagny am-pasangen'gny laihmatoany reo zanany lelahy vo apela. ¹⁴ Nisy panday hafasy raiky nagnato an'i Joba dra nizaka ho:" Niasa tany reo agnomby vo reo boriky dra nihina teo agnilan'ireo. ¹⁵ Nanafiky andreo reo Sabeana dra nisambosy andreo. No gny amin'ireo panopo, dra nizeran'ereo tamin'gny lelan'amesa. Zao reriky gny taffilefa mbo hapandre aniha. ¹⁶ No mbo nizaka igny izy, dra nisy raiky hafa koa avy dra nizaka ho: "NIlasaky boaky tagny an-danisy gny afon'Agnahary dra nagnoro reo agnondry vo reo panopo. Zaho reriky gny tafisoaky mbo hampandre aniha." ¹⁷ No mbo nizaka igny izy, dra nizy raiky hafa koa avy dra nizaka ho: " Nizara vondro telo reo Kaldeana ka nanafiky reo rameva, dra nisambosy reo. No gny amin'ireo panopo, dra nizeran'ereo tamin'gny lelan'amesa. Zaho raiky gny tafasoaky mbo hampandre aniha. ¹⁸ No mbo nizaka igny izy, dra nizy raiky hafa koa avy dra nizaka ho: " Reo zananiha lelahy vo apela dra nihina vo nino divay tao am-pasangen'gny lahimatoan'ereo. ¹⁹ Nisy rsioky mahery avy naky tagny an'efisy nizera gny zorony efas'gny fasange. Nilasaky tamin'ireo lelahiso zay, vo dra maty ereo. Zaho raiky gny tafasoaky mbo hapandre aniha. ²⁰ Dra nisanga i Joba, nandriasy gny akazony, nanarasy gny lohany, niakohoky teo amin'gny tany, dra nisiriry an'Agnahary. ²¹ Ho izy ho: " Niborida zaho no niboaky tao an-trokin'gny reniko, dra hiborida zaho no fa hihery ao. Yaveh gny nagnome, vo Yaveh gny nangala. Isora ra gny agnaran'i Yaveh." ²² Tamin'ireo raha niseho dra sy nanota i Joba, ndre koa niapanga an'Agnahary ho nanao gny sy mety.