¹ Alefasy egny ambonin'gny rano gny mofonao, fa ho hitanao ndraiky zay afaky andro maromaro. ² Zararao amin'gny olo fito zay, ndre dra olo valo aza, fa sy fatanareo ze hiavian'gny loza amin'gny tany. ³ No feno ranon'ora gny raho, dra magnafoa anizay egny amin'gny tany regny, vo no milavo magnasimo gny hazo raiky na magnavarasy, ndre eza ndre eza hilavoan'izay, dra eo gny hitobohan'izay. ⁴ Mety sy hamboly gny olo zay magnety rsikoy, dra mety sy hizinza gny olo zay magnety gny raho. ⁵ Sahala anao zay sy mahay aby gny lalan'gny sioky, ndre gny nitombona'gny taolan'gny zaza tao an-trokin'gny bevoka, sahala anizay koa hanao sy afaky mahatakasy gny asan'Agnahary, zay namoro gny raha aby. ⁶ Amboleo amin'gny marandray reo vihinao; hatramin'gny hariva, miasa amin'ireo tagnanao araky ze ila, fa sy fatanao ze mety hagnamby, na maray na hariva, na itiky na iriky, na samby ho soa aby ereo ro. ⁷ Mamy vatany gny mazava, vo raha mahafinarisy gny maso gny mahita gny masoandro. ⁸ No misy olo miay an-taonymaro, aoky izy ho faly amin'iregny aby regny, nefa aoky izy hisaina gny mahakasik'ireo andron'gny ezy ho avy, fa ho maro regny. Gny raha aby hitranga dra ento manzavo. ⁹ Mifalia, ry zatovo, amin'gny fahatanoranao, dra aoky gny fonao ho faly amin'gny andron'gny fahatanoranao. Magnaraha gny fagniria soan'gny fonao, vo ze iaby eo amin'gny hitan'gny masoanao. Kanefa, fataro fa Zagnahary handay anao eo amin'gny fisara gny amin'ireo raha aby reo. ¹⁰ Alaviro amingny fonao gny hahoria, ka midary aby gny fahararia eo amin'gny ainao, akory gny hatanora vo gny heriny ddra raha fahatany.