¹ Dra Josafata nana hanagna vo voninahisy be; izy dra nihavana tamin'i ahaba tamy nanambaliany tao raiky amy fianakaviany zanakapelany. ² Tao maromaro tatio afara , dra nizoso tagny amin'i Ahaba tagny tany Samaria izy.Namono agn'ondry vo osy maro ho anazy vo reo olo niaraky taminazy i Ahaba. Nandresy lahasy anazy ba hanafiky an'i Ramota Gileada hiaraky aminazy koa Ahaba. ³ Hoy Ahaba, Pazakan'Israely, tamin'i Josafata, Pazakan'i Joda ho:''Handeha hiaraky aminahy ho agny Ramota Gileada se anao?''Namaly anazy Josafata ho:''Manahaky anao avo zaho, dra gny vahoakiko dra manahaky gny vahoakinao; hiaraky amindrareo agny amy aly zahay.'' ⁴ Hoy Jesafata tamy Pazakan'Israely ho:''Ba taliavo aloha gny zakan'i Yaveh ho amy vali-zakanao.'' ⁵ Laha teo gny Pazakan'Israely nampivory reo mpaminany, lelahy efa-zato, ka nizaka tamin'ereo ho:''Tokony handeha hialy agny Ramota Gileada se isika, sa aha?Hoy izy reo ho:''Tafiho, fa Zagnahary hagnome anizay eo an-tanany Pazaka.'' ⁶ Saiky hoy Josafata ho:''sy bo misy mpaminan'i Yaveh hafa ze afaky hangalasika hevisy se eto?'' ⁷ Hoy gny Pazakan'Israely tamin'i Josafata ho:''Bo misy lelahy raiky ze afaky hangalasika gny hevisin'i Yaveh, dra Mikaia zanadahin'i Jimla, saiky halako izy satria sy naminany soa nahakasiky anahy mihisy izy, fa rasy avo . ''Fa hoy Josafata ho:''Sy tokony hizaka anizay gny Pazaka.'' ⁸ Laha teo nitoka manam-pahefa gny Pazakan'Israely dra nizaka ho:''Andeso malaky i Mikaia zanadahin'i Jimla.'' Dra samby nipetraky tamigny seza fiandriana aby i Ahaba pazakan'Israely vo Josafata pazakan'i Joda, nitafy gny akazo lavan'ereo, teo amigny toera malalaky anoloanigny fidira gny vavahadin'i Samaria, dra gny paminany aby dra naminanany teo agnatrehan'ereo. ¹⁰ Zedekia zanadahin'i Kenana dra namboasy tandroky vy ho anigny vatany dra nizaka ho: "Izao gny zakan'i Yaveh: Amireo gny hanotoa reo Syriana mandra-pahalevon'ereo." ¹¹ Nitovy faminania reo paminany aby, nanao anizahoky ho: "Tafiho Ramota Gileada dra takaro, fa namen'i Yaveh teo atagnanigny pazaka zay." ¹² Gny iraky ze nandeha nitoka an'i Mekaia nizaka taminazy, nanao anizahoky ho: "Ingo izao, gny zakan'ireo paminany dra magnambara raha soa amigny pazaka amigny feo toka. Aoky gny zakanao hanahaky gny zakanigny raiky amin'ereo dra hizaka raha soa." ¹³ Namaly Mikaia ho: "Raha bo velo koa Yaveh, dra ze raha zakan'Agnahary gny hotaliliko." ¹⁴ Gny fa avy tagny amigny pazaka izy, dra hoy gny pazaka taminazy ho: "Ry Mikaia, tokony handeha hialy agny Ramota Gileada ra isika, sa aha?" Namaly anazy Mikaia ho: "Tafiho dra mandresia! Fa ho fandrese lahibe zay." ¹⁵ Boak'eo gny pazaka nizaka taminazy ho: "Ipiry gny hapianiagnako anao sy hizaka afa-sy gny mary aminahy amigny agnaran'i Yaveh?" ¹⁶ Dra hoy Mikaia ho: "Nahita gny Israely aby niparitaky tegny amireo tendrombohisy zaho, manahaky gny agnondry sy misy piamby, dra hoy Yaveh ho: 'Sy mana piamby agnondry reo. Aoky gny lelahy aby hihery apilamina agny atragnony."' ¹⁷ Noho izay dra hoy gny pazakan'Israely tamin'i Josafata ho: "Sy fa nizaka anao ra zaho fa izy dra sy haminany soa mahakasiky anahy, fa loza avo?" ¹⁸ Boak'eo dra hoy Mikaia ho: "Noho izay handrareo aby dra tokony hiteno gny zakan'i Yaveh: Nahita an'i Yaveh nipetraky teo amigny seza fiandrianany zaho, dra gny maramilanigny lagnisy aby nizoro teo akavanany vo teo akaviany. ¹⁹ Hoy Yaveh ho: 'Iza gny hitao an'i Ahaba, pazakan'Israely, ba hahafahany hiakasy agny Ramota Gileada dra ho lavo agny?' Gny raiky nizaka anizao dra gny hafa nizay anizay. ²⁰ Tafaran'izay dra nisy fagnahy nandroso dra nizoro teo anoloan'i Yaveh vo nizaka ho: 'Hitao anazy zaho' Hoy Yaveh taminazy ho: 'Amigny fomba akory?' ²¹ Dra namaly gny fagnahy ho: 'Hiboaky zaho dra ho lasa fagnahy pavandy ao am-bavan'ireo paminany aby.' Namaly Yaveh ho: 'Hitao anazy hanao, dra hahomby koa handrareo. Ko amizao mandehana dra atovy izay.' ²² Ingo dra amizao, Yaveh nametraky fagnahy pavandy tao am-batrangaran'ireo paminaninao reo, dra Yaveh nandidy loza ho andrareo." ²³ Dra avy i Zekedia zanadahin'i Kenana, namelaky gny takolak'i Mikaia, dra nizaka ho: "Teza gny lala nialanigny fagnahin'i Yaveh taminahy ba hizaka aminao?" ²⁴ Hoy Mikaia ho: "Ingo, ho fataao izay amizay andro zay, gny fa mihazakazaky niafy agny amigny efitragno agnatiny ilany hanao." ²⁵ Nizaka tamigny panopo ilany gny pazakan'Israely ho: "Samborindrareo vahoaky i Mikaia dra andeso ho agny Amona, gny governoranigny tana izy, vo agny amin'i Joasy, zanadahiny. ²⁶ Handrareo vahoaky hizaka aminazy ho: 'Hoy gny pazaka ho: apidiro agny apoza io lelahy io dra fahano mofo vo rano kely izy, mandra-piheregnako soa ama-sara."' ²⁷ Boak'eo Mikaia nizaka ho: "Raha tafahery soa ama-sara hanao, dra sy nizaka tamigny alalako Yaveh." Dra bo napiany ho: "Tenoy zay, handrareo ry vahoaky aby." ²⁸ Dra vniakasy hanohisy an'i Ramota Gileada i ahaba, Pazakan'Israely, vo Josafata , Pazakan'i Joda. ²⁹ Hoy gny Pazakan'Israely tamin'i Josafata ho:'Hiova tava zaho dra handeha ho amy aly, fa hatovy gny akazo lavany Pazaka.''Koa dra niova nanao olon-kafa gny Pazakan'Israely, dra nandeha tagny amy aly izy reo. ³⁰ Dra gny Pazakan'i Syria dra nandidy reo Kapitenin'ireo kalesiny, nanao ho:''Ka manafiky reo miaramila manan-kaza na sy manan-kaza . Fa gny Pazakan'Israely avo gny tafiho.'' ³¹ Dra fa gny nahita an'i Josafata reo kapiteniny kalesy dra hoy izy reo ho:''Igny gny Pazakan'Israely.''Nihery ba hanafiky anazy izy reo , saiky nikoraky fatrasy Josafata, dra namozy anazy Yaveh.Navalik'Agnahary niala taminazy izy reo. ³² Dra fa gny hitan'ireo mpihehy gny kalesy fa sy gny Pazakan'Israely gny izy, dra nihery tamy fanendreha anazy izy reo. ³³ Saiky nisy lelahy raiky nisitony gny zana-sipikany dra nitifisy gny Pazakan'Israely teo anelanelany fifandraisa fiarovany. Laha teo Ahaba nizaka tamy mpinady kalesiny ho:''Mitoliha dra andeso miboaky gny aly zaho, fa marasy fatrasy.'' ³⁴ Niharasy gny aly tamin'io andro io , dra gny Pazakan'Israely dra niandry tao amy kalesiny nifanandrify tamin'ireo Syriana mandra-paharivany andro. Mandra-piletiky gny masoandro, dra maty izy.