¹ Nagnagny Sekema i Rehoboama, akory avy tagny Sekema ba hanao anazy ho pazaka gny Israely aby. ² Dra ren'i Jerosalema zanadahin'i Nebata zay (akory tagny Egypta izy, tagny amize fa niengany hiala teo amigny fagnatrehan'i Solomona pazaka, nefa fa nihery boak'agny Egypta i Jeroboama). ³ Ko nandefa vo napitoka anazy ereo, dra avy Jeroboama vo gny Israely aby; nizaka tamin'i Rehoboama ereo dra nanao anizahoky ho: ⁴ "Nagnasarosy gny zioganay gny babanao. KO amizao, hamorao gny asa mafinigny babanao, dra hamevagno gny zioga mavesasy ze napetrany teto aminay, dra hanopo anao zahay." ⁵ Hoy Rehoboama tamin'ereo ho: "Miheregna ndraiky eto aminahy afaky telo andro." Dra lasa reo vahoaky. ⁶ Nangalaky hevisy tagny amireo zokiolo ze nisanga teo agnatrehan'i Solomona babany fony fahavelony i Rehoboama pazaka; hoy izy ho: "Akory gny hanoroandrareo hevisy hevisy anahy ba hinesako anireo? ⁷ Nizaka taminazy ereo dra nizaka ho: "Raha soa amireo vahoaky reo handrareo dra mahafinarisy anereo, dra mizaka zaka soa amin'ereo, dra ho panoponao mandrakizay ereo." ⁸ Kanefa sy nirarahin'i Rehoboama gny torohevisy ze namen'ireo zokiolo anazy, dra nangalaky hevisy tagny amireo tovolahy ze ninday lahibe taminazy izy, ze nisanga teo agnatrehany. ⁹ Hoy izy tamin'ereo ho: "Ino gny torohevisy homendrareo gny vahoaky ze nizaka taminahy dra nizaka ho: 'Hamevagno gny zioiga ze napetraky gny babanao taminay'?" ¹⁰ Reo tovolahy nindray lahibe tamin'i Rehoboama nizaka taminazy, nanao anizahoky ho: "Manahaky anizao gny tokony havalinao reo vahoaky ze nizaka taminao fa i Solomona babanao dra napavesasy gny ziogan'ereo, dra tokony hamavagninao izay. Izao gny tokony ho zakanao anereo: 'Gny akihikeliko dra matevy noho gny andilan-drako. ¹¹ Ko amizao, na dre nivesarinigny rako tamigny zioga mavesasy aza handrareo, dra bo hagnapy gny ziogandrareo zaho. Gny babako nagnasazy andrareo tamireo karavasy, fa izaho hagnasazy andrareo amireo mengoky."' ¹² Ko dra nandeha nagnagny amin'i Rehoboama i Jeroboama vo gny vahoaky aby tamigny andro fahatelo, araky gny nizakanigny pazaka ho: "Miheregna aminahy atiky amigny andro fahatelo." ¹³ Nizaka fatrasy anereo i Rehoboama, sy niraharaha gny torohevis'ireo zokiolo. ¹⁴ Nizaka tamin'ereo araky gny toro-hevis'ireo tovolahy izy, nanao anizahoky ho: "Namesasy gny ziogandrareo gny babako, fa izaho hagnapy anizay. GNy babako nagnasazy andrareo tamigny karavasy, fa izaho hagnasazy andrareo amigny mengoky." ¹⁵ Noho izay dra sy nitenonigny pazaka gny vahoaky, fa izay dra fagnova tamireo tranga nandesin'Agnahary, ba hahafahan'i Yaveh magnatateraky gny zakany ze nizakan'i Ahia gny Silonita tamin'i Jeroboama zanadahin'i Nebata. ¹⁶ Gny fa hitan'Israely aby fa sy niteno anereo gny pazaka, dra namaly anazy gny vahoaky dra nizaka ho: "Ino gny azaranay amin'i Davida? Sy mana lova ao amigny zanadahin'i Jese izahay! Gny sirairay amireo dra tokony hihery agny an-dainy aby, ry Israely. Dra atio gny tragnonao, ry Davida." Ko dra nihery ho agny an-dainy aby gny Israely aby. ¹⁷ Fa raha gny amireo olo nagnino tagny amireo tanan'i Joda, dra i Rehoboama gny nazaka teo amin'ereo. ¹⁸ Dra Rehoboama pazaka nandefa an'i Adorama, ze nanapaky teo amireo panao asa aterivozo, nefa gny vahokan'Israely nitora-bato anazy ho maty. Dra nienga malaky tamigny kalesy ho agny Jerosalema i Rehoboama pazaka. 19Noho izay dra tao agnatinigny fikomia nanohisy gny taranak'i Davida gny Israely mandrak'androany.