¹ Gne Apostôly sy gne rahalahy zay tagny Jodia naharè fa gne Jentilisa da nandray gne zakan'Andriamanitra. ² Raha niakatry tagny Jerosalema i Petera, da nokiagnin' gn'olo tao amè tokon'olo voafora izy; ³ da hoy indreo hoe: "Anao koa me nikamba tamè lehilahy tsy nitapaky sady niaraky nisotroky tamindreo!" ⁴ Fa i Petera nanomboky nagnazava gne raha niseho tamindreo; hoy izy hoe: ⁵ "Efa nivavaky tagny amè tanàn'i Jopa aho ary nahita fahità mikasiky gne vata nilatsaky avy an-dagnitry mitovy amè lamba zakabe, zay nijotso amè zorony efatry. Nilatsaky teo aminà izany. ⁶ Nagnety gne lagnitry iaho tam'zany sady da nandiniky gne mikasiky an'zany. Hitako gne biby mana tomboky efatry, gne biby agn'ala, gne biby mandady sy gne voro amè lagnitry. ⁷ Avy teo aho da naharè feo nizaka taminà hoe: "Mitsangàna anao Petera; mamonoha sady mihinàna." ⁸ Da hoy iaho tam'zay hoe: "Tsy magneky iaho Tompo; mbola tsisy raha tsy masigny sady maloto niditry tam'ty vavako 'ty." ⁹ Da mbola namaly avao igny feo igny hoe: "Gne nozakain'Andriamanitra fa madio da ka atao hoe maloto." ¹⁰ Da mbola niseho fagnitelony izany feo 'zany, ary lasa niverigny an-dagnitry aby gne raha nidigny teo aby. ¹¹ Tapoky teo, nisy olo telo lahy nitsanga teo amè nisy anà; olo avy tagny Kaisaria nandeha aminà aty indreo. ¹² Gne Fagnahy da nibeko anà hindray amindreo ary da tsy tokotry hisy olo tsy ho tiàko gn'amindreo. Io lehilahy enina io da nadeha nindray taminà sady nitsòky t'andragnony iahay. ¹³ Sady nizaka taminay fa nahita anjely nitsanga tan-dragnony ary nizaka hoe: "Magniràha anao lehilahy agny Jopa ka hindeso mipody aty i Simona zay hangian'olo hoe Petera. ¹⁴ Hizaka afatry raiky aminao izy, izay afatry ahavôvonjy anao sy gne havanao aby." ¹⁵ Raha vao nizaka tamindreo aho, avy da nilatsaky tamindreo gne Fanahy Masy, mitovy amè nidignany taminay tagny amè vôlohany. ¹⁶ Tadidiko tam'zay gne zakan'i Tompo sy gne nizakàny anay hoe: "I Jaona da nagnano batisa tamè rano tokôtry; fa anareo koa da mila hanigny batisa amè Fanahy Masy." ¹⁷ Raha gn'Andriamanitry gne nagnome andreo fagnomeza mitovy amè nomeny atsika tam'tsika nino gne Tompo Jesosy Kristy, ia koa sa gne afaky hanohitry gn 'Andriamanitra? ¹⁸ Raha rèndreo izany tsy nisy navaly na ino na ino indreo afa tsy gne nidera an' Andriamanitry sady nizaka hoe: "Fa gn'Andriamanitra da nagnomè fibebaha amè fiaina ho an'gne Jentilisa koa." ¹⁹ Gn'olo napilefasy vokatry gne fangnenjeha nanomboky tamè fahafatesan'i Stefana da niparitaky tagny Foinika, tagny Kyprosy sy Antiokia; fa indreo da nagnambara gne afatry mikasiky an'i Jesosy tam'gne Jiosy raiky avao. ²⁰ Fa gne sasany tamindreo, avy tagny Kyprosy sy Kyrena, da lasa tagny Antiokia nagnely tamè Grika sady nizaka tamindreo gne filazatsara mikasiky an'i Jesosy Kristy Tompo. ²¹ Gne tagnan'i Tompo da niaraky tamindreo isan'andro ary da olo marobe gne nino sady nitodiky tam'Tompo. ²² Gne vaovao mahakasiky andreo da avy apoto- sofin'gne fengona tao Jerosalema, sady indreo koa nagniraky an'i Barnabasy handeha agny Antiokia. ²³ Raha avy tagny izy da nahita gne fagnomezan' Andriamanitra sady gne sady falifaly; sady nampahery andreo mba hifikitry miaraky am'Tompo amè fò rehetra. ²⁴ Satria izy da hita fa lehilahy feno Fagnahy Masy sy finoa sady olo maro gne lasa nagnaradia an'i Tompo. ²⁵ Da lasa nandeha tagny Tarsosy i Barnabasy hitadia an'i Saoly. ²⁶ Raha hitany izy da nindesiny tagny Antiokia. Ary da nandritry gne tao-raiky indreo da niara nivavaky tao amè fengona sady nampianatry gn' olo maro. Io mpianatry io gne nitondra gne agnara Kristiana vôlohany tao Antiokia. ²⁷ Sady tam'zany andro zany da nisy mpaminany maromaro nidigny avy tagny Jerosalema nandeha agny Antiokia. ²⁸ Agnisany gne nindray tamindreo i Agabo gn'agnarany; nitsànga izy ary nahazo honofy tamè Fanahy fa hisy mosary zakabe ho avy eran'zao tontolo 'zao. Da avy tokôtry izany tam'gn'andron'i Klaodio. ²⁹ Noho izany, gne mpianatry araky gne fahafahan' gne tsikiraikiraiky da nanapa-kevitry fa hagnomè sady handefa fagnampia ho an'gne rahalahiny mipetraky agny Jodia. ³⁰ Namboarindreo izany sady nandefa vola ho an'gne loholo tagny tamè tanàn'i Barnabasy sy Saoly.