¹ Naho fa efatse ambin'ny folo taogne tatoy raho le niakatse t'a Jerosalema tagne niarake tama'i Barabasy, le nindeseko nindre amako ty Titosy. ² Le noho'ty fagnambaragne raike ty niakarako tagne naho le nametrake tama'iareo ty talily soa nataliliko tama'o Jentilisa'ao. Nirinehako atolake tama'iareo ty raha vetsevetseigne te managne lanja, mba hahazoagne antoke te ie tsy nilay_ na fa nilay_ maike avao raho. ³ Fe ie na i Titosy aza, niarak'amako'y kanefa Grika, le niteregne ty hosavaregne. ⁴ Niditse antsokosoko ze rahalahy sasa'e rezay te ie ty mba hitilihitse ty fahafahagne hanagna'ay ama'i Kristy Jesosy ao. Le niirie'iareo ho nandevozegne zahay, ⁵ fe ie na fotoagne kele aza tsy nete nagnekea'ay iareo, ty mba hipetraha'ty lalan-kavelo'ty talily soa ama'areo. ⁶ Fe ie ze raha vetsevetseigne te managne lanja (ndra ino ndra ino ze raha rezay le tsy hampagninogn'ahy, tsy miangatse ty Andrian'Agnahere) _ ambarako, ze, raha vetsevetseigne te managne lanja le tsy nagnampe ndra ino ndra ino tamako. ⁷ Ty mifanohetse am'izay, trea'iareo te ie nagnankinagne o talily soa hoe'iareo tsy voasavatse'eo raho, le manahake ty nagnankinagne i Petera ty talily soa hoe'iareo voasavatse'eo. ⁸ Fe ie ty Andrianagnahare, niasa tam'i Petera ao ho ama'ty maha-apostoly hoe'iareo ze voasavatse, le niasa tamako tato avao ka hoe'iareo Jentilisa. ⁹ I Jakoba, Kefasy, naho i Joana, le hay te agnisa ty ze nagnoregne o Anjomban'Agnare'eo, naho fa naharendreke ty fahasoavagne ze nomeagne ahy, le nagnome ty tagna havana'ty filongoagne ho ahy naho hoe i Barabasy iareo. Natao'iareo ze raha zay ty mba hahafaha'ay mandeha ama'o Jentilisa'ao agne, naho ty mba hahafaha'iareo ka mandeha ama'ze voasavatse. ¹⁰ Le ty nangatahe'iareo avao le ty tsy hagnalignova'ay o mahantra'ao, le i raha tena teako ty manao aze'y. ¹¹ Fe ie naho fa niavy t'a Antioka ty Kafesy, le nitohereko t'agnatreha'e teo reke satria fa nirinehake te diso. ¹² Taloha ty niavia'ty lahilahy ila'e boak'ama'i Jakoba agne rey, le niarake nihinagne tama'o Jentilisa'o ty Kefasy. Fe ei naho fa niavy i lahilahy rey, le nijanogne reke naho le niala lavitse'o Jentilisa'ao. Natahotse ze nitake ty hanaovagne o savatse'o reke. ¹³ Le niharo tama'ze hasoa miatreke zay iaby ka ze nisisa tama'o Jiosy rey. Ay ie na i Barabasy anio le nivoasinto hiarak'ama'iareo ami'ze hasoa miatrek'iareo zay. ¹⁴ Fe ie naho fa treako te tsy magnoreke ty lalan-kavelogne'ty talily soa ty fitondran-tegna'iareo, le nirehake tama'i Kefasy t'agnatreha'iareo iaby eo raho te hoe: "Naho Jiosy rehe nefa miaigne manahake'o Jentilisa'ao fa tsy manahake'o Jiosy io, ay le manao akore zane ty hahafaha'o manery'o Jentilisa'ao hiaigne manahake'o Jiosy io?" ¹⁵ Itika le Jiosy tamy ty alala'ty fahaterahagne fa tsy Jentilisa be hakeo; ¹⁶ le haintika fa tsy misy ndaty le ho tò amy ty asa'ty lily fa amy ty alala'ty finoagne'i Kristy Jesosy. Itika ka le niavy tami'ty finoagne'i Jesosy Kristy mba ho hamaregnegne amy ty finoagne'i Kristy fa tsy amy ty asa'ty lily. Fe ie tsy hisy nofotse ho hamaregnegne amy ty asa'ty lily. ¹⁷ Fa naho ie, te ho hamaregnegne ama'i Kristy ao tika, itika avao ka, le trea te be hakeo, fe ie vao le mandrisike ty fahotagne ty Kristy? Le tsy ie'e avao zay! ¹⁸ Fe ie naho manangagne ndraike ze raha fa narobako taloha rezay raho, le magnaporofo ty vatako raho te ie mpahay lalàna. ¹⁹ Fa tamy ty lily ro nahafate ahy amy ty lily, mba ho velogne ho an'Andrian'Agnahare raho. ²⁰ Nampijalegne niarake tam'i Kristy raho. Fa ie tsy raho sasa ro velogne, fa i Kristy ro velogne agnaiko ato. Ty fiaignagne iaignako amy ty nofoko'ao am'izao le iaignako amy ty finoagne ty Anan'Andrianagnahare, tea'e raho naho le nifoe'e ty nanolotse ty vata'e ho ahy. ²¹ Tsy magnilike ty fahasoavan'Andrianagnahare raho, fe ie naho azo amy ty lily ty lalan-kavelogne, le tsy misy dika'e ty nahavilasy an'i Kristy.