¹ O Aba Ragnandria, omeo iareo ndevo ze maregne naho ty rare'e. Hay areo fa inareo avao ka ty managne Tompo raike an-dagnitse agne. ² Miareta lomogn'andro amy ty fivavahagne. Ambeno zay amy ty fagnomeagne fisaoragne. ³ Mindreza mivavake ho anay avao ka, mba hanokafan'Andriagnahare ty lalagne hoe ty rehake, mba hitaliliagne ty fahamarenagne mietake am'i Kristy. Naho ty am'izay, le voafehe raho. ⁴ Mivavaha mba hahaiako magnazava zay, naho toko'e hirehake raho. ⁵ Mandehana amy ty fahendreagne am'iareo ze ivela'e agne, le hararaoto ty fotoagne. Ao soa ty reha areo tsy hisarake amy ty fahasoavagne. ⁶ Le ao iareo io ho vonton-tsira, mba hahafantaragne ty fomba toko'e hamalea areo ty ndaty iabike. ⁷ Naho ty raha momba ahike, le i Tykyko ro hanoro am'anareo. Rahalahiko mamiko reke, mpanompo atokisagne, le mindre manompo am'i Tompo ao. ⁸ Nampandehaneko ama'areo agne reke naho ty amizay, mba hahaia areo ty raha momba anay, le mba hahaia'e mampahery ty fo areo ka. [Fagnamarenagne ambane pejy ey: "nampandehaneko ama'areo agne reke naho ty am'izay, mba hahaia'e ty raha mikasike anareo, le hampaheria'e ty fo areo ka."] ⁹ Nampandenako nindre tam'i Onesimosy, ie rahalahy atokisagne naho mamiko, ie lia raike ama'areo. Iareo io ro hitalily am'areo ty kila raha nisy tatoy. ¹⁰ I Aristarko, i mindre migadra tamakoy, le manalama anareo , manahake zay ka i Marka, longo ry Barnabasy (ie nagnomey anareo baiko; naho mandeha ama'areo agne reke, le raeso), ¹¹ le i Jesosy ka tokavegne avao ka hoe i Josto. Iareo boake amy ty nivoasavatse avao ro mindre miasa amako amy ty fanjakan'Andriagnahare. Fampionognagne ahike iareo io. ¹² Le manao salama anareo t'i Epafra. Raike ama'areo reke naho mpanompo i Kristy Jesosy. Manao ringa am-bavake ho anareo avao eke, mba hahalefe anareo naho ka mba hahazoa areo ty liofon'Andriagnahare abike. ¹³ Fa mitsanagagne ho ndaty aivo ho aze raho, fa miasa mafe ho anareo reke, naho hoe iareo a Laodika agne, le hoa iareo a Hierapolia. ¹⁴ Lioka ire mpitsabo mamiko naho Demasy le manao salama anareo. ¹⁵ Salamao iareo rahalahy a Laodika agne, naho Nymfa, le ze fiangonagne antragno'e ao. ¹⁶ Naho fa voavaky areo ty taratasy toy, le vakio am-piangona ty Laodikiana avao ka, le ataovo areo voavaky ka ty taratasy boake Laodika agne. ¹⁷ Talilio t'i Arikipo te hoe: "Tandremo soa ty asa fanompoagne nirambese areo am'i Tompo ao, le toko'e ho vitaareo zay." ¹⁸ Ty fagnombaragne toy le atao ty tagnako reriky t'i Paoly. Tiarovo ty firohizako. Ho ama'areo ty fahasoavagne.