¹ Vo maraindray mangoatignana gnandro, nifamory reo mpisoro miaraky amin'ireo loholona voho gny mpanora-dalagna voho Synedriona Jiosy iaby. ² Nagnontany i Pilato manao hoe:" Iha va ro mpanjaka gny Jiosy? Namaly i ka zao gny safany hoe:" la to zay." ³ Nagnatoro fitoria maro manohitsy an'i Jesosy gny mpisoro. ⁴ Nagnontany ndraiky Pilato hoe:" Tsy misy havaly va iha? Enteo gny hamaroa gnolo mitory manohitsy anao reo. ⁵ Fa tsy namaly resaky koa Jesosy , ka nahatseriky an'i Pilato. ⁶ Lafa niavy gnandro fisinisinia, nangataky gadra raiky tamin'i Pilato gny fokonolo mba habototry. ⁷ Nisy johary raiky gadra miaraky amy gny olo mpamono olo gny agnarany Barnabasy. ⁸ Namonjy an'i Pilato gny fokonolo sady nangataky mba hampihara gny fomba taloha. ⁹ Namaly Pilato hoe:" Tianareo va laha gny Mpanjaka gny Jiosy ro hameako anareo? ¹⁰ Fotony hain'i Pilato soa fa mialo an'i Jesosy gnazy mpisoro reo. ¹¹ Narisikindreo gny fokonolo mba handresy lahatsy an'i Pilato hamoaky gny Barabasy ¹² Nagnontany Pilato hoe:" Ka ino hataoko akory zao Mpanjakan'i Jiosy? ¹³ Mbo nitabataba avao reo hoe: Fantsio I!" ¹⁴ Ka hoy Pilato tamindreo:" Fa ino moa gny raha raty nataony mbo nikiakiaky avao gny fokonolo hoe:" Fantsio I." ¹⁵ Nabotorin'i Pilato Barabasy mba ahafa-po andreo. Kinabokaboky i bakeo nalefany mba ho fantsihy. ¹⁶ Nandesy gny miaramila regny I bakeo natoby ( toera famangoa olo mpanao raty teo), t'agnivo gny toera gny fanjaka teo, sady navory gny miaramila iaby. ¹⁷ Nampanaovindreo siky volo-parasy Jesosy , bakeo nametrahandreo satroky misy fatiky amy gny lohany. ¹⁸ Zao safan-dreo lafa reo nagnosafy azy:" Nahoa Mpanjaka gny Jiosy!" ¹⁹ Kinabokabokindreo tamy gny Pilatry i sady mbo nandora taminy. Nandohaliky talohany teo reo nanao kisary nandrengy Azy ²⁰ Lafa baka nikizaky azy reo, nampanaovindreo azy ndraiky sikiny taloha igny sady nalaindreo raiky voloparasy igny bakeo nandesindreo niboaky I ho fantsihy. ²¹ Nisy johary raiky nandalo atao hoe SimonaKyreniana baba niteraky an'i Aleksandra voho Rofosy, nitanderindreo i hilanja gny hazo mavesatsy hamantsiha an'i Jesosy. ²² Nandesindreo tamy gny tana atao hoe Gologota i Jesosy ( gny dikany Harankan-doha). ²³ Nafangarondreo gny divay miaraky amin'i miora bakeo nameandreo azy fa i Jesosy tsy nahefa nagnately. ²⁴ Nofantsihiny i Jesosy bakeo, notatahy gny akanjony sady zinarazara gny miaramila regny teo. ²⁵ Tamy gny telo folak'andro namantsihandreo an'i Jesosy. ²⁶ Nasiandreo soratry t'ambony hazo tegny hoe:" Mpanjaka gny Jiosy." ²⁷ Johary roa lahy nifantsihy miaraky taminy teo, raiky ankavana, raiky ankavia. ²⁸ [ Fagnamariha: gny fandika teny soa taloha ro tsy magnisy Marka 15: 28 hoe: Tanteraky gny soratry Masina manao hoe:"" Natao ho agnisa gny mpanota koa i." ( Ampitahao amin'i Lioka 22: 35)] ²⁹ Gny olo ze nandalo samby nandatsa Azy iaby nivola hoe:" Haky e! Iha ro nandrava gny tempoly sady nagnory azy tagnaty gny telo andro, ³⁰ vonjeo gnainao bakeo miala amy gny hazo fijalea io Iha" ³¹ Ndre gny lohandoham-pisoro koa nandatraazy miaraky amy reo Mpanora-dalagna nivola hoe:" Namonjy gny hafa Iha ka gnainao koa tsy ho voavonjinao. ³² Engao i Kristy Mpanjaka gny Israely hizotro baka amy gny hazo fijalea, mba ho enteanay gny fizotroanao bakegny sady nandatra azy koa gnazy niaraky taminy reo. ³³ Lafa maiziky gny tany nanomboky tamy gny lera faha tsota hariva laha domo tamy sivy haliky. ³⁴ Nikorakoraky tamy gny feo mare Jesosy nivola hoe:" Helofo, Helofo, lamà sabaktany?" nandika hoe:" Ndzagnahary, laha vitanao gny nahafoy Ahy? ³⁵ Gny sasany mbo teo nahare Azy nangataky hoe:" Enteo moa, mikaiky an'i Elia I." ³⁶ Nisy olo raiky nitsanga namoso sipaonjy miaraky divay bakeo nampinomony an'i Jesosy , sady nivola azy hoe:" Ao mba ho enteanay i Elia hanjotro anao bakegny zao." ³⁷ Bakeo Jesosy nikoiky mare didiky i laha afaky gnainy. ³⁸ Tataky sady nizara roa baka agnabo egny laha potaky ambany gny tempoly. ³⁹ Lafa jeriny kapiteny fa maty niaraky tamy zay Jesosy hoy i hoe:" Anaky Ndzagnahary vatany Johary ty." ⁴⁰ Nisy ampela nagnenty azy teo agnatiny zay ko i Maria Magdalena, Maria nenin'i Jakoba zainy voho Josesy) ,Salome. ⁴¹ Tamindreo mbo t'a Galilia ro nagnaraky azy avao. Sady mbo nisy ampela maro baka Jerosalema. ⁴² Tamy gny andro hariva aloha gny sabata. ⁴³ ka niavy teo Josefa baka Arimatia. Mpikamba baka Synedriona i, gnazy niamby gny Fanjaka Ndragnahary . Nisy fandrisiky i ka roso namonjy an' i Pilato hangataky gny fatin'i Jesosy. ⁴⁴ Tseriky Pilato fa maty Jesosy lafa kapiteniny nivola azy. ⁴⁵ Lafa bakeo nameany Pilato an'i Josefa gny fatin'i Jesosy. ⁴⁶ Nivily hariry maliniky Josefa bakeo nilombofany amy hariry gny fatin'i Jesosy zay vo natsofoky andolo tagny. Sady nakatokiny varavara vatao tamy gny lolon'i Jesosy . ⁴⁷ Jerin'i Maria Magdalena voho Maria nenin'i Josesy gny toera nandevegna Azy.