¹ Niondra laka I voho nihampita ka niavy tao an-tananany. ² Nisy johary raiky malemy, nandry tamin'gny fandria ka nandesin'olo teo aminy. Lafa Jesosy nahita gny finoan-dreo,nisafa taminy hoe:" Matokisa gnanaky fa voavototry gny helokinao ³ . Teo gny mpanora-dala sasany nisafa hoe:" Misafa raty johary ty. ⁴ Fa Jesosy nahay gny eritreritriny ka nivolahoe:" Nahoa nareo ro mieritreritry raty am-ponareo? ⁵ Fa ino moa ro moramora, gny misafa hoe:" voavototry gny helokinao sa gny misafa hoe:" Miondrona ka mandehana! ⁶ Fa mba ho hainareo fa gnanakin'olo mana fahefa etoy agnabon'gny tany hamatotry gny heloky, ka hoy I tamin'gny malemy:" Miondrogna voho lanjao gny fijalianao ka molia an-tragnonao. ⁷ Niongaky I ka noly tagny an-tragnony. ⁸ Niteraky nazovo gny fokonolo vatany nahita an'zay ka nagnome gn'olo gny fahefa. ⁹ Lafa Jesosy niala teo nifankahita tamin'gny johary raiky atao hoe Matio, nifitaky teo am-pamorian-ketra ka hoy I taminy :" andao magnaraha ahy, sady niongaky Matio voho nagnaraky azy. ¹⁰ Lafa Jesosy nifitaky sady nihinan-kany tao antragnon'i Matio, ka nisy mpanota voho mpangoro hetra maro niavy tao koa sady niaraky nifitaky tamin'i Jesosy miaraky amin'gny mpianany. ¹¹ Vatany vo nahita an'zay gny fariseo, nisafa tamin'gny mpianatrin'i Jesosy hoe:" fa nanao akory koa gny mpampianatry nareo ro miaraky mihina amin'gny mpangoro hetra voho gny mpanota?" ¹² Vatany vo nahakasa an'izay Jesosy, ka nisafa hoe:" tsy gny salama ro mila mpitsabo fa gny marary. ¹³ Mandehana sady mianar gny hevitry gny safa hoe:" Famindram-po ro sitrako fa tsy fagnatitry alatsa-dra" fa tsy avy hikaiky gny marina zaho fa gny mpanota. ¹⁴ Nandeha tagny amin'i Jesosy gny mpianatrin'i Jaona ka nisafa hoe:" Magnino zahay voho gny fariseo ro mifaly hany matetiky, fa gny mpianatrinao koa tsy mba mifaly? ¹⁵ Hoy Jesosy taminy:" Moa va mahay misaona gny longon'gny mpampiakatry laha mbo ao amin'gny mpampiakatry? Fa ho avy gny andro zay hangala gny mpampiakatry hiala aminy, ka amin'zay vo hifaly hany rozy. ¹⁶ tsy misy olo magnampy siky momoky amin'gny siky tsy voasasa, fa ndra gny vaovao zay natany aza handrovitry gny akanjo ka voamaiky hiitatry gny tataky. ¹⁷ Voho tsy misy koa gny manisy divay vaovao atao agnaty siny angozy fa mamoaky , fa laha zay, ho driatry gny siny angozy ka ho tompa gny divay sady ho simba gny siny angozy. Fa gny siny vaovao ro aian'olo divay vaovao, amn'zay miaraky soa-jary reo roa. ¹⁸ Laha mbo nisafa tamindreo I ka io misy mpanapaky raiky nandohaliky teo alohany sady nisafa hoe:" Maty vo betibety io gny anako ampela, fa andao lehy mba mametraha tagna aminy mba ho velo I. ¹⁹ Niongaky sady nagnaraky azy Jesosy voho gny mpianany. ²⁰ Nisy ampela raiky zay narary nandeha lio nandritry roambiny folo tao, nagnaraky baka afaran'i Jesosy tao sady nikasiky gny lamban'i Jesosy I. ²¹ Fa hoy gny agnatiny fony hoe:" Ndre gny akanjony avao aza ro voakasiko fa hajanga ahy. ²² Nitoliky Jesosy sady nahia azy ka nivola hoe:" Matokia gny ganako ampela fa gny finoanao ro mahajanga anao. ka janga niaraky tamin'zay rampela. ²³ Lafa Jesosy nilitry tao antragnony mpanapaky ka nahita gny mpitsoky sody voho gny fokonolo nitabataba. ²⁴ Sady nivola hoe:" Miala ato nareo, fa tsy gnanaky ampela io a matory. Neezan'olo I. ²⁵ Lafa niala tao iaby gn'olo ka nilitry amin'zay Jesosy sady nandramby gny tagnan'ampela, ka nifoha I. ²⁶ Gny lazan'zay moa laha niparitaky mbaming'gny tany iaby magnodidy. ²⁷ Lafa Jesosy niala teo, nisy Jiky roa lahy nagnaraky azy sady nikaiky azy hoe:" Mamindra fo aminay gny gnanaky ny Davida o. ²⁸ Lafa i ro nilitra t'antragno ka nagnariniky azy gny jamba sady hoy Jesosy tamindreo:" Mino va nareo fa mahay mahajanga gny masonareo zaho? Hoy reo taminy: Ee, Tompo." ²⁹ ka nokasihiny gny masondreo ka nivola hoe:" Miavia aminareo araky gny finoanareo. ³⁰ Ka nahita tamin'zay gny masondreo, Jesosoy namehitry andreo mare hoe:" Tandremo mba tsy ho hain'olo raha zao. ³¹ Kanefa vatany niala teo rozy roa lahy, nagnamparitaky gny lazany magnodidy gny tany iaby. ³² Lafa rosoreo, nisy johary moa raiky demoniaka nandesin'olo teo amin'i Jesosy. ³³ Lafa tafaboaky gny demoniany ka nahay nivola i sady tseriky gny fokonolo nivola hoe:" mbo tsy nisy ndraiky gny raha manahaky an'zao tamin'gnolon'Israely. ³⁴ Fa hoy koa gny fariseo hoe :" gny lohan'gny demonia ro nandroahan'gny demonia. ³⁵ Jesosy nandeha nitety tany voho gny vohitry. Nampianatry tagny synagoga ka nitory gny filazantsaran'gny fanjaka sy nagnajanga gny arety maro. ³⁶ Vo nahita gny fokon'olo maro I, ka ontra gny fony, nalahelo satria sahala gny nahafoy ondry tsisy mpiamby. ³⁷ Hoy I tamin'gnympianany:"Maro gny vokatry fa gny mpiasa ro kelikely. ³⁸ Ka mangataky amin'gny tompon'gny vokatry mba hampandehaniny mpiasa hamory gny vokatry.