¹ Lafa I nizotro bakegny an-tendrom-bohitry ka nisy fokonolo maro nagnaraky azy. ² Ka io nisy olo boka raiky nagnariniky azy, nandohaliky teo alohany sady nisafa hoe: Tompo, laha mety iha mba afaky magnalio ahy. ³ Namoaky gny tagnany i Jesosy ka nikasiky azy sady nsafa aminy hoe:" Mety zaho, malio iha. ka nalio tamin'gny habokany niaraky tamin'zay I. ⁴ Ka hoy Jesosy taminy:" Tandremo tsy hisafa ndra amin'ia ndre amin'ia, fa mandehana iha, misehoa amin'gny mpisoro sady magnandesa gny fagnatitryt zay nandrindran'i Mosesy ho vavolombelo amin'ireo. ⁵ Vatany vo niavy tao Kapernaomy i Jesosy, nisy kapiteny raiky nagnariniky azy ⁶ nitaray taminy hoe:" Tompo, gny mpanompolahiko mandry an-tragno ao, malemy sady mijaly mare. ⁷ Hoy Jesosy taminy:" Ho avy agny zaho hagnajanga azy." ⁸ Hoy koa navalin'gny kapiteny azy:" Tompo tsy mendriky hiliranao an-tragnokoao , fa misafagna avao fa ho janga gny mpanompolahiko. ⁹ Fa zaho koa mba johary mana gny sefoko avao sady mana miaramila, ka laha hoy zaho amin'gny raiky:" Mandehana, laha mandeha I. laha amin'gny raiky koa:"Avia laha avy I; voho amin'gny mpanompolahiko:" ataovo ty:"laha manao I zay. ¹⁰ Vatany nahakasa an'zay Jesosy laha nitseriky sady nisafa hoe:" kasagniko aminareo marina tokoa fa mbo tsy nahita finoa bevata manahaky an'zao teo amin'Israely zaho. ¹¹ Sady volagniko aminareo, fa maro gny hoavy bakagny antignana voho bakagny andrefa ro ho avy hifitaky hiaraky ihina amin'i Abrahama voho Isaka agny amin'gny fanjakany lagnitry. ¹² Fa agny anakin'gny fanjaka koa haria agny amin'gny maiky agny, agny ro hisy gny fitomagnia voho gny fikitroha-nify. ¹³ Sady Jesosy nisafa tamin'gny kapiteny hoe: Mandehana, miavia aminao araky gny ninoanao. Tamin'zay ro nahajanga gny mpanompony. ¹⁴ Lafa Jesosy nilitry tao an-tragnon'i Petera, nahita gny rafozambavin'i Petera natory tao, vaon'gny tazo. ¹⁵ Nokasihiny gny tagnany marary ka niala tamin'gny tazo, ka niongaky gny ampela voho nanompo azy . ¹⁶ Laha sofotry gn'andro, nandesin'olo tagny amn'gny demoniaka maro, ka gny safany avao ro nandroahany gny fagnahy raty, ka gny narary iaby nojangainy iaby. ¹⁷ Mba hahatanteraky gny raha nampisafagny an'Isaia mpaminany hoe:" I ro nangalaky gny rofin-tsika voho nandaygny aretin-tsika. ¹⁸ Lafa Jesosy, vatany vo nahita gny fokon'olo maro nagnodidy azy, ka nagnome baiko gny handehana ho egny ampita gny omy. ¹⁹ Nagnariniky azy gny mpanora-dala raiky ka nivola hoe:" Mpampianatry o, hagnaraky anao zaho, na aia na aia ro handehananao. ²⁰ Kanefa hoy Jesosy :" gny amboaly manan-davaky , gny voro mility mana kizony, fa gny gnanak'olo tsy mana hipetrahan'gny lohany. ²¹ Sady nisy hafa koa tamin'ireo mpianatry nisafa taminy hoe:" Tompo, engao tse aloha zaho handeha handefa gny Babako." ²² Fa hoy Jesosy taminy hoe:" Magnaraha ahy: sady engao gny maty handevy gny maty ao aminy. ²³ Lafa niondra an-daka nagnaraky azy gny mpianany. ²⁴ Ka nisy tsioky mare tegny an-drano ka dobo gny laka kanefa I natory. ²⁵ Nofohazin'ireo mpianany I ka nivola hoe:" Tompo o, vonjeo fa maty zahay! ²⁶ Ka hoy I tamindreo: "ino moa ro mampavozo anareo ry kely finoa? Ka niongaky I sady nivolagniny mare gny tsioky voho gny riaky ka lasa soa gny andro. ²⁷ Hatsrera gn'olo ka nivola hoe: Johary manao akorty lehy toy, fa ndre gny tsioky voho gny riaky aza magnaraky gny safany. ²⁸ Lafa reo niavy tegny ampita amin'gny tanin'gny Gadarenesa, nifanojo taminy gny Demoniaks roa lahy, baka an-dolo sady masiaky ka tsy nisy olo nasaky nandalo tamin'gny lala io. ²⁹ Mitoretoreo sady manao hoe:" Mpifagnino moa zahay voho iha, ry gnanakin-Dragnahary ? Avy ety iha hampijaly anay alohan'gny fotoa? ³⁰ Ka nisy koso maro, gny sasany nihina tegny alavidavitry andreo tegny. ³¹ Nifona tamin'i Jesosy reo demonia ka nivola hoe:" laha aboakinao zahay , ka alefaso magnagny amin'gny koso reo. ³² Ka hoy I taminy:" Mandhana! lasa reo ka nifindra tamin'gny koso regny, ka lasa vnivezivezy koso regny laha niavy andriaky egny rozy iaby ka maty tagnatin'gny rano tagny. ³³ Ka nilay gny mpiamby koso voho nengany an-tana ka nikasa gny raha iaby tamin'ireo demoniaky. ³⁴ Reo iaby gn'olo teo antana nitsena an'i Jesosy, kanefa vatany nahajilo azy reo, laha nifona tamin'i Jesosy mba hialany amin'gny faratiany.