¹ Lafa baka nampianatry reo mpianatriny roa ambiny folo Jesosy, ka nandeha I hampinatry sy hitory agny amy gny tanan-dreo. ² Sady lafa regny Jaona tan-gaja gny momba reo asan'i Kristy, ka nandefa hafatry tamy gny alala reo mpianany I ³ ka nivola Azy hoe: "Anao va raiky zay ho avy, sa tokony hila hafa zahay?" ⁴ Jesosy namaly sady nivola azy reo hoe: "Mandehana sady volano amin'i Jaona zay hitanareo sy renareo." ⁵ Mahazo fahita reo jamba, mandeha reo olo malemy, liovy reo boka, mandre ndraiky reo olo mareny, antsaga ho velo reo olo maty, sady anambara reo vaovao mahafaly ny mahantra. ⁶ Sambatry zay tsy misitry noho amiko." ⁷ Laha nandeha tamy lala tegny johary reo, ka nanomboky nivola ny momba an'i Jaona tamy reo vahoaky Jesosy hoe: "Hijery ino ro niboahanareo baka an'efitry volotara tsofin'gny tsioky? ⁸ Fe hijery ino ro niboahanareo johary manao fisiky lafo vily? Henteo, reo zay manao fisiky lafo vily ro mipetraky an-trano ndreo mpanjaka. ⁹ Ka nijery ino ro niboahanareo mpaminany? Eka, mivola aminareo Aho, sady mihoatry lavitry noho gny mpaminany. ¹⁰ I gnazy voasoratry hoe: 'Henteo, maniraky gny irako hialoha gny sorakinareo Aho, zay hanoma gny lalanareo mialoha anareo' ¹¹ Volaniko marina aminareo, fa amy nareo zay nateraky ampela, tsisy bevata noho Jaona mpanao Batisa. Gnefa gny olo tsy manan-danja mare aminareo amy gny fanjaka gny lanitry ro bevata noho I. ¹² Gnanomboky tamy gny andron'i Jaona mpanao Batisa ka hatram'izao, miaritry amy gny heriliha gny fanjaka gny lanitry, sady reo olo mahery loha ro mangala azy an-keriny. ¹³ Fa reo mpaminany iaby sy gny lily ro fa naminany hatramin'i Jaona; ¹⁴ sady laha to nareo gny hanenky izay, I ro Elia gnazy ho avy. ¹⁵ Zay manan-tsofy handesy mijandry, aoka I hijandry. ¹⁶ Amy ino ro tokony hampitahako ity? Izay manahaky gny zaza mihisa a bazary egny,zay mipetraky sy mifampiakaiky ¹⁷ ka mivola hoe: 'Nitsoky sodina ho anareo zahay,fa tsy nisindraky nareo. Gnanao hira fisaona zahay, fa tsy nitany nareo.' ¹⁸ Fa Jaona tsy avy hihina mofo na hino divay, ka hoy reo hoe: "Mana demonia I." ¹⁹ Gny Gnagnak'Olona ro avy ihina sy hino ka hoy reo hoe: "Jereo, johary tia hany sy mpimamo I, gnama ndreo mpamory hetra voho reo mpanota!" Fa gny fahendre ro voamariny tamy reo asany." ²⁰ Bakeo Jesosy nanomboky nivola mare ireo tana zay nanaovany gny asany mahatseriky, satria tsy nibebaky reo. ²¹ " Loza ho anareo, Korazina! Loza ho anareo, ry Betsaida! Laha natao tany Tyra voho Sidona reo asa mahagaga zay natao teto aminareo, fa ela no nibebaky tamy gny siky fisaona sy lavenoky reo. ²² Nefa ho moramora noho agny gny Tyra voho Sidona amy gny andro gny fitsara mihoatry noho gny gnanareo. ²³ Gnareo, ry Kapernaomy, mihevitry va nareo fa hasondrotry an-danitry agny? Tsia, ho andesy hijotso agny amy gny helo gnareo. Satria laha tany Sodoma ro natao reo asa mahagaga zay natao teto aminareo, ka mbo ho tavela zay madraky henany. ²⁴ Nefa mivola aminareo Aho fa ho mora mare ho agny tanin'i Sodoma gny andro gny fitsara noho gny ho aminareo." ²⁵ Tamy zay fotoa zay Jesosy nivola hoe: "Mandregy Anao Aho, Baba, Tompo gny lanitry voho gny tany, satria Anao ro namony reo raha reo tamy gny hendry voho gny mahay, sady nanambara agny reo tamy reo zay tsy mahay, manahaky reo zaza kely. ²⁶ Eka, Baba, satria zay ro nahavariaky ta masonao. ²⁷ Gny raha iaby nankiny tamiko ro avy amy gny Babako; sady tsy misy mahay gny Agnaky afa-tsy gny Baba sady tsy misy mahay gny Baba afa-tsy gny Agnanky, sy zay filia gny Agnaky hanambara Azy. ²⁸ Mandehana amiko aty, nareo iaby miasa sy manday mavesatry, omeko fitsahara nareo. ²⁹ Andeso gny ziogako sady mianara amiko, fa malemy fanahy sy manetry tena am-po Aho, sady hahita fitsahara ho agny reo fanahinareo nareo. ³⁰ Fa mora gny ziogako sady maiva gny entako."