¹ Nikaiky gny mpianany roa ambin'folo lahy Jesosy ka nagnome andreo gny fahefa handroaky fagnahy maloto voho hagnajanga gny arety iaby. ² Ndreto iaby gny agnaran'gny Apostoly roa amby folo lahy. Gny volaohany, i Simona, zay atao hoe: Petera, i Andrea ralahiny, i Jakoba gnanakin'i Zebedio, i Jaona rahalahiny, ³ i Filipo voho i Bartolomeo, i Tomasy voho i Matio mpamory hetra, i Jakoba gnanaky i Alfeo, ⁴ Tadeo, i Simona kananena voho i Jodasy iskariota, gny raiky mamadiky azy. ⁵ Nirahin'i Jesosy reo voho nahafarany hoe: ka mandalo amin'gny lalan'gny Jentilisa sady ka militry amin'gny tanin'gny samaritana. ⁶ Fa aleo mandeha magnagny amin'gny ondry tsobo amin'gny taranakin'i Israely. ⁷ Lafa mandea nareo, mitoria hoe: fa marikitry gny fanjakan'gy lagnitry. ⁸ Jangao gny marary, velomo gny maty, diovo gny boka, roaho gny demonia, fa mahazo tsy misy takalony nareo ka magnomeza tsy misy takalony koa. ⁹ Ka mila volamena n, volafoty na varana, ho ao agnatin'ny fehikibonareo ¹⁰ na kitapon-batsy ho agny amin'zay handehananareo, ndra akanjo roa ndra kapa na tehy, fa gny mpiasa tokony hahazo zay ilainy. ¹¹ Amin'zay tany na vohitry hiliranareo, ataovo hay gny olo tokony hipetraha ao mandram-pialanareo. ¹² Lafa nareo antragno, manao nahoa amin'gnolo ao , ¹³ ka laha olo soa gny olo ao antragno, mba ho ao amin'gny fiadagna tononinaeo, fa laha tsy olo soa koa i, mba himpoly aminareo gny fiadagna voatognonareo. ¹⁴ Hoan'zay tsy mampilitry anareo tsy mijanjy gny safanareo, miala amin'zay tragno na tana ze ahitanao gny vovoky amin'gny tombokinareo. ¹⁵ Safagniko marina aminareo tokoa fa ho moramoara gny ho amin'gny tany sodoma voho gomora amin'gny andro fitsara noho gny ho amin'zay tana zay. ¹⁶ Magniraky anareo zaho manahaky gny ondry eo agnivon'amboa ly, ka maihira manahaky gny bibilava voho gny voromailala. ¹⁷ Sady mitandrema nareo gny amin'gnolo, fa ho hatorony ho amin'gny sinedriona voho havangoiny ao amin'gny synagoga nareo. ¹⁸ Handesiny ho eo agnatrehany mpanapaky voho nareo noho gny baka amiko, ho vavolombelo aminy voho amin'gny jentilisa. ¹⁹ Lafa magnatoro anareo I, ka mazovo gny amin'zay fomba hisafagnanareo, ndra gny amin'zay raha hovolagninareo. ²⁰ Fa tsy nareo ro misafa fa gny babanareo ro misafa ao agnatinareo. ²¹ Gny rahalahy hanolotry gny rahalahiny ho maty, voho gny baba hanolotry gnanakiny ka gny gnanaky ro hiongaky hanohitry gny Ray amana-dreniny ka hahafaty azy. ²² Tsy ho tian'olo iaby nareo noho gny agnarandreo, fa zay mahaligny zisiky amin'gny farany ro hovonjea. ²³ Laha nareo ro enjehin'olo amin'gny tana raiky, mandosira ho amin'gny tana hafa, fa volagniko aminareo marina tokoa, tsy hadomo gny tanin'Israely mandram-piavianignolo. ²⁴ Gny mpianatry tsy tokony hihoatry noho gny mpampianatry na gny mpanompo noho gny tompony. ²⁵ Fa ampy gny mpianatry laha mahavy mpanompo laha mahavy manahaky gny mpanompony. Laha gny tompon-tragno ro nivolagny hoe Belzeboba, tsy vomaiky va gny longony? ²⁶ ka amin'zay ka mavozo azy nareo ka tsy misy havony zay tsy hiseho, na takognany zay tsy ho hay. ²⁷ Zay safagniko aminareo ao amin'gny mahiky, ambarao eo amin'gny mazava voho zay ren'gny sofinareo, torio egny anampon-tragno. ²⁸ Ka mavozo amin'gny raha mamono gny vata kanefa tsy mahafaty gny fagnahy, fa aleo mavozo zay mahay mahavery gny fagnahy voho gny vata agny amin'gny afobe. ²⁹ Tsy asariona raiky avao va gny vangan'gny tsintsy roa? nefa tsy misy ndra raiky amin'iregny aza ho latraky amin'gny tany, laha tsy babanareo manenga azy. ³⁰ Fa ndra gny volondoha nareo aza voasiaky iaby. ³¹ Ka mavozo fa mihoatry gny tsintsina maro nareo ³² Na ia na ia gny olo hanaiky ahy eo agnatrehan'olo fa ho hekeko koa I eo agnatrehan'gny babako zay agny an-dagnitry. ³³ Fa ia na ia handa ahy eo agnatrehan'olo fa hovolagniko koa I eo agnatrehan'gny babako zay agny an-dagnitry. ³⁴ Ka ataonareo hoavy handay fiadagna ety an-tany zaho, tsy avy handay fiadagna zaho fa fibara. ³⁵ Fa niavy zaho hampifandrafy olo amin'gny babany, agny anak'ampelany amin'gy neniny voho gny vinantovaviny amin'gny rafozam-baviny. ³⁶ Sady gny longony avao ro ho fahavalony ³⁷ Zay tia gny babany na Reniny mihoatry gny fitiavany ahy, tsy mpianatriko mihintsy koa gnzay tia gnanaky lahy na gny anak'ampela mihoatry noho fitiavany, tsy ho mpianatriko mihintsy. ³⁸ Zay tsy manday gny hazo fijaliany ka tsy magnaraky ahy tsy ho mpianatriko mihintsy. ³⁹ Zay mamonjy gnainy amiko ro hahavonjy azy. ⁴⁰ Zay nandramby anareo ro mandramby ahy, voho zay mandramby ahy koa ro mandramby an'izay nagnirako ahy. ⁴¹ Izay mandramby mpaminany, satria mpaminanay I, ro handramby gny valim-pitian'gny mpaminany voho mandramby olo marina, satria olo marina I, ka handramby gny valim-pitian'olo marina. ⁴² Ia na ia ro magnome rano manintsy ndra hatriky gny kaoky aza hanomin'gny raiky amin'ireo mandiniky ireo satria mpianatry I, volagniko aminareo marina tokoa fa tsy ho tsobo gny valim-pitiany.