¹ Mahakasiky gny asa fagnompoa ho agny gny mpino, tsy tena ilako gny manoratry ho anareo. ² Haiko gny momba gny fagnirianareo, zay ireharehako amy gny olon'i Makedonia. Novolagniko andreo fa Akaia ro fa vonona manomboky tamy gny tao lasa. Gny zotom-po nareo ro nanosiky gny ankamaroa gn'ireo hiasa. ³ Sady nirahiko gny rahalahy mba tsy ho raha fahatany avao gny fireharehantsika momba anareo sady mba ho vonona nareo araky gny fa nosafagniko taminareo. ⁴ Laha tsy zay, laha misy Makedoniana maro miaraky amiko sady mahita anareo mbo tsy vonona, ho megnatry ntsika__tsy mivola ndra ino ndra ino gny momba nareo aho noho gny fahatokisa anareo. ⁵ Ka mieritreritry zaho fa ilay gny mamporisiky agn'ireo rahalahy handehaagy aminao sady hanao fifanaraha aloha sandrany gnt amy gny fanomeza zay fa nampanantenainao. Izay ro afaha mivonona manahaky gny fitahia, fa tsy manahaky gny raha tsy azo ekea. ⁶ Gny tena izy: Gny raiky zay manely kely ro hijinja kely avao koa, fa gny raiky manely amy gny tanjom-pitahia ro hijinja fitahia avao koa. ⁷ Engao gny tsiraikiraiky hanome araky zay fa norafetiny tao am-pony. Ka enga manome fahoria na faneriterea I. Fa gny mpanome am-pifalia ro tian'Adriagnanahary. ⁸ Sady Andriagnanahary ro afaky mampitombo gny fitahia ho anao, amy gny raha iaby iaby, afaky hahazo zay raha ilainareo iaby iaby isan'andro nareo. Zay gny raha misy mba afahanareo manatombo gny asa soa nareo. ⁹ Zay ro araky gny voasoratry hoe: "Nozarainy reo hanana sady nanome azy reny ho agny gny mahantra. Mahiratry mandrakizay gny fahamarinany." ¹⁰ I gnazy manome voa ho agny gny mpamboly zay manely voho gny mofo ho agny hany ro hamatsy voho hampitombo ny voagnao amy famafazana. Hampitombo gny vokatry gny fahamarina I. ¹¹ Hahazo harena amy gny fomba maro iha mba hahavy anao ho malalaky tagna. Zay ro handay fagnatoroa fisaora an'Andriagnanahary amy gny alalanay. ¹² Gny fahatanteraha io asa fagnompoa io tsy vita gny hoe mahahatriky gny rha ilay gny mpino avao. Mitombo avao koa zay amy gny asa fagnomeza fisaora an'Andriagnanahary maro. ¹³ Fa noho gny fitrapa anareo voaporofo amy nio asa io, ro hagnomezanareo voninahitry an'Andriagnanahary amy gny fanekea gny fihabohanareo amy gny safa soan'i Kristy. Ka hanome voninahitry an'Andriagnanahary koa nareo amy gny fahalalan-tagnanareo amy gny fagnomeza ho andreo voho gny olo iaby. ¹⁴ Magniry anao rozy reo, sady mivavaky ho anao koa reo. Ataon-dreo zay noho gny habevata gny fahasoavan'Andriagnanahary ao aminao. ¹⁵ Ho an'Andriagnanahary anie gny saotry noho gny fagnomeza tsy hay volagny!