¹ Fanintelony zao ro nandalovako aminareo aty. "Gny fiampanga iaby ro tsy maintsy miory amy gny porofo amy gny vavolombelo roa gna telo." ² Fa nivola tamy reo zay nanota ao taloha sy tamy reo ambiny iaby lafa teo fanindroany, sady volaniko ndraiky izay: "Lafa avy ndraiky aho, ka tsy hiantra azy reo aho." ³ Mivola anareo anizay aho satria nareo ro mila porofo fa i Kristy ro mivola amy gny alalako. Tsy momoky amy nareo I. Fa koa, mahery ao amy nareo I. ⁴ Fa I nahanto amy gny fahalemea, nefa velo tamy gny herin'Andriagnanahary. Fa ntsika koa ro momoky ao aminy, kanefa ntsika ro miaraky miay amy gny herin'Andriagnanahary anivonareo. ⁵ Diniho gny vatanareo laha tianareo ho hita fa ao amy gny finoa gnareo. Tsapao gny vatanareo. Tsy mbo azonareo an-tsay va izay momba gny amy gny vatanareo fa i Jesosy Kristy ro ao amy nareo? Laha manahaky anareo ka tsy naharesy tamy gny fitsapa. ⁶ Sady zaho matoky fa nareo ro hanenky fa ntsika naharesy amy zay fitsapa zay. ⁷ Henaniky zao ntsika ro mivavaky amin'Andriagnanahary fa tsy afaky gny anao raha raty gnareo. Zaho tsy mivavaky gny afaky ahita fa ntsika ro nandresy amy gny fitsapa. Fa koa, zaho ro mivavaky gny mba ahafahanareo manao zay mety kanefa ntsika ro mety ho hita manahaky gny tsy nandresy tamy gny fitsapa. ⁸ Fa ntsika ro tsy afaky gny hanao raha manohitry amy gny fahamarina, fa ho agny gny fahamarina raiky avao. ⁹ Fa ntsika ro misinisiny lafa momoky sady mare aminareo. Fa ntsika avao koa ro mivavaky mba ho ataontsika feno gnareo. ¹⁰ Manoratry reto raha reto aho laha manalavitry aminareo aho ka tsy voatery manday anareo an-keloky amy gny fampiasa gny fahefako, zay nome gny Tompo ahy, mba ananganako anareo, sady tsy hanimba anareo. ¹¹ Farany, ry rahalahy, misinisinia! Miasà ho amy gny famerena amy gny lohany, mahereza, mifanekea gny tsiraikiraiky, miaina am-piadana, sady gny Andriagnanahary gny fitiava sy gny fiadana ro hiaraky aminareo. ¹² Mifampiarahaba gnareo amy gny fanoroha Masy. ¹³ Reo mpino iaby ro manao veloma anareo. [Fanamariha: Reo dikan-tsafa sasany ro manambatry gny andininy faha 13 amy gny andininy faha 12 sady manao gny andininy faha 14 ho andininy faha 13.] ¹⁴ Enga anie gny fahasoava gny Tompo Jesosy Kristy, gny fitiavan'Andriagnanahary, sy gny fiaraha amy gny Fanahy Masina ho ao aminareo iaby.