¹ Magniry aho mba ahafahanareo manenga ahy hanao hadala kelikely sasany. Fa tena manenga ahy tokoa nareo! ² Fa saro-piaro gny momba anareo aho. Mana fahasarotam-piaro araky an'Adriagnanahary aminareo aho, hatramy gny nanomezako toky anareo tao amy gny fanambalia ho agny valy raiky avao. Gnanome toky aho ny hanolotry anareo manahaky ny virjiny malio ho agn'i Kristy. ³ Fa matahotry aho tsony, manahaky gny namitaha gny menara agn'i Eva tamy gny alala gny hafetseny, gny fandinihanaro mety hiala amy gny fanoloram-bata amy hitim-po sy malio amin'i Kristy. ⁴ Fa eritrerto hoe misy olo raiky avy hitory Jesosy hafa noho raiky torianay. Na eritrereto hoe mandramby Fanahy hafa noho zay rambesinareo nareo. Na eritrereto hoe mandramby safasoa hafa noho raiky zay norambesinareo nareo. Manenga any raha reny avao nareo! ⁵ Satria mieritreritry aho fa tsy farany ambany noho reo volany hoe apostoly anabo. ⁶ Fa na tsy nizary nandahatry safa aza aho, nizara tamy gny fahalala. Tamy gny fomba iaby sy tamy reo raha iaby ro nataonay ho hainareo izay. ⁷ Ka zaho va gnanota tamy gny fanetre-tenako mba hisondrota nareo? Fa nitory gny safa soan'Andriagnanahary maimaimpoana ho anareo aho. ⁸ Gnandrava reo fiangona hafa aho tamy gny alala gny fanekea fanohana baka amy ndreo mba ahafahako manompo anareo. ⁹ Lafa niaraky tamy nareo aho sy gnila fanampia, tsy gnanavesatry na ia na ia. Fa reo raha nilaiko ro nomeny reo mpirahalahy zay avy bak'agny Makedonia. Tamy gny raha iaby ro nitaoa gny safako tsy ho enta mavesatry aminareo aho, sady hanohy hanao izay. ¹⁰ Laha amiko ato gny fahamarinan'i Kristy, tsy hieny zay fireharehako zay any amy gny faritr'i Akaia. ¹¹ Magnino? Satria tsy tiako va gnareo? Andriagnanahary mahalala. ¹² Sady gny raha ataoko ro mbo ho ataoko avao, mba hahafahako mangala gny fitaraina noho gny fagnakiana ahy sy gny fitaraina noho reo zay tian-dreo hieboeboa ,fa tsy reo ro hita manao asa mitovy amy zay ataonay. ¹³ Fa gny olo manahaky zay ro apostoly sandoky sy mpiasa mamitaky. I reo manao sarintsary gny vatagny manahaky gny apostolin'i Kristy. ¹⁴ Sady zay ro tsy mahatseriky, fa na i Satana aza manoro gny vatany manahaky gny anjely gny fahazava. ¹⁵ Tsy mahatseriky koa laha manoro gny vatagny reo manahaky gny mpanompo gny fahamarina reo mpanompony. Gny anjaran-dreo dia zay mendriky gny asa ndreo. ¹⁶ Volaniko ndraiky hoe: "Ka enga hisy hieritreritry hoe adala aho. Fa laha manao agny zay nareo, rambeso manahaky gny adala aho ka mba hieboebo kelikely. ¹⁷ Zay volaniko momba ity fahatokia mieboebo ity ro tsy araky gny nivolan'i Tompo, fa misafa manahaky gny adala aho. ¹⁸ Fa maro gny olo no mieboebo araky gny vata, hieboebo avao koa aho. ¹⁹ Gnanenky ampifalia adala reo gnareo. Ka hoe mahitry gny vatanareo! ²⁰ Fa mandefitry amy gny olo gnareo laha manandevo anareo, mandany anareo, manararaotry anareo, mandramby gny vatagny ho anabo noho nareo, na laha mamango tampify anareo I. ²¹ Ho volaniko amy gny fahafaham-barakanay fa malemy loatry zahay tamy gny fanaova agny zay. Laha misy mieboebo__dia miresaky manahaky gny adala aho__Izaho avao koa ro hihebohebo. ²² Hebreo va rozy? Zaho koa. Isiraelita va rozy? Zaho koa. Taranak'i Abrahama va rozy? Zaho koa. ²³ Mpanompon'i Kristy va rozy?(Miresaky manahaky olo very say aho.) Mihoatry noho zay aho. Mbo niasa mare nihoatry noho zay aza aho, tan-gaja matetiky, tamy gny vango mihoatry gny fepetry, tamy gny fiatreha loza maro mahafaty. ²⁴ Baka amy gny alala gny reo Jiosy no nandrabesako "vango efapolo latsaky raiky" Indimy. ²⁵ Intelo aho no nivangoy tamy gny hazo. Indraiky aho no notorahy vato. Intelo aho no vaky sambo. Nandany aliky raiky sy andro raiky tan-draiky eny aho. ²⁶ Nandeha tsy teteky aho, tamy gny loza gny ony, tamy gny loza gny reo mpandrava, tamy gny loza gny reo jentilisa, tamy gny loza tagny amy gny tanana, tamy gny loza tan'efitry tany, tamy gny loza tan-driaky eny, tamy gny loza baka amy ndreo rahalahy sandoky. ²⁷ Fa tamy gny asa sy raha sarotry aho, tamy gny aliky tsy misy firoroa, tamy gny hamosary sy hetaheta, tamy gny fifalia hany matetiky, tamy gny nintsy sy tsy fanaova siky. ²⁸ Ankoatry gny raha hafa, misy tindry isan'andro amiko noho gny fanahiako amy gny fiangona iaby. ²⁹ Ia ro malemy, ka tsy malemy aho? Ia ro mampasiaky, ka tsy mirehitry aho? ³⁰ Laha tsy maintsy mihebohebo aho, hihebohebo momba izay manoro agny reo fahalemeko. ³¹ Gnazy Andriagnanahary sy Babagn'i Tompo Jesosy, gnazy raiky zay deray mandrakizay, ro mahay fa tsy mavandy aho! ³² Ta Damaskosy, gny governora ambanin'Areta mpanjaka ro niamby gny tanan'i Damskosy mba hisambotry ahy. ³³ Fa najotso tamy gny garaba te amy gny varavara kely raiky teo amy gny rindry aho, ka nilay gny tanany.