¹ Zaho, Paoly, misoloho anareo gny vatako, amy gny fanetreha tena sy hamoram-panahin'i Kristy. Malemy fanahy aho lafa eo amy gny fanatreha nareo, nefa mahasaky gny amy nareo aho lafa tsy eo. ² Mangataky aminareo aho, lafa miaraky amy nareo aho, tsy mika mahasaky amy fahatokisan-tena. Nefa zaho mieritreritry fa mila mahasaky magnohitry reo zay mihevitry fa ntsika miay araky gny nofotry. ³ Fa na izay aza, mandeha araky gny nofotry zahay, tsy mialy araky gny nofotry. ⁴ Fa gny fialia zay ialianay, tsy araky gny nofotry. Noho zay, mana hery baka agny andanitry reo mba hamoteha gny fanahy raty. Fa tsy manday ndra ino ndra ino gny hevi-pitaky ndreo. ⁵ Ho robatintsika koa reo raha bevata zay magnanga fanohera gny fahalala an'Andriagnanahary. Fa ntsika mihevitry gny hambabo gny tsiraikiraiky amy gny fagnenkea agn'i Kristy. ⁶ Sady miomana ntsika amy gny sazy amy gny fihetriky tsy fagnekea iaby iaby, laha vatany vo tanteraky gny fagnekeanareo. ⁷ Jereo soa zay eo aloanareo. Fa na ia na ia ro resy lahatry fa I ro Kristy, ao mba hampatiaro gny vatany I fa I tokoa ro Kristy, manahaky agny zay koa ntsika. ⁸ Eka fa na mieboebo kely avao zaho momba gny fahefanay , zay nome gny Tompo anay mba hanangana sady tsy hanimba anareo, tsy ho menatry aho. ⁹ Tsy tiako gny fampihorohoro anareo amy gny taratasiko. ¹⁰ Fa gny olo sasany misafa hoe: "Matotry voho mahery gny taratasiny, kanefa malemy ara-bata I. Tsy soa hojanjigny gny safany." ¹¹ Ao mba ho hain'olo manahaky regny ahaiza fa reo safa ao amy gny taratasy tamy gny andro tsy nahateo anay ro magneho gny asa tokony hataonay lafa avy agny zahay. ¹² Tsy mandeha lavitry zahay na mampitaha gnainay amy gny reo zay mirengy gnainy. Fa laha mandrefy gnainy amy hafa I reo ka mampitaha ny gnainy amy gny hafa, ka tsy ho mahasinto. ¹³ Zahay, ndra zay aza, tsy hirehareha mihoatry gny tokony ho izy. Fa ataonay avao zay misy gny mahity araky gny gnanondroan'Andriagnanahary anay, gny mahity zay mikasiky anareo. ¹⁴ Fa tsy mitao gny gnainay zahy lafa avy gny safa aminareo. Zahay ro lasa voalohany avao aminareo niaraky tamy gny safa soan'i Kristy. ¹⁵ Tsy mirehareha mohoatra ny fefy zahay gny momba gny asany sasany, kanefa koa antenainay fa hitombo gny finoanareo amy gny asa bevata miamby gny tsiraikiraiky sady amy gny fetriny iaby. ¹⁶ Fa zao ro antenainay, mba hahafahanay mivola gny safa soa ndra amy gny tany alavitry anareo aza. Tsy hirehareha momba gny asa fa vita tagny amy gny faritry hafa ntsika. ¹⁷ "Nefa ao gny raiky zay mihebohebo, hihebohebo ao amy gny Tompo." ¹⁸ Fa tsy gnazy raiky zay magnolotry gnainy ho ankatoavy, fa koa gnazy raiky zay nome gny Tompo.