¹ Tonga reo Fariseo sy Sadoseo ary nitsapa an'Azy ka nangataka an'Azy mba hampiseho an'azy reo famantarana avy akaigny an-dagnitra. ² Fa Izy namaly ary nitare an-jareo hoe: "Rafa ariva, de ozy nareo hoe: Ho tsara ny andro, fa mena ny lagnitra." ³ Rafa ampolakeka, de ozy nareo hoe: "Ho ratsy ny andro, fa mena sy manjombona ny lagnitra." Hainareo ny mamantatra ny endriky ny lagnitra, fa nareo tsy afaka mandika reo famantarana ny fotôna. ⁴ Ny taranaka ratsy sy mpijanganjanga de mikaraka famantarana, fa tsisy famatarana hamena an'azy ankôtra ny famantaran'i Jona." Avy akeo Jesosy nandao an'azy reo ka lasa. ⁵ Rafa tonga taigny ampita reo mpianatra, de adinon-jareo ny nitondra mofo. ⁶ Ozy Jesosy tamin-jareo hoe: "Miabena ary mitandrema amin'ny masirasiran'reo Fariseo sy Sadoseo." ⁷ Niady hevitra reo mpianatra ka nilaza hoe: "No tsika tsy nitondra mofo zany." ⁸ Jesosy nafantatra izany ka nitare hoe: "Anareo ry kely finona, nagnino nareo no miady hevitra ka mitare fa nony tsy nitondranareo mofo izany? ⁹ Mbola tsy fantatrareo na tadidinareo ma ny mofo dimy ho an'ny dimy arivo là, ary sobika firy no nangoninareo? ¹⁰ Na reo mofo fito ho an'reo efatr'arivo, ary sobika firy no nalainareo? ¹¹ Nagnino no tsy azaôgnareo fa tsy momban'ny mofo no nolazaiko anareo? Miambena ary mitandrema amin'ny masirasiran'reo Fariseo sy Sadoseo. ¹² Avy akeo azon-jareo fa tsy hitandrina amin'ny masirasiran'ny mofo no nolazainy an'azy reo, fa hitandrina ny amin'ny fampegnaran'ireo Fariseo sy Sadoseo. ¹³ Ary rafa tonga takaigny amin'ny faritra akaikin'ny Kaisaria-filipo Jesosy, de nagnontagny reo mpianagny Izy, magnano hoe: "Atôn'ny ôla ho iza ma ny Zanak'Ôla? ¹⁴ Ozy izy reo hoe: "Ny sasagny milaza fa Jaona mpagnano batisa; ny sasagny nagnano hoe: Elia mpaminagny; ary reo hafa nagnano hoe: Jeremia, na raika amin'reo mpaminagny." ¹⁵ Ozy Izy tamin-jareo hoe: "Fa nareo kosa magnano an'Anà ho iza?" ¹⁶ Namaly Simona Petera nagnano hoe: "Enao no Kristy, Zanak'ilay Andriamanitra velogna". ¹⁷ Namaly Jesosy ka nagnano taminy hoe: "Sambatra enao ry Simona Bar-jaona, fa tsy ny nofo sy rà no naneho izany taminao, fa ny Raiko ze akaigny an-dagnitra. ¹⁸ Lazaiko aminao iany kô fa enao no Petera, ary ambonin-ty vatolampy ty no hagnorenako ny fengonako. Ny vavahadin'ny fasagna de tsy haharesy izany. ¹⁹ Hameko anao ny lakilen'ny fanjakan'ny lagnitra. Na ino na ino fehezinao aketo ambonin'ny tany de ho fehezina akaigny an-dagnitra, ary na ino na ino vahanao aty an-tany de ho vahana akaigny an-dagnitra." ²⁰ Avy akeo Jesosy nandidy reo mpianatra fa izy reo de tsy tokony hilaza na amin'izy na iza fa Izy no Kristy. ²¹ Tamin-zany fotôgna zany Jesosy nagnomboka nitare reo mpianagny fa tsy maintsy ho agny Jerosalema, hizaka fijalegna betsaka akeo an-tagnany loholona sy ny lohan'ny mpisorogna ary reo mpanora-dalàna, ho vonoina, sy hatsangana ndre amin'ny andro fatelo. ²² Avy akeo Petera naka an'Azy ka nitare mafy an'Azy, magnano hoe: "Ho lavitra anao ane zany, ry Tompo; tsy hitranga aminao mintsy ane zany." ²³ Fa Jesosy nitodika ka nitare tamin'ny Petera hoe: "Mialà agny an-damosiko ry Satana! Enao de fagnafitohinana ho Anà, no enao tsy miraharaha reo ran'Andriamanitra, fa reo ran'ny ôla." ²⁴ Avy akeo Jesosy nitare tamin-reo mpianagny hoe: "Raha misy te-hanaraka an'Anà, de tsy maintsy mandà ny tegnany izy, hitondra ny hazofijaliany, ary manaraka an'Anà. ²⁵ Fa na iza na iza te-hamonjy ny aigny de hahavery an'azy, ary na iza na iza no hahavery ny aigny nony aminà, de hahazo izany. ²⁶ Fa in ma no soa ho azon'ny ôla raha mahazo izao tontolo zao kanefa very ny aigny? Ino no omen'ny ôla ho takalon'ny aigny? ²⁷ Fa ny Zanak'Ôla de ho avy amin'ny voninahitra ny Rainy miaraka amin-reo anjeliny. Avy akeo Izy hamaly soa ny ôla tsiraikaraika araka ze vitany. ²⁸ Lazaiko marina aminareo, fa misy sasagny aminareo ze mijoro aketo no tsy hitsapa ny fafatesagna mandrapahitan'izy reo ny Zanak'Ôla tonga amin'ny fanjakany."