¹ Tamin'ny taona faha dimy ambefolo nanjakan'i Tiberie Kaisara - tamin'i Pontio Pilato no governoran'i Jodia, Heroda de mpanapaka tao Galilia, Filipo ralahiny de mpanapaka tao amin'ny faritra Itoria sy Trakonitisy, ary Lysania de mpanapak'i Abilena, ² nadritry ny fisorognam-ben'i Aniasy sy Kaiafa - de tonga tamin'i Jaona zanaka lahin'i Zakaria taigny an'gnefitra ny tenin'Andriamanitra. ³ Nande taigny am'reo faritra daôly magnodidigna an'i Jordana izy, nitory ny batisan'ny fibebahana ho famelana reo heloka. ⁴ Araka ny vôsoratra akao amin'ny bokin'ny tenin'i Isaia mpaminagny hoe: "Nisy feo raika nagnantso mafy avy taigny an'gnefitra hoe: 'Ataovo vognona ny lalan'ny Tompo, ataovo mahitsy ny lalana andeanany. ⁵ Ny lôsaha daôly hototofana, ary ny tanety sy ny havôna ahetry, ary ny lalana miolaka de amboarina mahitsy, ary ny tôrana mikitôntôgna de ho atao lalana, ⁶ ary ny nofo daôly de hatazagna ny famonjen'Andriamanitra.'" ⁷ Ka nitare tam'reo vahôka ze tonga hatao batisa i Jaona hoe: "Anareo ry taranaky ny menaragna! Iza ma no nampitandrina an'nareo mbô handositra ny fahasosena ze ho avy? ⁸ Noho zany, mamokara voa mendrika ny fibebahana, ary aza mitare akao agnatinareo hoe: 'Zahay managna an'i Abrahama ho rainay,' fa mitare an'nareo za fa Andriamanitra de afaka manangana zanaka ho an'i Abrahama avy am'reto vato reto. ⁹ Am'zao fotôna zao aza ny famaky de mitsatoka akeo ampototry ny kakazo. Ka ny kakazo daôly ze tsy mamô vô tsara de baragnina ary hatsipy aigny agnaty afo." ¹⁰ Ary reo vahôka de nagnontany an'azy hatraigny, ka nitare hoe: "Ino ary no ataonay?" ¹¹ Namaly izy ka nitare tamin-jareo hoe: "Raha misy ôla managna akanjo lava rôy, tokony mizara an'zany amin'ôla raika ze tsy managna izy, ary ze managna ahanina kô de tokony hagnano ôtran'zany." ¹² Reo mpamory hetra kô de tonga mbô hatao batisa, ary nitare tamin'azy hoe: "Mpampianatra ô, ino no tsy maintsy ataonay?" ¹³ Izy nitare tamin-jareo hoe: "Aza magnangona vola mihôtra noho ze nasaina halainareo." ¹⁴ Miaramila betsaka kô nagnontany an'azy, nitare hoe: "Manakôry ma ny momba an'nay? Ino no tsy maintsy ataonay?" Izy nitare tamin-jareo hoe: "Aza mialaka vola amin'ôla an-keriny, ary aza mempanga lainga ôla. Mifalia amin'ny karamanareo." ¹⁵ Ary raha nandigny fatratra ny fatongavan'i Kristy ny vahôka, de nagnontany takao am-pony ny makasika an'i Jaona ny tsiraikaraika, na mety ho izy na tsy izy no Kristy. ¹⁶ Jaona namaly tamin'ny fitaravana an'azy daôly hoe: "Raha ny aminà, de magnano batia an'nareo amin'ny rano za, fa misy ôla raika ho avy ze mahery mihôtra anà, ary tsy mendrika za na de hamaha reo tadin-kapany aza. Hagnano batisa an'nareo amin'ny Fagnahy Masina sy ny afo Izy. ¹⁷ Akeo an-tagnany ny fikororohany mbô hagnadiovana tsara ny akao am-pamolôny sy hagnangonana ny vary ho aigny amin'ny volovary. Fa ho dorôny amin'ny afo tsy mety vonina ny akofa. ¹⁸ Niaraka tamin'ny fagnanarana maro hafa iany kô, Jaona nitory vaovao tsara ho an'ny vahôka. ¹⁹ Heroda mpanapala rafa nanarina nohon'ny nanambadeny ny vadin-dralahiny Herodiasy, sy nohon'ny ra ratsy hafa daôly ze vitany, ²⁰ de ho fagnampin'zany daôly zany, de nampidiriny taigny am-ponja Jaona. ²¹ Ary, rafa vita batisa avokoa ny ôla daôly, de natao batisa kô Jesosy, ary raha mbôla nivavaka izy, de nisokatra ny lagnitra, ²² ary ny Fagnahy Masina niaka endrika ka nidigna takeo amin'Azy salan'ny voromelala, ary nisy feo avy aigny an-dagnitra nagnano hoe: "Anao no Zanako, malalako. Faly Za nohon'ny aminao." ²³ Rafa nagnomboka ny asa fanompoany Jesosy, de teo amin'ny telopolo taona teo Izy. Izy no zanaka lahin'i (araka ny feverana) Josefa, zanak'i Hely, ²⁴ zanak'i Matata, zanak'i Levy, zanak'i Melky, zanak'i Janay, zanak'i Josefa. ²⁵ Josefa de zanak'i Matitia, zanak'i Amosa, zanak'i Nahoma, zanak'i Elsy, zanak'i Nagay, zanak'i Mata, ²⁶ zanak'i Matatia, zanak'i Semey, zanak'i Joseka, zanak'i Joda. ²⁷ Joda de zanak'i Joanana, zanak'i Rase, zanak'i Zerobabela, zanak'i Sealtiela, zanak'i Nery, ²⁸ zanak'i Melky, zanak'i Ady, zanak'i Kosama, zanak'i Elmadama, zanak'i Era, ²⁹ zanak'i Josoa, zanak'i Eliezara, zanak'i Joreima, zanak'i Matata, zanak'i Levy. ³⁰ Levy de zanak'i Simeona, zanak'i Joda, zanak'i Josefa, zanak'i Jonama, zanak'i Eliakima, ³¹ zanak'i Melea, zanak'i Mena, zanak'i Matata, zanak'i Natana, zanak'i Davida, ³² zanak'i Jese, zanak'i Obeda, zanak'i Boaza, zanak'i Salmona, zanak'i Nahasona. ³³ Nahasona de zanak'i Aminadaba, zanak'i Adimina, zanak'i Arny, zanak'i Hezrona, zanak'i Fereza, zanak'i Joda, ³⁴ zanak'i Jakoba, zanak'i Isaka, zanak'i Abrahama, zanak'i Tera, zanak'i Nahora, ³⁵ zanak'i Seroga, zanak'i Reo, zanak'i Palega, zanak'i Ebera, zanak'i Sela. ³⁶ Sela de zanak'i Kenana, zanak'i Arpaksada, zanak'i Sema, zanak'i Noa, zanak'i Lameka, zanak'i Metosela, ³⁷ zanak'i Enoka, zanak'i Jareda, zanak'i Mahalalila, zanak'i Kenana, ³⁸ zanak'i Enosa, zanak'i Seta, zanak'i Adama, zanak'Andriamnitra.