¹ Tsy ôla daôly no tokony ho lasana mpampianatra, ry ralahy. Fantatrika fa fitsarana mafimafy atsika. ² Fa atsika daôly de tafitona amin'ny fomba betraka. Ra misy tsy tafitona amireo teny, de leila matotra tanteraka izy, afa mife na de ny tegnany raika manontolo aza. ³ Ary ra asentsika lamboridy akeo am-bavan'ireo sôvaly mba hankatoavanjareo antika, de afaka mitondra ny vantanjareo raimanontolo kô atsika. ⁴ Jereo kô fa reo sambo, na de geda tokô aza izy regny ary ndesin'ny rivotra mahery, de vovilin'ny familina tegna kitika aigny amin'ize daôly ten'ny mpamory ⁵ Ôtran'izany kô ny lela derantragna kitika amin'ny vatagna, kanefa izy de mihambo ra daôly. Tazagno ihany kô ny hakitikn'ny afo ze mandoro ala geda. ⁶ Ny lela ihany kô de afo, tontolon'ny fahotagna izay napetraka teo amin'ny faritrin'ny vatantsika koa izy.Izany de magnisy pentimpentina ny vatagna ray manontolo ary mandoro ny lalam-piaignana. Ampiretin'ny helo ny tegnany. ⁷ Fa ny karazam-bizava bdia daôlo, vorona, biby mandady,ary zava-boarin-dranomasina de folaka ary nofolan'ny ôlombelona. ⁸ Fa momban'ny lela, tsy misy ôla mavita mamolaka anizany. Io de ratsy tsy hay fehezina, feno poizina mafaty. ⁹ An'io derantsika ny tompo sy ny Ray, ary amin'io no hagnozognanantsika ôla, ze natao nitovy tamin'Andriamanitra. ¹⁰ Avy amizany vava zany kô no hivoan'ny fitahina sy fagnozonana. Ry ralako, tsy tokony hitranga reo ra reo. ¹¹ Mo ny lôrano ma mamôka rano mamy sy mangidy avy amin'ny fivohany? ¹² Mo ny kakazon'ny aviavy ma, ry ralahiko,mamô oliva? Na ny vôloboka, mamô aviavy? Ny rano masina kô de tsy afaka magnome rano mamy. ¹³ Iza no endry sy mafantatra, akeo ampovôny? Avelao zany ôla zany hanoro fiaignana tsara amin'ny asany amin'ny fanatrentegnan'ny fahendrena. ¹⁴ Fa ra managna fialonana mangidy anareo ary ny fagnirindaza akao amponareo, de aza miambo na mandainga hanotra ny marina. ¹⁵ Zagny de tsy fahendrena izany nidigna avy tagny agnambo. Fa kosa, avy amin'ny tany, ny tsy ara-pagnahy, ny demôniaka izany. ¹⁶ Fa agny amin'izany misy fialonana sy fagnirin-daza, de misy fifanjevona sy fanaovana ratsy, daôly. ¹⁷ Fa ny fahendrena avy aigny agnambo de madio alô, avy akeo feno fiadanana, malemy fagnahy, mihevitra ny sasagny, feno famindram-po, sy vokatra tsara,tsy malemy ary tsotra. ¹⁸ Ny vokatriny fahamarinana de vôfafy am-piadanana akeo ampovônireo izay mampiavana.