¹ Jakoba , mpanompon'Andriamanitra sy Tompo Jesosy Kristy, ho an'dreo foko roa ambefolo niparitaka: arahaba. ² Raiso ho fifaliagna daôly zany, ry rala, rafa misedra olagna sambihafa nareo. ³ Fantatrareo fa ny fitsapana ny finôna de matonga faharetana ⁴ Apetrao ny faharetana hahatanteka ny asany, mba tegna hivôtra sy ho feno tanteraka nareo, ka tsy ory ninonina. ⁵ Fa ra misy aminareo mila fahendrena, aoka izy hangataka zany amin'Andriamanitra, le raika ze magnome an-tsitrapo sy tsy mandatsa ze rehetra mangataka, ary agnome anazy izany. ⁶ Fa apetrao izy hangataka amin'ny finoana, tsy miafahafa na amin'ino na amin'ino. Fa ze afahafa de sahala ny onjan-dranomasina ze ndesign'ny rivotra sy mitopatopa. ⁷ Fa zany ôla zany de tsy tokony heritreritra handray ninonina avy amin'ny Tompo. ⁸ Ny ôla sahalan'zany de mizarazara saina, miovaova amin'ny lalana daôly. ⁹ ôka ry rala mahantra hagnano ny fisandratany ho reharehany, ¹⁰ fa n'ôlaana-karena amin'ny fietreny, satria izy de malazo tahaka ny vonikazo-dy eny amin'ny atra. ¹¹ Fa ny masoandro de mipôka amin'ny hafanana mamay ary manamaigna ny atra. Ny vonikazo de miintsagna, ary ny hatsarany ho levona. Otrany zany kô, ny ôla manan-karena de alazo eny amin'ny atsasaky ny deny. ¹² Sambatra ny ôla ze miaritra fitsapana. Satria rafa avy nandalo fitsapana izy, de handraby ny satroboninahitry ny fiaignana, ze nampagnantenainy tamin'dreo ze te an'Andriamanitra. ¹³ Rafa misy halaim-pagnahy de ôka izy tsy hiteny hoe: Andriamanitra no naka fagnahy ana," satre Andriamanitra tsy azon'ny ratsy alaim-pagnahy, satria tsy ba maka fagnahy nizaniza. ¹⁴ Fa samby alaim-pagnahy amin'ny fagniriny manokana n'ôla ny tsiraikaraika, ze mapiemotra sy mandresy anazy. ¹⁵ Rafa avy montsamontsagnina ny fagniriny, de miteraka fahotana zany. Ary rafa mitombo tanteraka ny ota, de miteraka fahafatesana. ¹⁶ Aza mety ho fitana, rala malalako. ¹⁷ Ny fagnomezana tsara daôly ny fagnomezana tonga lafatra avegnambo. Zany de midigna avy agny amin'ny Rain'ny fahazavana. Miaraka aminy de tsy misy fiovana na talinjogna nony fiodiagnana. ¹⁸ Andriamanitra de nisafidy ny hagnome ny fahaterana antsika amin'ny tenin'ny fahamarinana, mba ho karazagna vôloam-bokatr'ireo ra daôly ze noforoniny tsika. ¹⁹ Fantatrareo zany, ry rala malalako: ôka n'ôla daôly alaky hieno, tsy malaky miteny, ary tsy alaky ho tezitra. ²⁰ Fa ny fahatezeran'ôla de tsy mavita ny fahamarinan'Andriamanitra. ²¹ Koa alao ny falotona daôly sy ny faharatsena daôly. Ampanatre-tegna de raiso ny teny efa napetraka, ze afaka mamonjy ny fagnahinareo. ²² ôka ho mpankatô ny teny nareo fa tsy mpieno fôgna iany, ka mamitaka ny tegnanareo. ²³ Fa ra misy mpieno nefa tsy makatô, de sala amin'ôla ze mandinika ny tareny voajagnahary agnaty fitaratra izy. ²⁴ Mandinika ny tegnany izy ka mande avekeo ary magndino avetrany ny momba anazy. ²⁵ Fa n'ôla ze mandinika tsara ny lalànan'ny fahafahafana tonga lafatra, sy manoy magnano zany, fa tsy hoe mpieno fogna ze magnadino, de ho tahina amin'dreo asany zany ôla zany. ²⁶ Ra misy mievi-tegna ho mpivavaka, nefa tsy mifehy lelany, de mamitaka ny fony izy, ary tsy misy vidiny ny fivavahany. ²⁷ Ny fivavahana madio sy tsy misy petina akeo agnoloan'Andriamanitsika sy ny Raitsika de zao: hagnapy an'dreo kamboty sy reo mpitondra-tegna amin'ny fahoren'dreo, ary miaro ny tegna mba tsy hisy pentina avy amin'zao tontolo zao.