¹ Wu abambula moyo mu lemvuka kua ntuadisi miau minyadi mu a tumamana ye kala a kubama mu kionso kionso salu kia mbote. ² Wu a bambula moyo mu lembua vanga mambi kua wonso muntu mu tina minzanza ye mu kala mbueno ya mbote kua wonso muntu, ye kulu kiluka kua awonsono. ³ Kadi yeto mpe, tueteka kondua kuaki wuntu ye nkolami. Tuakala tua vengama ye babga ma zninunu zozo ye yese. Tua zingila mu mbivusu ye nzinunu. Tua kondua sikidisa ye belasana yeto ye yeto. ⁴ Kansi ntangu nlemvo wa Nzambi mvuluzi eto ye zola kuandi mu antu kua monika, ⁵ Yani watu vuluza, kamu diambu dia mavanga ko kansi mu lunungu lutua sola, kansi mu nkenda zandi. Watu vulusa mu nzila mbotokolo mu tua wutukia mu ngutuka ya mona ye yitua bakila moyo wampa mu mpeve ya Nlongo. ⁶ Nzambi watu dukudila mpeve ya Nlongo ya yingi mu Yisu Klisto Mvuluzi. ⁷ Wavangila wo mpasi, nungusua mu nlemve andi tua kituka mvigidi mu vuvu kiokio kia moyo wa mvu wa mvu. ⁸ Nsamu wawu wena wa kuikama musilua vvu. Nzalele vo wa vovila mu vuvu mu ma tedi mambu momo kidi vo awonsono a kuikianga mu Nzambi a kivana mu vanga mavanga mambote ma afiti vitisanga kuntu a lau. Mambu momo mena ma mboe ye ma mfunu mu diambu dia antu a wonsono. ⁹ Kansi tina ngiambila zi kondolo sali ye kinkulu ye minzona ye mpambai mu minsiku lekua yayo kayina sali evo nandu ko. ¹⁰ Tatula nseke beni ye ngeye muntu wawonso luengoso mu nkumbu ya ntete ye ya nzole, enda tukisi mpambanu va kati ku beno. ¹¹ Ye visa dio vo muntu wa mpila yayo wa bangumukina mu nzila ya sungama ye weti vola masumu ye kuki zengila nkanu. ¹² Vo ngina kunu fila Atelemasi evo Tisike, savula mu kuizi ku mbuana ku Nikopoli, ku ngieti banzola mu viokisila sivu. ¹³ Savula mu ku mfila Zenas, nkua minsiku, ye Apolosi, mpasi vo ka konduani kima ko. ¹⁴ Antu eto afiti longukanga mu vanga ma mbote mu lenda sadisa nsatu evo ndomba za nsualu za dibundu mpasi vo dibundu kadina kondua lekua ko avo kadi yumi ko. ¹⁵ A wonsono ena yame kuaku anu veni mbote. Vana mbote mpe kua antu akutu zolanga mu minu. Bika nlemvo wa kala kua yeno a wonsono.