¹ Kua yeno nusidi, mpangi zame nuyangalala kueno mu mfumu. Mfumu tiokua mukunu sonikina, mambu momo ma yateka kunu sonikina mau meno kunu keba amvinia. ² Nuluenga kua zimbua. Nukuenga kua yisalu yambi. Nuluenga mu nzengolo zambi. ³ Kadi tuena tua zengua. Iyeto tu sambilanga mu mpeve ya Nzambi. I yeto, tuku yisanisinanga mu Klisto Yisu, ye katutulanga vuvu kieto mu kinsunu ko. ⁴ Monompe ndenda sa vuvu kinsuni. Vo muntu wubanzanga vo vena muntu lenda sa vuvu mu kinsuni, mono mpiokele. ⁵ Ya zengua mu lumbu kia nana, muisi Isaeli mu kanda dia Benyamini, Ebelewo mu Ebeleo. Mu matadidi nsiku , i falisi. ⁶ Ya yonso dibungu mu ngolo. Kiadi sembuanga va ntadisi a luzalu lua nsiku ko. ⁷ Kansi mambu momo mkala ndandu kua mono, yamo mona wonso mfuilu, mu dibundu dia Klisto. ⁸ I diodio, yi monanga mamonsono momo wonso mfuilu, mu diambu dia nzayilu ya mbote ya Yisu klisto mfuilu ani. Mu yani ya yambula mamonsono. Yitalanga ma wonsono ntete, mpila yatambula Klisto. ⁹ Ye yamonika mu yani. Ka mu lunungu luani ko, lolo lutukidi munsiku. Kansi lolo lubakuluanga mu minu mu Klisto, lunungu lu tukanga kua Nzambi lu tngamananga mu minu. ¹⁰ Wau, nzolele zaya Klisto, ye lulendi lua mfulukulu ani, ye kintuadi kia mpasi zame. Nzolele fuanana ye Klisto mu mfuilu ani, kidi vo mu mpila yayina, ¹¹ mbosi ngia luaka mu mfulukulu va kati kua afua. ¹² Ka diena ko vayabeke kala lekua yoyo, kialuekieti mu tezo kia nunga ko. Kansi ngieti zaula, mu zola yo simba, kadi mono mpe ya simbua kua Yisu klisto. ¹³ Nu zimpangi, kiayindudieti, mu baka woko, kansi ngieti vanga dimosi: Mu vilakana diena kunima ye tala diena kuntuala. ¹⁴ Ngieti zola kuena lukanu, mu baka mfutu a mbokodolo yazangama ya Nzambi mu klisto yisu. ¹⁵ I dina, yeto awo tuena kula, tukala mayindu mamosi, vo vena ye diambu dieno diasuasuana, Nzambi kadio kutukienzudila. ¹⁶ I dina, mamonsono matualendele vanga, tukaleno tua kangama mu ngolo. ¹⁷ Mpangi, nukaleno mi ntanginini miami. Nutulanga mbueno eno mu awonsono a diatilanga wonso wena kifuani kieto. ¹⁸ Ayingi mu yeno adiatanga wonso ambeni za kulunsi dia Klisto. Wowo a yakezi toma kunu kambanga ye ngieti vovila mu mansonga. ¹⁹ Nsendo awu i mbungulu. Kadi ena yau Nzambi wuna, yau akulanga nkembo miawu mu momo menaa ma nsoni zau. Ayindulanga kaka ma nkintoto. ²⁰ Kadi yeto tu isi nsi a mazulu, kutueti vingila mvuluzi i mfumu eto Yisu Klisto. ²¹ Yani si kakitula nitu a nsoni zeto, mu fuanukusua mu nitu anu ya nkembo, yasolua mu ngolo za lulendo luani mpasi lekua yayo. Nsono yakala kunsi a lutumu luani.