¹ Yisu wakatuka kuna, ye wayenda kuna nsi ani. Minlongoki miani mia ku nlanda. ² Luingu va lua luaka wa longa mu kinlongo. Antu ayingi a mwa ayutukua ye avova: Kueyi kabakidi mambu momo? Nkia mpila nduenga zozo zi kavewa, ye nawe masivi mampila yoyo meti vangamana mumoko mani? ³ Keti kayiyani ko salapanti, muana wa Malia, mpangi Yakobi, ya Yose, ya Yuda ye ya ye ya Sionie? Ye busi yani kayinani yeto vava vamosi koe? Ye diakala mu yau ntesoso a sakuba. ⁴ Kansi Yisu waku akamba: Mbikudi ubeluanga kaka kuna nsi ani, va kati kua yibuti yani, ye muana nzo ani. ⁵ Kalenda sala vanga vana kani kimangu kimosi ko, vo kayi tentika moko kua ndambu a zimbevo, ye waku aniakisa. ⁶ Ye wa yitukua mu lembua kuawu kua kuikila, Yisu wazieta mu mavanga ma kinzungidila, mu longila. ⁷ Idina wabokila akumi ye zole ye watona ku afila awole awole, muku avana lendo mu zimpeve zambi. ⁸ Waku akamba mu lembua nata konso ka lekua mu nzietolo vo kayi nkawa,mu lembua kala kani dimpa, kani nkutu, kani mbongo, muna melika. ⁹ Mu vuata yi bada, ye lembua vuata nzaka miole. ¹⁰ Ye wa ku azayisa: Mu konso ka nzo mu nulenda kota, vuandeno mo nate ye muna katuka va fulu kiokio. ¹¹ Ye vo valenda kala kuna ndambu zina antu a lembolo zola kunu tambula, avo mpe kunu wila, muvayika kuna ye nukubula fundu fundu dia malu meno mpasi vo diau dina ku akadila kimbangi. ¹² Ayendanga, ye alonganga mpilulu a diela. ¹³ Azoma mpeve zayingi zambi ye akusa mafuta kua zimbevo zayingi ye aku aniakisa. ¹⁴ Ntinu Elodi wuna va avivila Yisu, kadi nkumbu yoyo yatona zayakana, ye wakana: Kadi Yoani mbotiki wafulukidi mu afua. Idina keti vangila yimangu mu yani. ¹⁵ Ankaka awu vo: Elia. Ye ankaka mpe avova: I mbikudi konso umosi mu mimbikudi. ¹⁶ Kansi Elodia va kawa mono, wavova: I Yoani Ndioyo ngia zengisantu, i yani futumukini. ¹⁷ Kadi Elodi yani mosi wa kangisa Yoani, ye Mwa kangisa mu boloko dia wankuela. ¹⁸ Kadi Yoani mwa vovesenge vo: Kadiena dia luve ko mu baka nketo wa mpangi aku. ¹⁹ Elodiade wa fuemina Yoani, ye wazola kumvondisa. Kansi kalenda wo vangila ko. ²⁰ Kadi Elodia wamuena Yoani wonga, mwazayila vo i muntu wa lunungu ye wandongo, yani wa ntaniningi ye, va kamona kiese mu ku ndimba. ²¹ Ye bosi lumbu kiakala mpuasika kialuaka, ntangu Elodi, mu nkembo a nlungi mu diambu dia lumbu kiani kika wutuka, wakubisa nkembo ye wabokidisa zimfumu zami mfumu za masoda ye antu anene a kisi Ngalili. ²² Muana mwa nketo wa Elodiade wakota mu vinga, yani wakina ye dia yngidika Elode ye bakabokidisa ku nkembo. Ntinu wavova kua ndumba: Undomba kionso kizolele ye siya kio kuvana. ²³ Wakudikila mu dia ndefi: Kionso kiwuna lomba ngiena kio kuvana, kani nkutu vo ndambu a nkitinu kiame. ²⁴ Bu kavayika wayuvula kua ngudi ani: Nki ngia lombe? Yani mw tula: Ntu a Yoani mbotiki. ²⁵ Wazomina mu vutuka kiamakilu kuena Ntinu ye wamvana ndombolo yayi: Nzolele wakumpana wau tusidi va langa dia finukua, ntu a Yoani mbotiki. ²⁶ Ntinu wa mona kiadi, kansi mu diambu dia ndefi zika dia ye antu akabokidisa mu nkembo, kazola komu nku yimina dio. ²⁷ Wafila vana fulu, nkengi mosi, ye mwa tumina nka natina ntu wa Yoani mbotiki. Nkengi wayenda zenga ntu a Yoani muna boloko, ²⁸ Ye wanata ntu vana longa. Wavana wo kua muana mwa nketo ye muana nkento wavana wo kua ngudi ani. ²⁹ Minlongoki mia Yoani vamiawa mo, ayiza baka nitu ya Yoani, ye ayenda yo tula mu ndiamu. ³⁰ Zintumua, zakutakana lukufi ye Yisu, anzayisa momo ma avanga ye momo ma amana longa. ³¹ Yisu wa azayisa: Nuzeno vo lueka fulu kia nkatu, ye nuvundeno fioti. Kadi vakala ayingi ayenda ye awutuka, ye ka abaka nkutu ntangu mudia ko. ³² Amanta mu nlungu, mu kuenda va lueka va fulu kia nkatu. ³³ Antu ayingi aku amona va ayenda ye aku abakusa, ye mu mbanza zozo azawula mu malu ye aku aviokila ntu ye kuna yau abangila mu kuenda. ³⁴ Va akulumuka mu nlungu, Yisu wamona ndonga yayingi, ye wakala wazala ye kiadi mu diambu diau, kadi akala kaka bonzo mameme makondua mvungi, ye wa yantika mu ku alonga mambu mayingi. ³⁵ Wakina vo ntangu yataluka beni, minlongoki miani miafinamana ye mia nzayisa: Fulu kiaki kiena kia nkatu, ye ntangu yitalukidi kala; ³⁶ Wavutula, kidi vo enda mu maviyeye mu mavata ma kinzungidila, mu kuele sumba kiandia. ³⁷ Yisu waku avutudila: Nuku avana yenomosi kiandia. Kansi akamba, ye tuele sumba mampa ma nkama zole za nzimbu, ye tua ku avana kia ndie? ³⁸ Waku ayuvula: Ntalu kua yena yeno ya mampa? Luanda tala. Afiongonina, ya avutula: Matanu ye mbizi zole. ³⁹ Mbosi waku atuma mu ku avuandisa awonso mu makabu makabu va matadi mankunzu. ⁴⁰ Avuandila mu nlonga mia nkama nkama ye makuma tanu ye makumatanu. ⁴¹ Wabaka mampa matanu ye mbizi zole ye wasengula meso ku zulu, wavutula matondo. Mbosi wabukuna mampa, ye wavanamo kua minlongoki kidivo akayisamo kua nkangu. Wakabula mpe zimbizi zizole kua awonsono. ⁴² Awonsono adia yye ayukuta, ⁴³ Ye anata kumi ye zole dia zimbizi zazala ye itini ya mampa ye nsadidila za mbizi. ⁴⁴ A wonsono a dia mampa akala mafunda matanu mamu ayakala. ⁴⁵ Vana vau kunima, wa tatimisa minlongoki miandi mu manta mu nlungu ye mu vioka ku ntuala ani ku simu diankaka, ku ndambu za Betesayida mu ntangu iketi vutula nkangu yani mosi. ⁴⁶ Va kamana ku avutula, wayende vana mongo mu sambila. ⁴⁷ Nkokila va yayiza, nlungu wakala va kati kua mbu, ye Yisu wakala yani mosi va ntoto. ⁴⁸ Wamona vo akala ye mpasi zazingi musawuka kadi mupepe waku avutula lunima. Mu ntangu ya nya ya nkielo a buisi fisidi, wayekulua kua yau, wadiata va zulu a mbu, ye wazola kualutila. ⁴⁹ Bu bamona weti diata va ntandu a mbu, abanzia vo nkuyu, ye baboka. ⁵⁰ Kadi amona yau awo, ye akala wonga. Vana fulu Yisu wakuavovisa, ye wavova: Ngieti kuna sila, i mono kuani, kanukala ani wonga ko. ⁵¹ Bosi wakala muna mu akala mu nlungu, ye mupepe wamanisa. Atoma yitukua yau kibeni. ⁵² Kadi ka azaya nsasa ya kimangu kia mampa mu diambu dia miau miakala miakangama. ⁵³ Ki amana sabuka mbu, ayiza ku nsi a Nazaleti, ye atelama vana simu. ⁵⁴ Bu avayika muna nlungu, antu, bu abakula Yisu, ⁵⁵ Azawula va ntanda, mu awonsono mu awila vo ikena.