1
Va yiza luaka kunima fintangu Yisu va kazietelenge mu zimbanza ye mu mavata mu longila ye samunanga nsamu wambote wa kimfumu kia Nzambi.
2
Minlongoki miani kumi ye zole akala yani ye mbosi mpe ye akento wowo aniakuswa mu mpeve zambi ye yimbevo: Malia, ndiena wa bokudulua Mandelani, kua ndiena kua vayikisa mpeve nsambodia zambi,
3
Zani nketo wa kuza i nkembi a mvuilu za Elode; Suzani ye wulolo wa anketo anamba aku asadissigni mu mvuilu zawu.
4
Mu ntangu nkangu wayingi wakutakana vena yani, antu a zimbanza zampila mu mpila ayiza kwa yani, yani waku akamba nagana yimosi:
5
"Nkuni wumosi wayele kuningi. Va kakala kunanga, ndambu ya zinkeni yabwa va mpambu a nzila, yadiatua ye zinuni za mazulu zadia zo zazo.
6
Ndambu yankaka yabwa va matadi va ya mena, yayuma kadi va kondua nzizi.
7
Ndambu yankaka yabua va zinsende zamena va mosi ye yawu ye ya fietikisa yo.
8
Kansi ndambu yayo yankaka ya zinkeni yabua mu ntoto wambote ye yawuta mbutu nkama nkama" Kunima Yisu va kamana mo vova, waboka: "Bika wena ye matu mu wa, kawa"
9
Mboki, minlongoki miani miayuvula nki kisongele ngana yoyo.
10
Yani waku akamba: "Kwa eno diavewa mu zaya mampinda ma kimfumu kia Nzambi kansi kwa antu haha ankaka i mu ngana, kadi mu tala ka eti mona kani lekua ko ye vo mpe eti wa ka eti bakusa kani lekua ko.
11
Tala mbangudulu a ngana: Nkama i mambu ma Nzambu.
12
Yoyo yi buidi mu mpambu a nzila, i antu wowo awanga mambu ma Nzambi, mbosi vayiza nkadi a mpemba ye wakatula mo mu ntima miau, kidi vo alembua kuikila ye mpe alembua vuluzua.
13
Valanda, yoyo yabwa va matadi, i wowo atambula nga mambu ma Nzambi mu kiese va awanga mo, kansi akondolo nianzi, akuikilanga mu fintangu, kansi mu ntangu ya ntotolo, ayambudi mo.
14
Yoyo yibuisi va kati kua zinsende, i yawu awanga mambu ma Nzambi mu zingu yawu, kansi afietokoso kua mambu, kua yimvuama ye kua yese ya luzingu ye mbutu miawu kami yelanga ko.
15
Mbosi yoyo yibuidi mu ntoto wa mbote, i yawu wowo awanga mambu ma Nzambi mu ntima wa kuikama ye wambote, asimbininanga mo na kekete ye awutanga mbutu mu ntatumunu."
16
Tala, kevena muntu ko nkuikanga muinda mu tula wo ku nsi a mvungu evo mu tula wo ku nsi a mfulu. Kansi ka fuiti wo tula kaka va fulu kia zangama kidi vo awonsono eti kota mu nzo amona kia.
17
Kadi kavena lekua kisuama kina lembua zayakana ko, kuena mansueki mena lembua sunzulua ye zayakana mu mini a ngemba.
18
Nutoma wa, wuna toma vewa i ndiona wena ye lekua, ye ndioyo kondolo lekua, kani nkutu vo kuikidi vo lenda kio baka ku se ntwala, kina kunzionwa;
19
Kunima, ngudi ami ye mpangi zani za mayakala ayiza kua yani, kansi alembakana luaka vakena mu diambu dia ndonga.
20
Anzayisa: "Ngudi aku ye mpangi zaku za makala ena kumbazi, azolele monana yaku."
21
Yisu waku avuudila: "Ngudi ame ye mpangi zame zamakala i wowo awanga mambu ma Nzambi ye sadilanga mo.
22
Mbosi tala, lumbu kimosi Yisu wamanata mu nlungu ye minlongoki miani, yani waku akamba: " Tuvioka kuna simu dainkaka dia zanga. Atoma mu sabuka.
23
Va akala sabukanga, Yisu wakala waleka. Tembo kimosi kiansisi kiabua muna zanga ye nlangu watona zala nlangu ye akala mu sumbuka kiakinene.Vana minlongoki mia Yisu mia finka vana yani ye ansikimisa avova: "Nlongi! nlongi! tueti zimbala!" Wasikama, wasemba.
24
Tembo ye nganzi za maza zadingalala vakituka na piiii!!
25
Mbosi waku akamba: "Minu kieno kueyi kiena e?" Nsisi yaku abaka ye mangutukulu, atona mu vovasana yawu ye yawu: "Nani kuani i muntu wawu, weti tumina nate ye tembo ye milangu ye yawu yeti kuntumamana?
26
Aluaka mu nsi ya esi Ngelasana yatalasana ye Ngalili.
27
Va ka kulumuka mu nlungu, yakala dimosi muisi mbanza wakala ye zimpeve zambi wayiza wawana yani. Tuka ntama kakezi vuatanga diaka minlele ko ye kakedi vuandanga diaka mu nzo ko kansi ku zindiamu.
28
Va kamona Yisu, waboka mu ngolo, wabua va ntadisi ani. Mundinga yangolo wavova: "Nkia diambu dina yaku ye mono Yisu, Muana wa Nzambi ya mu kayengele? Ngieti kubombidila ku nkuamisani ko"
29
Kadi Yisu watuma kua mpeve ya sumuka u vayika mu muntu wowo kadi nkumbu zayingi yakotila. Mpeleko wakangua mu yimbienga munsinga ye wakangua,watabula yimbienga ye wanatua kua mpeve zambi ku nsi zankatu.
30
Mbosi Yisu wanyuvula: "Nkumbu aku nga nani e?" Ye wavutula "Makabu" kadi mpeve zambi zayingi zakala mu yani.
31
Ye zanbombidila kidivo kalembua zo tuma zenda ku benga dia tiya.
32
Tala, vavana vakala mpe ye kamba diafuana dia zngulu diakala dianga muna mongo. Zompeve zambi zanbombidila kidi vo kaku ayambu akota mu ngulu zozo. Ye waku ayambudila.
33
Vana fulu mpeve zambi zavayika mu muntu ye zakota mu zingulu, ye kamba dia zingulu dia nangumuka tuka kuna zulu a mongo nate ye mu zanga dia nlangu ye za dimina.
34
Alangidilanga kamba dia zingulu va amona mamana ma vioka ataya ye ayenda te nsangu mu mbanza ye mu mayinza.
35
Ye vana, antu avayika mu kuiza tadi mameni vioka. Mbosi va aluaka lukufi ye Yisu ye awana muntu ndiona wavayikisua mpeve zambi wavuanda va malu mani, yani wauata minlele ye weka ngindu zasungama, abakama kua wonga.
36
Ye vana, wowo amona wuna maviokila asamuna kua ankaka konso muntu wowo wakala ye mpeve zambi kaniakusulua.
37
Nkangu wa wonsono wa zunga kia esi Ngelasani alomba kua Yisu kaku asisa kenda kuani kua nda kadi yawu anmuena wonga wawingi. Mbosi wannata mu lungu ye wavutuka kuani.
38
Muntu wowo wavayikisua zampeve zambi wambombidila kidi vo enda yani. Kansi Yisu wanvutudila wakamba:
39
"Vutuka muna nzoaku ye ta nsangu mu mamonsono ma manene mameni vanga Nzambi kua ngeye." Muntu wayenda ye wa muangasa nsangu mu mbanza yayonsono momo Yisu ma kavanga mu yani.
40
Tala Yisu va kavutuka, nkangu wantambula, kadi wamvungila.
41
Tala, muntu wumosi wayikua nkumbu a Yayilo wayiza; yani wakala wumosi mu akulutu a nzo a tukutukunu. Wabua va malu ma Yisu ye wambombidila mu kuiza ku nzo ani,
42
Kadi muan'ani wanketo wumosi kak wa fisidi mvu kumi ye zole wakala yela lukufi ye fua. Yisu va kakala kuenda yendingi kuna, ndonga ya antu yamfietikisa ye yani.
45
Yisu wavova: "Nani wunsimbidi?" Wakinavo yawu awonsono ka atambudila ko. Petelo wankamba: "Nlongi, ndonga yampila yayi yina ku fietikisanga."
46
Kansi Yisu wavutula: "Vena muntu wunsimbidi, kadi ntomene mona ngolo zivayikidi mu mono."
47
Nkento va kamona vo kalendi ku isueka ko, wayiza ku ifidi ye zakama wafukama va ntadisi a Yisu. Watambudila va ntadisi a nkangu wa wonsono mu nki bila kansimba ye naweyi kaniakini nakibiu.
48
Mbosi Yisu wankamba: "Muan'ami wankanto, minu kiaku kikuvuluzi, wenda mu yenge."
49
Vana va kakala tatamananga mu vova, muntu mosi wayiza watuka kua nkuluntu a nzo atukutukunu ye wavova ea : "Mun'aku wankento fuidi, yambula kuani mu kuamisa nlongo."
50
Kansi Yisu wawa, wamvutudila: "Kumonani wonga ko, kuikila kaka ye siaka vuluzua."
51
Mboki, va kaluaka kna nzo, kavana nkutu luve kua muntu ko mu kota yani kaka wan i Petelo ye Yoane ye Yakobi mbosi mpe ye se ye ngudi a muana.
52
Tala, yawu awonsono adila ye anionga mu kuma kia muana kansi wankamba: "Kanu didi ko, kafuidi ko, yani lele."
53
Kansi asevila kadi azaya vo yani wafua.
54
Kansi Yisu wasimba koko kua muna ye wambokila mu ndinga yangolo: Muan'ami sikama!"
55
Muel'ani wavutuka, ye watelama vana fulu. Yisu waku atumina amvana lekua kia ndia.
56
Mase mani mayitukua kansi Yisu waku asikidisa mu lembua kamba kua konso muntu momo mameni vioka.