¹ Kinga ko, Tisu va kasawuka maviye mu lumbu kia lunungu ye minlongoki miani mia vuza minsoko mia losa ye a dia mio, kunima va amana mio nika va moko mawu. ² Kansi mimfalisi miavova: "Bila nki nueti vangila mambu malembolo nsua mu lumbu kia lumingu e?" ³ Yisu waku avutudila: "Ka nua tengi ko mavanga Davidi va ka mona nsatu, yani ye adiata yani nzila mosi e ? ⁴ Wakota muna nzo a Nzambi, walonga mampa ma nkayilu, wa dia mo ye wavana mpe kua akala yani nzila mosi, ma mpa momo mena vo kamuntu ko nua luve mu dia mo, wana vo zinganga za Nzambi, yawu kaka" ⁵ Waku akamba "Muan'a muntu i mfumu a lumbu kia lumingu. ⁶ Lumbu kiankaka kia lumingu, Yisu wakota mu nzo a tukutakunu ye wa longila antu. Muakala muna muntu umosi wakala ye koko kua lubakala kua fwa. ⁷ A minsoniki mia minsiku ye amimfalisi atungunina Yisu lukufi lukufi mu tala keti vo lenda niakisa u lumbu kia lumingu, kidi vo ambakila bila mu kumfunda vo vengi diambu dia mbi. ⁸ Kansi wakina vo wazaya mabanza mawu, wakamba kua muntu wakala ye kok kwa fwa: "Telama ye kala va kati kua antu awonsono." ye vana muntu wa telama ye waku tula vana. ⁹ Yisu waku akamba: "Ngieti kunu yuvula keti vo diena kuandi dia luve mu vanga diambu dia mbote mu lumbu kia lumingu evo mu vanga diambi, mu vulusa muela evo mu vidisa wo e? ¹⁰ Wazietisa meso kwa yawu awonsono, wa vova kua muntu: "Lambula koko kuaku." Wavanga wo ye koko kuani kua niaka. ¹¹ Azala ye nganzi, atoma vovasana yawu ye yawu mpasi vo azaya nki afuiti vanga kwa Yisu. ¹² Va luaka mu lumbu yayina vo Yisu wayenda kuna mongo mu sambila, ye waviokisa mpinga yayonsono mu sambila Nzambi. ¹³ Kuma va kua kia, wabokila minlongoki miani ye wasola kumi ye zole, kua yawu kavana nkumbu a minlongoki. ¹⁴ Nkumbu za minlongoki zakala ebu Simoni, kua yani kavana nkumbu a Petelo, Andele, mpangi ani yayakala, Yakobi, Yoane, Balitelemia, ¹⁵ Matayi, Tomasi, Yakobi muana wayakala wa Alife, Simoni ndiona wabokuduluanga Zeloti., ¹⁶ Yuda Isikalioti wayiza kituka nyekudi. ¹⁷ Mbosi Yisu wa kulumuka tuka kuna mongo ye yawu ye watelama va fulu kimosi sunguna, Ndonga yayingi ya minlongki miani yakala vana, yempe diaka ndonga ya antu atuka kuna Yudayo, ku Yelusalemi ye muna nseko ye nseko a mbu ku mbanza Tilo ye ya Sidoni. ¹⁸ Ayiza mu kuizi nku wa ye mu ku kiniakisa mu yela kwawu. Wowo akwamusua kua mpeve zambi aniakuswa mpe. ¹⁹ Ndonga ya yonsono atonda mu nku simba, kadilulendo lumosi kiavayika mu yani ye lua ku aniakisa. ²⁰ Mbosi va katala minlongoki miani, Yisu wa vova kua yawu: "Mayangi, kwa yeno nuena amputu, kadi kimfumu kia mazulu i kieno. ²¹ Mayangi mena kua yeno nuena mu nsatu wawu, se nua yukutusua, mayangi mena kua yeno nu dilanga wawu, se nua seva. ²² Mayangi mena yeno, antu va akunu belana, va akunu losanga va akunu finganga, ye akitulanga nkumbu zeno konso vo zambi, mu diambu dia muana muntu. ²³ Nu yangalala muna lumbu kiakina ye nutikuzuka ye kiese, kadi tala, nsendo eno wuna kala wawunene. I wawuna zinkaka zawu zakala miokuninanga mimbikudi. ²⁴ Kansi angua kiadi kua yeno zi mvuama, adi nua kibakidi yeno mbombolo. ²⁵ Kiadi kua yeno nuene nua yukuta wawu, kadi se nua mona nsatu kuntuala. Kiadi kua yeno nu sevanga wawu, kadi se nua kala mu kiadi ye si nua dila ku ntuala. ²⁶ Engue kiadi kua yeno antu awonsoo va akunu vovilanga mu mambote! kadi i wowo mpe kuani nkaka zawu za vangila kua mimbikudi mia luvunu. ²⁷ Kansi ngieti ku kamba kua yeno nueti kungua, nuzola zimbeni yeno, nuvangila mambote kua wowo eti kunu bela, ²⁸ Nusakumuna akunu singanga, nusambidila akunu niokunanga. ²⁹ Vo muntu ukubendi va bundi, utambika diankaka. Vo muntu longele kinkiti kiaku, kunsini ani ko kalonga mpe yanga kiadu. ³⁰ Vana kua konso konso wukulombele> Vo muntu zienina lekua ki mvuidi, kumbmbani kio ko kidi vo kaku vutu dila kio. ³¹ Diodio di nzolele vo antu akuvangila, ngeye mpe nku avangila dio. ³² Vo nzolanga kaka wowo akuzolanga, nkia ndandu una baka kadi ankua masumu mpe azolanga wowo aku azolanga. ³³ Vo nu vanganga mambote kua wowo akunu vangila nga wo, nkia ndandu luna dio bakila, kadi asumuki avangilanga wo mpe. ³⁴ Vo nu devisanga kaka kua wowo anuzeyi vo se akunu vutudila, nki a ndandu nuna dio bakila e? Kadi asumuki mpe adiovangilanga kua asumuki ye avingilanga mu vutudulua mpe mbongo konso wu adevisila zo. ³⁵ Kansi muzola mbeni zeno, nuku avangila mambote. Nudevisa, kondua kua mona wonga mu lembua zo vutudilua ye nsendo eno wuna kala wa unene. Yeno si nua kala ana a Mpungu tulendo, kadi yani mosi wuna wa mbote kwa antu alembua bambukilanga ayawu moyo ye ankua mambi. ³⁶ Nukula ankua nkenda, konso wenina se dieno mu mazulu i nkua nkenda. ³⁷ Ka nu fundis'ani ko ye yeno kaluna fundiasa ko. Ka nu bedisani ko, ye yeno ka luna bedisua ko. Nu lemvukila ankaka, ye yeno mpe si nua lemvukilua. ³⁸ Nuvana kua ankaka, ye si nua vewa. I tezo kia mbote (kia niemua, kia nikunua, kia sambila) kina sekulua va nsuka anlele aku. Kadi i mu tezo kiokio kwani ki nu tezilanga kina sadulua mpe kua yeno. ³⁹ Waku akamba mpe ngana yimosi: "Nkua mpofo lenda kuani tuadisa wayani nku mpofo e? Vo vengi wo, ka anawu lua yawu awole muna diwulu ko e? ⁴⁰ Nlongoki kalendi sala lutila nlongi ani ko, kansi tu nlongoki wutomene longoka lenda fwanana ye nlongi ani. ⁴¹ Bila nki una tadilanga titi kina mu disu dia niaku ye kuetiaku mono ko buku kia nti kiena mu diaku disu e? ⁴² Naweyi fuiti kambila kua niaku: "Mpangi vingila yakatula titi kiena mu disu diaku vo ngeye kuetiaku monako buku kia nti kiena mu diaku disu e? Unkua disu ku nsi a lukaya, teka katula buku kia nti kisna mu disu disku, mbosi nua tadila naweyi una katudila titi kiena mu disu dia niaku. ⁴³ Ka kuenani nti wambote wulenda wuta mbutu wambi ko, evo mpe nti wambi kawulenda wuta wambote ko. ⁴⁴ Konso ka nti wazayakananga mu mbutu wa yani beni katulendi kala mingiengie mu zimpanga ko ye katulendi kala mbutu mia vinia va zinsinde ko. ⁴⁵ Muntu wa mbote mu mambote mena muna ntim'ani, wu vayikisanga ma mbote ye muntu wambi, mu mambi mena mu nti ani wuwayikusanga kaka mambi. Kadi i wulolo wantim'ani wuvovisanga nua. ⁴⁶ Bila nki kuna kumbikidialanga "Mfumu, Mfumu" Kansi kanu vanganieno mayi vovanga ko e? ⁴⁷ Konso ka muntu ndiena wizidi kua mono, widi mpova zame weti zo sadila, nzolele kunu sanga konso nani kafwanane. ⁴⁸ Yani fuanane kua muntu ndiena watunga nzo, watina luwulu lua lunene ye wangolo kufulu va tadi. Zalu va kiayiza ye mupepe wangolo wanatamuka kua nzo yayina, kawa lenda yo buisa ko, kadi ya toma tungua . ⁴⁹ Kansi ndiena wu wanga mambu mame ye wulembua mo sadilanga fuanane kua ndiena wutungidi nzo ani va zulu a nienge, kondua kua lufulu. Mupepe va wayiza wanatumuka kua yani ye vena fulu ya ya tulumuka ye ntulumukunu ya nzo yayina yakala ya ngolo"