¹ Ku nima mambu momo, Mfumu wasola lusambodia ua antu ankaka, ye waku afila awondo va ntual'ani mu konso ka mbanza ye yifulu yina yani mosi ka banzila mu kuenda. ² Waku akamba: "Ngionzokoyina yayingi, kansi yisadi yafuima. Nulembeno ka nu lembua ko kua mfumu a ngionzoko, kidi vo kafidisa yissadi mu ngionzoko ani. ³ Luendeno, tala ngieti kunu fidisa konso ana a mameme va kati kua zimbulu. ⁴ Kanu baki kani lokobe lia mbongo ko, ka nkatu ya nzietolo ko, ka ibaba ko, ye kanu vani mbote kwa muntu ko mu nzila. ⁵ Mu konso ko nzo yi luna kota, nuteka kamba vo; "Bika yenge kiakala mu nzo yayi," ⁶ Vo muntu wa luvuvamu wena muamuna, yenge kieno kina sala mu yani , kansi vo nkatu, kiawu kina kunu vutukila. ⁷ Luvuanda kaka muna nzo yayina, ludia ye lu nua yayonsono yiluna vewa, kadi sadi fweni mu vewa mfutu ani. Kaluenda'ani nzo ka nzo ko. ⁸ Yonso ka mbanza yi luna kota, ye akunu tambudi, ludia kionso ki luna vewa ye, luniakisa zimbevo zina muna, ⁹ 'Luku akamba vo: " Kimfumu kia mazulu kiena lukifi ye yeno.' ¹⁰ Kansi mu konso ka mbanza luna kota ye kanu tambulu ko, lwenda mu baka baka nuvova: ¹¹ Tweti kunu kubikila fundu fundu dia mbanz'eno diaodio diena ku nsi a ntambi zeto! Kansi luzaya vo kimfumu kia mazulu kieka lukufi." ¹² Ngieti kunu kamba vo mu lumbu kia mfundusu, tumbu kia sodomi nkutu kiena kala kia kikeke kansi ka kia mbanza yayi ko. ¹³ Mpila kiadi kua ngeye mbanza ya kalazi, kiadi kua ngeye mbanza ya Betesayida. Vo mavanga mangitukulu mavangama kwa ngeye mavangama ku mbanza a Tilo ye mu mbanza Sidini nga amana va vilula diela tuka ntama nga amana va vuata zinsaku ye nua kikusa ntoto ampolo. ¹⁴ Kansi tumbu kia mbanz'a Tilo ye mbanz'a Sidoni muna lumbu kia mfundusu kiena kala nkutu kia kkeke lutila ki kieno. ¹⁵ Ngeye mban'a ka Kapenawumi, benzi vo ngeye wuna zangulua ku zulu e? Nkatu, ngeye siwa kululua nate ye mu nsi ya afua. ¹⁶ Ndiona weti kunu wa, weti kungua , ye ndiona weti kulu tinguna wutiguni, ye ndiona wantinguni, tinguni ndiayina wumfidisi." ¹⁷ Alongoki usambodia avutuka mu kiese avova: "Mfumu ye mpeve zambi nkutu zitutu tumamene mu nkumbu aku" ¹⁸ Yisu waku akamba: "Yamueni satana va kasotokene tuka kuna zulu konso nsemo. ¹⁹ Tala mono yakunu veni lendo u diata va zulu a zi nioka, zinkutu ye va zulu z lendo yayonsono ya mbeni, ye kalekua nkutu ko mu yonso ka mpila kilenda kunu kwamisa. ²⁰ Mu diawu kanu yangalalani kaka ko wakinavo mpeve zambi zikunu tumemene, kansi nutoma yangalala wau kina vo nkumbu zeno zisonamene mu mazulu." ²¹ Muna yina ntangu kaka, Yisu watoma yangalala mu Mpeve yanlongo ye wavova: Ikusanisini, oh Tata, Mfumu a mazullu ye ntoto, mu diamabu dia ngeye wamueni sueka mambu mama kua ankua nduenga ye kua ankua nzayilu ye sunzudi mo kua yawu ena ye nzayilu ya fuima, konso ana ansua, Inga Tata, kadi diawu diku yangidikidi va meso maku. ²² Lekua yayonsono yaveno ya kua siami, ye kavena muntu nzeyi keti nani i muana vo ka i se ko, ye kevenani nzeyi keti nani i se vo ka i Muan ko, ye kua konso ndiona yangidikidi kua Muana mu kunzayilu. ²³ Wabangumuka kwa minlongoki miandi, wavova mu kinsueki "Mayangi mena kwa yawu eti mona mambu ma nueti mona. ²⁴ Ngieti kunu kamba vo mimbikudi miamingi ye mintinu miakala nsatu mu mona mambu ma nueti mona ye ka asala mo wana ko, azola wa manueti wa ye alembana mu sala mo wa." ²⁵ Nlongi wumosi mpila yayaina wa minsiku mia ayudayo watelama mu kuntonta wavova: Nlongi, nki mfueti vanga kidi vo ngia baka moyo wa mvu ya mvu e?" ²⁶ Yisu wankama: "Nki kiasonama mua minsiku e? ²⁷ MU vutula wavova: "fuiti zola Mfumu Nzambi aku mu ntim'aku wawonsono, mu muel'aku wawonsono, mu ngolo zaku zazonzono ye mu banza diaku kibeni." ²⁸ Yisu wankamba: "tomene vutula mvutu, vanga wo ye siwa zinga." ²⁹ Kansi mlongi a minsiku wazola ku kinungisa, wavova kwa Yisu: "Nga nani i mfinangani ami e?" ³⁰ Mu vana mvutu, Yisu wavova: "Muntu wawonsono wakulumuka tuka ku Yelusalemi nate ye ku Yeliko. Wabua va moko ma yimpumbulu anziona lekua yani yayonsono anlumba nkuba ansisa fisidi nga wafua. ³¹ Lembua kua zaya, nganga ya Nzambi yimosi mpila yayina ya viokila mu nzila yayina, ye va kanmona, wavioka va lueka nkiovo kamueni ko. ³² Mpila mosi, va kialuaka nlevita vana fuluf beni ye wanmona, wavioka va lueka. ³³ Kansi vakala muisi Samalia wumosi wa zietelenge, waluaka vana fulu beni va kakala. Va kanmona, wamona kiadi kiakingi. ³⁴ Wnfinama ye wa kanga tenda va mputa zani, wansekudila zo mafuta ye malavu ma vinu. Wanzangika va zulu a mpunda ya yani beni, wannata nate ye kuna nzo a zinganga ye wansadisa. ³⁵ Muna lumbu kialandam wavayikisa denali yole, ye wavana yo kua mfumu anzo ye wankamba: Wunsadisa ye mbongo zayonsono ziwuna futa lutela zingikuveni, mu mvutuk'ami si ya zo kuvutudila." ³⁶ Nani va kati kia yawu dia tatu, ngeye benzi wakala mfinangani ya ndiona wabila va moko ma yimpumbulu e?" ³⁷ Nlongi wavova: "I ndiona wasonga nkenda kua yani." Yisu wankamaba: "Wenda ye vanga wumosi." ³⁸ Ye wau, va akala zietanga mu nzila, yani wakala ku vata dimosi mpila yina, ye wumosi mpila yina wayikua Malata wantambula mu nzo ani. ³⁹ Yani wakala ye busi kia bakudulua nkumbu a Malia wayiza vuanda va malu a Mfumu ye walendigi mambu mani. ⁴⁰ Kansi Malata wakiyekula mu sala kia lamba madia mu ku avana. Wayiza kua Yisu ye wankamba: "Mfumu, nga ka dietiani kuvanga mpasi ko vo busi kiami wangiambudi mono mosi mukunu kubikila kia ndia e? Unkamba keza mu kunsadisa." ⁴¹ Kansi Mfumu wavutudila ye wankamba: Malata , Malata, ngeye wena mayindu mu lekua yayingi. ⁴² Kansi diambu dimosi kaka dina nkinzi, Malia solele diena dia biza, dina lembua kunzionwa."