¹ Nzaza va mia manisa, Paulu wafila antu enda landa minlongoki waku asiamisa mkosi, waku avana mbote zansuka ye wayenda ku makedonia. ² Va kayenda waviokila mu zimbanza ye wakala toma siamisa minkuikizi, yani wayenda ku nsi ya Elene. ³ Va kamana viokisa ngonda tatu kuna, kani diambi diakubukua mu yani kua ayudayo mu kuenda ku nsi ya Siliya, I vana kazengila mu vutukila mu nzila Makedonia. ⁴ Mu kuele kumfila te ye Asia, akala yani i SOPATELO muana wa yakala wa Philius muisi mbanza a Belea, Alistaloko ye Sekundo awutuka kua minkuikizi mia kisi mbanza Tesalonika, Ngayo muisi mbanza Delebe, Timoteo, Tikiko e Tolofino atuka mu nsi ya Asia. ⁵ Kansi antu wowo akutu tuama ye ayenda kutu vingila ku mbanza Tolowa. ⁶ Yeto tuamanta mu masuwa mu tuka ku mbanza a Filipi kunima lumbu kia nkembo wa mambu malembua funusua ye kunima lumbu yitatu tua yenda ku awana ku mbanza Tolowa. Kuna tuavuanda mu yilumbu nsambodia ⁷ Mu lumbu kia ntete kia lumingu, mu ntangu tua kutakana mu bukuna dimba, Paulu wavova kua minkuikizi, wakanga mu uenda mu lumbu kialanda kansi yani watatamana mu vova nate ye midi mia mpimpa. ⁸ Muakala minda miamingi muna suu diazangama muna ku tuakutakana. ⁹ Vana nela vakala toko dimosi diayikua Ewutiko, wakina vo wakala ku nsi a tulu tua nkobo. wakina vo Pawulu wavova mu ntangu yanda, toko diodio, wanatuka ku tulu , wabua tuka kuna tezo kiantatu kia nzo mu zangama nate ye va ntoto ye va kazangulwa wafua. ¹⁰ Kansi Pawulu wakulumuka ye wantentama va zulu ye wambindika moko. Yani wavova: "kalumonani ntima mpasi ko, yani wena moyo." ¹¹ Mu ntangu katomboka, wabukuna dimpa ye wadia ku nima va kamana vova mu nangu yanda nate ye mu nsiuka, yani wayenda. ¹² Yawu anata ntuenia yoyo yamoyo ye diatoma ku asivikisa beni. ¹³ Mu yeto, tua vitila Pawulu ku ntuala mu masuwa ye mawu makutu nata nate ye ku Asia, kuna ku tukubikua mu wawana ye kazodila dio mu vangila kadi wazenga mu diata kombe diodio mu malu. ¹⁴ Va tuayenda wawana ku mbanza ya aso, tuasala kumvutula mu masuwa ye tuayenda ku mbanza Mitileni. ¹⁵ Mbosi tuka kuna, tuayenda mu masuwa ye tuayenda kuaka kina kialanda va ntadisi a mbanza kio lumbu kialanda tua vialakana mbanza Somo ye lumbu kialanda diaka tuayiza dio mu viokila va mbanza Mileti. ¹⁶ Wakina vo Pawulu wabanzila dio mu viokila va mbanza Efeso, mu diambu dia kazola viokisa ntangu mu nsi ya Asia ko, kadi wasutila mu kala mu mbanza Yelusalemi mu lumbu kiokio kia nkembo a Pantekoti, vo dikutu lenda. ¹⁷ Tuka ku mbanza Miteli, yani wafila antu ku mbanza Efaso ye wabokila akunluntu a dibundu. ¹⁸ Va aluaka vena yani, yani waku azayisa vo: " Yeno kibeni nuzeyi vo tuka lumbu kina kia ntete kiyatula malu mame mu zunga kia nsi ya Asia, wonso wu yakala viokisilanga ntangu qme ye yeno. ¹⁹ Ya tatamana mu sadila Mfumu mu Luyinunu lua ntima, ye mansonga ye mu mpasi zi yamona mu diambu dia makani mambi nua kubika ayudayo. ²⁰ Nuzeyi vo kiakunu suekila widi diambu nkutu ko mu mambu momo mena mfunu ye diaka konso wungia zietelenge nzo ka nzo. ²¹ Nuzayi mpila matadidi mpilulu awu a madiela kua Nzambi ye mu diambu dia minu kiawu mu Mfumu eto Yisu. ²² Ye wawu, tala, mono ngieti yakangua kua Mpeve yanlongo ku mbanza Yelusalemi, lembua kuazaya mambu mena kunduakila kuna. ²³ Edi kak ngieti vova Mpeve ya nlongo ya nduengesa mu mbanza zazonsono vo yimbienga ye nkuamusu zeto kumpimgila. ²⁴ Kansi kieti muena ko vo zinga kiami, kakienina mu konso ka mpila kialuta ntali beni, mpasi vo yaluaka ku nsuka salu wonso wambote wa nlemvo wa Nzambi. ²⁵ Ye wawu, tala, mono nzeyi vo yeno awonsono, va mono diaka zizi kiame ko. ²⁶ Idina mono ngieti dio kunu zayisa lumbu ki vo mono kizayi diambu ko u menga ma konso konso ka muntu. ²⁷ Kadi mono kia kunu suekila widi dialbu ko mu kunu samunina luzolo lua Nzambi. ²⁸ Idina, nukikeba mu yeno kibeni ye mu kamba diodio Mpeve yanlongo kakunu tula nkengi. Nukeba va nueti vanga dibundu dia Nzambi dikabakila mu menga ma yani kibani. ²⁹ Mono nzeyi vo ngiele kunima ame, madievua ma nsisi mana kikotisa va kati kueno ye kamena vukisa wudi muntu nkutu ko. ³⁰ Nzeyi vo va kati kweno se eza ye ena kunu longila mambu ma luvunu mu makani m tuadikisa minkuikizi ku nima awu. ³¹ yeno lukaya meso. Mubambuka moyo vo mu mvu mintantu kia lembua kunu luengisa ko mu masonga mpimpa ye muini. ³² Ye wawu, ngieti kunu yekula kua Nzambi ye mu mambu mani ma nlemvo yani wena ye lendo mu kunu tunga. ³³ Mono kiazinini moyo kani mu mbongo ko, kani mu wolo, kani mu vwatu mia muntu ko. ³⁴ Yeno mosi, nuzeyi vo moko mani mansadila mu nsatu za mono mosi kibeni ye mu zozo za antu akala yame ntuadi. ³⁵ Mu mamonsono yakunu vana nona vo i mu sala kaka tulenda sadisila ena alebakana ye mpe mulenda bambukila moyo mu mpova za Mfumu Yisu, mpova zi kavova yani mosi vo: "diena dia lusakumunu beni mu vana kansi ka mu tambula ko." ³⁶ Va kamona va vova mpila yayo, yani wa fukama ye wasambila ntuadi ye yawu awonsono. ³⁷ Yawu awonsono, atoma dila ye akizinga va laka dia Pawulu mu ku nyamba. ³⁸ Yawu awonsono akala mu kiadi kiakingi sungula ko u diambu dia kavova vo ka ena mona diaka zizi kiani ko. mbosi ayenda kumfila nate ye kuna masuwa.