¹ Zaya kuaku diadi vo mu lumbu ya nsuka, muna kala ntangu za mpasi. ² Kadi antu anakala wimi nkundi a mbongo, ankua luyanu, kondua kua luyambu, mintiaku, minkolami kua mase ye ngudi zawu. kondua kua ki Nzambi. ³ Ena kala kondua kua nkenda ankua mbalu, kondua kua vumi, minkedi, akondua kukiyala, minkuamisi miangolo, mintantu mia avanganga ma mbote. ⁴ Enaka minyekudi, ankua kondua kua mabanza, bankuyi vuminanga ana lutazola yese ya nza kansi ka Nzambi ko. ⁵ Yawu se a tatamana kala ye mbonokono ya ki Nzambi kansi ka atambudilanga lulendo lua ki Nzambi kiokio ko. Tatukila antu wowo. ⁶ Kadi ayingi mu yawu ena antu afionunukanga mu zi nzo abakanga akento a mazoba azole ye masumu ye atuadusuanga kua nzinunu za mpila mu mpila. ⁷ Alongukanga lumbu ka lumbu kansi ka aluakanga ku nzayilu y kedika ko. ⁸ Wonso Yoane yeYombese bakakila Mose, mpila mosi antu wowo akakidila kedika, akondua mbakusulu ena ye minu kia fua. ⁹ Kansi yawu ka ena kuenda kua nda ko, kadi kizengi kiawu kina monika kua a wonsono wowo wamonika wa akala wowo a wole. ¹⁰ Kansi ngeye wa toma landa malongi mame, nkadulu ame, makani mame, mvibudulu ame, zola kuame ye ntatumunu ame. ¹¹ Nzomono zame, mpasi zame, ye zozo zanduakila ku Antiokia, ku ikone ye ku Listila mu nzomono zozo zambono zanduakila kansi Mfumu watatamana kntanina. I ¹² diawu, awonsono azolanga zinga mu ki Nzambi kiakionsono kintuadi ye Yisu Klisto ena zonwo. ¹³ Antu ambi ye mimvuni a viokidila vanga mambi. Ena vidisa ankaka yawu mosi mpe ena vila. ¹⁴ Kansi ngeye, tatamana siama mu mawalunguka ye watoma movisa bu uzeyi ndiona wakulonga mo. ¹⁵ Kadi tuka ki muana kiaku wazaya masonukua malongo mena ye ngolo, mukuvana nduenga zilenda kunata kumpulusu yeno mu Yisu Klisto. ¹⁶ Masonukua mamonsono mafulumunua kua Nzambi mena ye ndandu beni mu longa kedika, mu semba matekama, mu sungika zinkombo ye tuadisa antu wonso ufueni zinga mu lunungu. ¹⁷ Mpasi vo muntu wa Nzambi kakala watoma kubukua ye walungusua mu magueni mu vanga mavanga mamonsono ma mbote.