¹ Ye wau, zi mpangi, nutu sambidila, mpasi vo mambu ma Mfumumatatamana muangisa mu nsualu ye mazitusua, ² wonso wu makadila ku ndambu eno. Nu sambila mpasi tua tanunua kua antu a kotanga nsoki ye ambi kadi ka awonsono ko ena ye minu. ³ Kansi Mfumu wena wakuikama yani wuna kunu siamisa ye wuna kunu keba nkua wambi. ⁴ Tukanu sulanga vuvuv mu diambu dia Mfumu, vo yeno nueti vanga ye vo nuna tatamana vanga mambu ma tuku nusikidikisanga. ⁵ Bika Mfumu katuadisa ntima mieno kuzola kua Nzambi ye tatamana kua Klisto. ⁶ Wau nuzi mpangi, tueti kunu sikidisa mu nkumbu a Mfumu eto Yisu Klisto, mu lembua bundana ye zi mpangi zi zinzanga mu kimolo ko ena a sungama mu malongi ma nua tambula kua yeto ko. ⁷ Kadi yeno kibeni nu zeyi wonso nufueti sa mu kututanginina. Kadi yeto katua dieti wonso ka wonso ko. ⁸ Ye yeto katua dia madia ma muntu mu kalekua ko. Nkutueti tuasala muini ye fuku mu manzolo ye mampasi, kidi tualembua kala zitu mu yeno. ⁹ Yeto ka tuavnga momo mu kondua kua luve ko. Nkutuetu, yeto tuavanga wo mpasi tuakala kimfuani kua yeno, ye mu kutu tanginina. ¹⁰ Mu ntangu tuakala yeno, tuakunu kamba vo: "Vo muntu kazolele sala ko, kalendi dia ko." ¹¹ Kadi tua wa vo ankaka mu yeno ka a zolele sala ko. Yau ka aslanga ko, nkutu eti salu kiau kuele kotingi mu mangani. ¹² I diau ua antu ampila yoyo, teti ku alomba ye ku a longua sikidikisa mu Mfumu Yisu Klisto bika asala wonso wasungama mpasi a dia yuma ya yau kibeni. ¹³ Kansi yeno, a mpangi, kanu bebi mu vanga mambote ko. ¹⁴ Vo muntu ketumamene malongi meto matueti kunu vana mu nkanda wawu ko, nubseno dimbu ye ka nukala sanani diaka ye yani ko, mpasi kamuena diau nsoni. ¹⁵ Kanu mbaki wonso ntantu ko kansi nu luengisa wonao mpasi. ¹⁶ Bika Mfumu yani kibeni wena tuku kia luvuvamu kanuvana luvuvamu ntangu zazonsono ye mu nzila zozo! Bika Mfumu kakala ye yeno awonsono. ¹⁷ Mono Paulu i uveni mbote mu koko kuame nsanene mambu mama. ¹⁸ Bika nlemvo wa Mfumu Yisu Klisto wakala ye teno awonsono